Acts 17:2 - ASII LAKDAP Bible (BSI)

² Paul ka rahin jaq akhing na jamkho sinagok na kitlaq kiikha, kra akhing niimin sinagok na kito. Raüta, kiijaq apaiq ka Asii Niitiitsak ranaiqtsam akhing na saüli nokwe ma,

Hawa Naga Bible 2001

² Polu kuex miqmac rueq shuimc juing yauk shuimc httax yaq rulc rv-ngvlc vjux thoz yuimx nuex kaz vtueq, Vguilc Raungnuiyq vthuimx tup kvruex wawc miq htenc rulc rvjungc phvnc lvmz htenc shunshvlx shuimx kaz tueq.

Muklom

² Jukwet jin ka aa thimal Paul synagogue náng kata. Eshina, saltom Sabbath saal o ning jamoq tong eq Asang likwit wang raaq thabat tanta,

Acts 17:2 Referencias Cruzadas

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

Matthew 26:24

Maiq Se riiwe kla Asii lakdap na apaiq ka jamkha tsai chang nguto waiq wantaq kra phan phan mitsai. Shatmaq Maiq Se shaphaq wanti we ma pinthum phiiptsi chang jonghea asi! Apaiq ka ara mangjong hiq arjaq rawii chhiki mak dongdii ngu raü jiiwe khoti ahea riichang!”

Luke 4:16

Kra akhing na, Jesuq ka apaiq jonglu wan chang hiqshong Najareth hiq na wato. Raüta, Asii Niitiitsak ranaiq na, apaiq ka rahin jaq kitlaq kiikha, sinagok na kito. Raüta, apaiq ka Asii bomtsi phat chapto.

John 18:20

Kiijiishe, Jesuq raq apaiq bom ka treto, “Ngi riika nokwe man na kholam kholiiq maq traho bom chongkuq wan kang ihata. Ngi raq mungmaiqse ma traho bom chongke wan ka nokwe riitam nga chang sinagok thun nai Shomjam mong maq chongkuq wan kang ihata. Ngi raq adam apaü lam maq, jamlai bom min chongkuq mang.

Acts 13:14

Tsangnai ka Parga maq wawan raüta, Pisidia hong na Antiok chela niishe saü wanto. Raüta, Asii Niitiitsak ranaiq ka sinagok na kito. Raüta ngaki damto.

Acts 13:5

Tsangnai ka Saipras mung na Salamis hiq niishe saü wanto. Raüta, Shiikeawe bomtsi ka sinagok na chongkuq wanto. Tsangnai rai jaqsham na bomtre damti ka Johan Makaq wadamto.

Acts 14:1

Kra niq riri sii hali, Ikoniam chela niimin riito. Paul nai Barnabas ka sinagok na wa raüta, achaq awaq maq Tsütsa Ahea kra chongkuqto. Krai mren, Jehudinok phong wa nai Pongnok phan maiqse phong wa maiq pahea raq Tatiwe ma kamwanto.

Acts 17:10

Kra rajili she, ranyaqto angu niishe, phunainotiim raq Paul nai Silas ka Berea chela niishe sheathü kito. Riita tsangshiq ka Berea na saü wan raüta, sinagok na kito.

Acts 17:17

Kriikha maq, apaiq raq sinagok maq Jehudinok rai kiimaq Shiikeawe shomnoqti Pongnok phan maiqse rai riiphan chanto. Kiimaq ranaiqtek kejat thung maq, kiijaq maiq juwa akhum ashiimti achachati kiima trahokuqto.

Acts 18:4

Apaiq raq Asii Niitiitsak ranaiqtek sinagok na kiraü raüta, Jehudinok nai Griknok rai tsangshiq tsantsii ka tiinin jawan miitu, atsi dada maq traho bomtsi ka chongkuq lili riito.

Acts 19:8

Paul ka jipi lü tsam tingkhit sinagok na walili raüta, nokwe ma Shiikeawe bomtsi ka tsangshiq ma achaq awaq maq chong kuqto. Kiimaq tiitho tiipha phanchan chongkuq raüta, tsangshiq tsantsii ka Shiikeawe puk na nyap wan lamphan na tiinin ja wan hajaq nguta pinthum shiikut chaqto.

Acts 24:25

Shatmaq Paul raq apaiq rai riibom lam maq, kechu rilung, stiq skhaq rilung, kiimaq jai na saüho tlaq Phangthum Khapho Ranaiq wa bom thun kra phanchan chongkuq wan lili riitlo. Kriikha maq, Phelisk ka ahaisi min asi riito. Kriikha maq, “Ümniika ümchaü atiido wan mimai. Ngi raq ümtiikiiwa akhing milap ha kiitiikiitiq mitiihea nong kang” nguta chong kuqto.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Acts 8:35

Kiijiishe, Philip raq ara phat wantaq lakdap kiimaq phaho raüta, asii bomtsi wa Jesuq manphan Tsütsa Ahea kra tiitho tiipha she chongkuqto.

Acts 9:20

Kiimaq, apaiq raq sinagok thun kiijaq kokkok wawan raüta, Jesuq kiidea Shiikeawe Se nguta trahokuq pha wanto.

1 Corinthians 15:3

Ngi raq Shiikeawe jaq wa akhek pinthum bomtsi lap wan kang kra, namshiq ma chongkuq kang she. Asii bomtsi na Jesuq Khristo ka nashiq ngarai ara tiisiike kai miitu tsaito nguta waiq thüto.

1 SAMUEL 12:7

Riita, ümchaü min namshiq ka ümbano chaptlan kiijaq chapshatli ronglaq, ngi raq namshiq ka Tatiwe man na, Tatiwe namshiq nai namtitiim tiichhiiwan miitu ümtinkhan wa ningkun jonghea maq jaqsham wantaq thun kra namshiq ma bliiq chongkuq nong lata namshiq ka Tatiwe man na tiishut pha.