Acts 17:16 - ASII LAKDAP Bible (BSI)

¹⁶ Paul ka Athens chela na Silas nai Timothi khewan nguta hai wanto. Apaiq raq kra chela ka phra sumla phong riili ama kra chhi raüta, atsan mong na piq maq ashuk ikha tsito.

Hawa Naga Bible 2001

¹⁶ Polu kuex Ahten ghaq nuex Sila nuiyc Timothy bvmc lvmx maq httax tueq nuex, kvruex ghaq kvyuq yac yuimx htenc mvrc yaq kuex khiz vtueq vthuinz hvlx muq rvtueq.

Muklom

¹⁶ Baluk o Paul aa Athens na Silas nia Timothy banchey ta tho, Athens samhaq na daqhan shila tha khi eq piq tin shitta.

Acts 17:16 Referencias Cruzadas

1 HOKHVMX 19:10

Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiililii wan kang, ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”

1 HOKHVMX 19:14

Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiili wan kang ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”

Tvtsvmc 119:136

I makphai sawa ka jüserai ikha kitlo, jamkhano ngukla nokmaiqse raq ümtri langmak.

Tvtsvmc 119:158

Ngi raq mung shaphaqtibi kra chhikangla, ngi ma maklii jaina toqphat ishusitlo, jamkhano ngukla tsangshiq raq ümnaq aming thun langmak.

Tvtsvmc 69:9

Itsan imong tiitsi lata üm Shomjam lungwiitiikang kra wa ikha nyaitlo; ümnaq shummii maiq thoda ka ikhuthaq na saüto.

JEREMIA 20:9

Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Mark 3:5

Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

John 2:13

Kra bala ka Tiichhii Wan Poi ho nini she riito. Kriikha maq, Jesuq ka Jerusalem na kihoto.

Acts 17:15

Paul thükaiti maiqwere kitaq ka Athens chela na saüli wawan damto. Raüta tsangshiq ka Berea na jang wan nongto. Paul raq Silas nai Timothi raq apaiq ka jaqlo maq mitlo wan li laq nguta bom ka apaiq thüwati ma tiichong wanto.

Acts 17:21

(Athens chela na siti hiqshong maiqse nai wanshok wanshati thun wiita riika, jamlai phan wa anye dong tlaq, kra nanok ma chongke manphan riichan maq ngawan roli, kiimaq anye phan nguta dong tlaq kra phan tsütsa kra tai wan roli sitlo.)

Acts 17:23

Ngi raq namshiq chela mong na khum lam maq, namshiq phra shomnoq chang chiim hiq ba ka pahea chhi kang. Kra aluchiim bashi na, aluchiim na, ‘Mang Riisap Mai Shiikeawe Ma’ nguta bomtsi ka longpen thaq na atiiwaiq kriimin chhi kang. Riita ija, namshiq raq amang ara min sap man taü miili, jamlai wa shomnoq tlan, kriishe ümchaü ngi raq namshiq ma chongkuq pha na.

Acts 18:1

Paul raq Athens chela na trahokuq lot raütiishe, apaiq ka Korin chela niishe wawanto.

Acts 20:22

Riita, ümchaü sanha, ngi ka Asii Wenyi raq shunshea tlaq kra phanphan, Jerusalem niishe kiho tiikang. Kiina saüho hajaq, ngi ma jamlai phan litkot chamchao rathaiq rahai wa misaü, kriika ngi raq ümchaü chonglot mang.

1 Thessalonians 3:1

Riita, atiisup na sanha, naitsam raq namshiq rai sham riichhihü miika silot mai she riikai. Kriikha miishe, nainai wenai riika Athens chela miili she khechang miraq ngutiishe khingki kai.

2 Peter 2:7

Nashiq raq asap i, Shiikeawe raq Lot ka tiichhii kuqto. Lot ka kechu maiqse ashi riito. Lot ka apaiq pat wa mungmaiqse ngarai na riinyat raüta siwan kra chhi raüta, kai ngila ngu raü mit simak pinthum maq siwanto.