Acts 17:11 - ASII LAKDAP Bible (BSI)

¹¹ Riita Berea chela na siti ka Thesalonia na siti nam ma phanshi tsan ka anin linlin riito. Tsangshiq raq Paul nai Silas raq tsütsa chongkuq tlaq kriika sanglili hea maq tsangshiq tsan atsi maq tiitsang taito. Kiimaq ranaiqtek Asii lakdap wa Paul raq chong kuq tlaq bomtsi ka tengtlaq dea sha nguta, tsangshiq raq sidi phat wan lili riito.

Hawa Naga Bible 2001

¹¹ Berea ghaq jix kuex Thesaloni ghaq jix htauk nuex muinz wvhonc wvtharc rvtueq, kvkhoc rvtueq Polu rueq jungphvnx kuq yaq bomjungc kuex pinhtumc raungc raq thuinz maq tay tvtsuingc wvnc tueq, tsuingshiq kuex Polu rueq jungx yaq kvjaz kuex vyaq shuex vlvmx lac tuiuz tvkoc wvraungx nuiyq tek Rumvrc luik wawc wvllawc wuez tueq.

Muklom

¹¹ Iri miqtang raa thessalonica Jehudi miqtang wang utat tey angta chammatakoi ning rapney ram eq Paul raaq tatta etho piq raaq raa asing ta salwet Asang likwit na bita.

Acts 17:11 Referencias Cruzadas

YOBA 23:12

Shiikeawe raq ngi ma jamlai aming wa kuqtlaq kriili ngi raq wranaiqtek shamtiikang; apaiq raq aroro kli shamtiikang, ngi raq aroha na riimak.

Tvtsvmc 119:100

Ngi raq nyungwere thaq na taksu tsii apa humtiikang, jamkhano ngukla ngi raq ümnaq aming thun ka langtiikang.

Tvtsvmc 119:148

Ngi ka rawa minru konhü maq bum tiikang, lata ümtsii chong bomtsi thun kra shintap latli sitiikang.

Tvtsvmc 119:97

Ngi raq ümtri ka pinthum lungwiitiikang! Ngi ka ranaiq minruru kra chechiipseali.

TAKSU LAK 1:5

Ara taksu bomtsi arka taksmawe miimin, nyan phaqchi shrinketi, phaqchi pinja atsinti miimin, hon atsii chongketi.

TAKSU LAK 8:10

Kampho la na idanhon ara lang ronglaq; Chiisan chaq la na nyan phaqchi lang ronglaq.

TAKSU LAK 9:9

Maiq wiitsiiti ma tsii chongkuq haüla, apaiq tsii ka khang wan wan miraq. Kechu maiqse ma tsü chongkuq raüla, apaiq ma phaqchi shoqke li miraq.

ISAIA 34:16

Tatiwe lakdap na atra phan chongtlaq kiijaq sidi ronglaq. Lanta kiijaq jamkho chongtlaq kra phat ronglaq. Arthun ngamse phong phanshi ra min moki mak miraq. Kiimaq phanshi ra wiimin akongti akaü nai ali ahü ngutiika ahü miraq. Tatiwe raq akha sichang dongdii nguta aming kuqto. Apaiq raq ajaq maq dongdii adam na mitriichom wan.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

JEREMIA 2:21

Ngi raq ümniika ahea pinthum spiq lai ikha lam lata chhikang. Shatmaq liilaq ümniika jamlaimo jaki laü! Ümniika anam arki, thiihü spiq tsung ma jakilaü.

Matthew 13:23

Kiimaq tsamlai hiq win ba na arok kriika, maiq ümriiti riiwa Shiikeawe bomtsi ka tai raüta, atak riiwan tlaq, kriiti ka shiiton tlo. Raüta, kamasham rilung na atsi ango pahea dong man tlo. Raüta tsamnyam nyamshi niili tsamrai ka shishi shi, rairoq trok kiimaq rairoqtsam dong mantlo.”

Luke 1:2

Tsangshiq raq waiq wantaq kriika, nashiq ma chongkuqtaq, manphan kriili. Kra manphan ka, Phungmaiqse ka jamkho parai wanta, kra manphan, apha wan ranaiq miiphü, arang chong maq tiichap tlii maq, jujuro maiqmii mak maq chhi wantaq, raüta kra tsütsa ka nashiq ma trahokuq wan wan, phanchan chongkuqtaq, kriiwa riichom raüta, waiqto.

Luke 11:3

Naishiq ma ratlaq ranaiqtek dungjada ka kuqlaq.

Luke 16:29

“Kiijiishe, Abraham raq treto, ‘Ümphu ümnotiim ma tsii chongketi ka, Mosheq nai shammibi raq awaiq thü, Asii bomtsi asi. Ümphu ümnotiim raq tsangshiq bomchong kra tai chang.’

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

John 3:21

Shatmaq, jurwa Shiikeawe bom ka tai tlaq, kriiti ka Shiikeawe wokhong na sitlo. Ahata rawü na siwan rilung. Krai mren, apaiq jaqsham ka rawüli na rashra she mitiichhi.”

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

Acts 10:33

Kiimaq kra chongkuqtaq krai mren, ngi raq ümniika tlothit li ana tiiheaki kang. Kechu jonghea, ümniiraq tlea maü maq saü wa laü. Riita, shiilangwe lei, ümchaü min Tatiwe raq naishiq ma jamlai chongkuq wakiq ngutiiwa tiiwataq, kra taiwan miitu naishiq tarü ajaq Shiikeawe man na riitam wan kai,” nguta treto.

Acts 11:1

Kiimwebi nai Judia wang na siti kamasham maiqsetiim thun raq, Pongnok phan maiqse riimin, Shiikeawe bomtsi ka lap wanto she nguta tsütsa ka taito.

Acts 17:1

Paul nai Silas ka Amphipolis nai Apolonia chela lam maq wawan raüta, Thesalonia chela niishe saü wanto. Kiijaq sinagok ashi asi riito.

Acts 2:41

Krai mren, Petar traho bomchong kra tai raüta, maiq pahea raq, Jesuq ma kamto. Kiimaq, tsangshiq ma kham lamkuqto. Krai mren, kra ranaiq liipan niili phungtu na maiqnye ka hingtsam tiitsuq shang wanto.

TRI CHONGKE 29:29

“Tatiwe nashiq Shiikeawe raq phanrap wiijam ka apaü raüta thüto. Shatmaq apaiq atri raütu ka nashiq ma tiichhi kuqto. Kiimaq nashiq nai nasaü nasetiim raq kriithun ka pattup pat-sa lang wan ruq laita sichang.

1 Thessalonians 1:6

Namshiq ka naishiq pumsongti. Namshiq ka Shiikeawe puk na nyap wan lan kha maq, pinthum rojaq chamchao min, riihum wan lan. Shatmaq, Asii Wenyi raq achongkuq, asii bomtsi tsütsa ka chojong chise maq lang wan lan.

1 Thessalonians 2:13

Kiimahali, naishiq raq wranaiqshe Shiikeawe ma kechutum tiikai arka, alam ashi dea asi. Arka, man na naishiq raq namshiq ma, Tsütsa Ahea chongke wa saü wan kai akhing na, namshiq raq Tsütsa Ahea ka, maiqse bomtsi nguta riimak, shatmaq, Shiikeawe bomtsi nguta tai lanta, lang wan lan. Kriika tengto dea. Jamkhano ngukla, namshiq apaiq ma kam tlantibi rilung na, Shiikeawe bomtsi raq, ümchaü min jaqsham wan ruq li.

2 Thessalonians 2:10

Raüta, kra thun jaqsham ka chhi raüta, juwa wamungtan na kaihoti sitlaq thun ka, lamjiq nü niishe milaoho. Tsangshiq tiichhii wan chang, Tsütsa Ahea ka tsangshiq ma chongkuqto. Shatmaq, tsangshiq raq tao mak, shishe wan kha maq, Shiikeawe raq tsangshiq ka wamungtan na michaq baiq. Raüta, mishthen baiq.

James 1:21

Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.

1 Peter 2:2

Kiimaq rawü chhi nye noshiisetiim ikha, wranaiqshe asii chiisan kamasham nyakpü, asii bomtsi kra nyang wan roli she, namtsan mong na kham-nyang tiitsi lanta sirong laq. Akha nyang lanta sihan jiila, namshiq khum ka ahea wiq maq mijong luwan. Kiimaq namkhum ka mitiichhii wan lot.