Acts 16:6 - ASII LAKDAP Bible (BSI)

⁶ Kiimaq Asii Wenyi raq Asia wang niika trahoke wa naq wa rongkiq nguta tiiwin kha maq, tsangshiq ka Phrigia hong nai Galatia wang heawea binjü lam maq wawanto.

Hawa Naga Bible 2001

⁶ Tsuinghez kuex Phrigia nuiyc Galatia mungx yanz laq vtueq kaz wvnc tueq, Vsawc Siyac rueq tsuinghez muex Asia hong nuex bomjungc jungphvnc kuy tvkoc vkhangx kuq muq.

Muklom

⁶ Ning Phrygia etho Galatia mung náng kata chammatakoi Asang Tsija wang ning ma Asia mung na raaq bat ma táng ta.

Acts 16:6 Referencias Cruzadas

ISAIA 30:21

Namshiq ka tungphai lamphii na jaqtsi jaq pha na latho han jiila, namshiq jai nü maq apaiq raq akha ahea mitaihan, “Lam ka ahata. Ara lam phan phan khum ronglaq.”

Luke 1:2

Tsangshiq raq waiq wantaq kriika, nashiq ma chongkuqtaq, manphan kriili. Kra manphan ka, Phungmaiqse ka jamkho parai wanta, kra manphan, apha wan ranaiq miiphü, arang chong maq tiichap tlii maq, jujuro maiqmii mak maq chhi wantaq, raüta kra tsütsa ka nashiq ma trahokuq wan wan, phanchan chongkuqtaq, kriiwa riichom raüta, waiqto.

Acts 10:19

Petar ka riisham mak maq chhitaq kra, jamlai wa riita ahiq nguta rashi hiqwia tiima rai tlaq liipan niili, Asii Wenyi raq apaiq ka thaüto, “Liilaq! Ümnaq heakaiti maiq wetsam ka arjaq saükito she.

Acts 11:12

Kiijiishe, Asii Wenyi raq ngi ka tsangshiq rai Sisiria na wadam miitu, naqkan kop kiq nguta thaüto. Riita ara chongtiikang arai mren, ümchaü arjaq ngi rai kongshi ngatlaq kamasham maiqsetiim tsangtsam wetrok kriimin, ngi rai kongshi miishe Sisiria chela na wawankai. Kiimaq naishiq tarü ka Kornelias jam niishe düwakai.

Acts 16:7

Tsangshiq ka Maisia wang hiq rai binjü na saü wan raütiishe, Bithinia wang nü kiina wawan haijaq nya ngutiishe danto. Shatmaq, Jesuq Wenyi raq tsangshiq ka tiiwa mak dea, atiiwin riito.

Acts 18:23

Kiijaq rahiq ka ashaqpuq sithü nong raütiishe hali, apaiq ka Galatia wang binjü nai Phrigia wang binjü lam maq wawan nongto. Apaiq raq kra wang nai na siti phunainotiim ma kamasham tiijong miitu tsaido jido bomtsi ningkun shoqke wan bomtsi kra chongkuq wanwan she hali wawan nongto.

Acts 19:10

Paul raq mungmaiqse ma akha trahoke wan arka, wiinai na saüli chongkuqto. Apaiq raq atinkhan chongke wan kha maq, Asia wang na siti mungmaiqse Jehudinok phan nai Pongnok phan maiqse tarü raq, Tatiwe tsütsa ka tai wanto.

Acts 20:16

Paul raq Asia wang na rahiq ka alu tiicha mang she nguta apaiq kaisia walam bomtsi ka athapthi wan kun she riito. Kra ngo kha maq, apaiq raq Ephisia chela ka ashüp raütli she kaiho nguta thito. Apaiq ka Jerusalem na saüho tlo raüta, mairaü la Raroq Biingi Poi ka lomho dam ma nguta, ataü laü she riito.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Acts 20:4

Apaiq rai kai damti kongtibi thun ka Pairihas se Sopatar riito. Apaiq ka Berea chelati. Kiimaq Thesalonia chela wiika Aristarkas nai Sekundas kidamto. Darbi chela wiika Gaias kidamto. Apaiq rai ka Timothi min kidamto. Kiimaq, Asea wang wiika Tikikas nai Trophimas kidamto.

Acts 21:27

Shatmaq, kra apii ramiishi haitaq kra athum wan nini niishe, Asia wang wa aki, Jehudinok maiq wiijamti raq Paul ka Shomjam mong na chhito. Kra chhi raütiishe tsangshiq raq mungmaiqse wiita ka riisii she tiishai baiqto. Raüta Paul ka rangho tlii maq laphoto.

Acts 6:9

Shatmaq, apaiq ka sinagok ashi na siti, maiq wiijamti, maiqdi wa ada wan (akha mangtlaq) kong kriiraq ngengto. Kra sinagok phung niika, Sairini chela nai Alekjendria chela wa awa, Jehudinok min asi riito. Tsangshiq rai Jehudinok ahinti Silisia mung nai Asea mung wa awati ka chap rang raüta Stephen rai she riikhiihoto.

Acts 8:29

Asii Wenyi raq Philip ka, “Kra kumrang leng tho kiina kilaq. Laüta, apaiq thotho maq khumlaq,” nguta thaüto.

Romans 16:5

Kiimaq tsangshiq jam na noqku wantlaq phungtuti miimin salam tiitai tiikang. Ngi ma lungwii phuno we Epanitas miimin salam tiitai tiikang. Apaiq ka Asia wang wa apha shaq shaq Phung na shang wanti.

1 Corinthians 12:11

Shatmaq arthun arka, Asii Wenyi apaiq raq siisaq li kuq tlo. Apaiq raq jamkho lungwii tlaq, kra phan phan, maiq khumtek ma, pongpong kongphiq pheakuq tlo.

1 Corinthians 16:1

Riita, ümchaü namshiq raq Judia wang na siti Shiikeawe setiim miitu honglu riichom hichang nguta bomtsi tiiwai lan irshe chongkuq pha. Ngi raq Galatia wang na siti phungtuti thun ma jamkho bom ka chongkuq kang, kra phanphan namshiq riimin riichomrom wan lili ronglaq.

1 Corinthians 16:19

Asia wang na siti Phungtuti thun tarü raq namshiq ma salam bomtsi tiitai wan tlo. Akoila nai Prisila kiimaq tsangshiq jam na riitam nga tlaq phungtuti riimin, namshiq ma Jesuq Khristo mang na lungwii salam bomtsi tiitai tlo.

2 Corinthians 1:8

Phunainotiim lei, naishiq raq Asia wang maq chamchao rathaiq jonghea riihum wankai kra tsütsa ka namshiq ma thongshi hali bliiq chongke nong ro tiikai. Kra chamchao holai ma ka pinthum laibiti riito. Kra ningkhan, kra chamchao walü mong wiikla lun wan lot mai she sham nguta tiimakai.

Galatians 1:2

Ajaq ngi rai adam na sitibi phunainotiim tlotli raq ngi rai Galatia wang na siti phungtuti wiita ma salam bomtsi tiitaitlo:

Galatians 3:1

O anginok Galatiati lei! Namshiq ka juro mokmohota? Namshiq raq Jesuq Khristo ka pumsongkham na dea tsaito nguta, samhea wiq asap han.

2 Timothy 1:15

Ümniiraq asap haü. Man na, Asia wangti wiitarü raq, ngi ka tiishaü baiqto. Phaigelas nai Harmojenes raq dongdii min, ngi ka atiishaü riibaiqto.

2 Timothy 4:10

Demas ka mangjong rilung lamphan na kihoto she. Apaiq raq ngi ka tiishaü baiq thü raüta kihoto. Raüta, apaiq ka Thesalonia chela na wawanto. Kresens ka Galatia wang na wawanto. Kiimaq Titas ka Dalmatia wang na wawanto.

Hebrews 11:8

Shiikeawe raq Abraham ma, mung ashi mikuq kang nguta kiqkham kuqto. Krai mren, Abraham raq Shiikeawe ma kamtsantsii thüto. Raüta, apaiq ka ümba na saüho chang wa, kriimin sap mak miili, ahiqshong arahai kra miimthü raüta, Shiikeawe raq shunshea tlaq kra phanphan, Shiikeawe raq akuq tachong hiqshong mung kiina kihoto.

1 Peter 1:1

Ngi, Petar, Jesuq Khristo kiimwe raq-- Shiikeawe raq raq atsea wan maiqsetiim, munglu wanshanok ma ja raüta, Pontas wang, Galatia wang, Kapadosia wang, Asia wang, kiimaq Bithinia wang na riinyin riishin sitibi ma tiiho wan tiikang.

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 1:4

Johan raq Asia wang na siti phungtu miishiti ma: Shiikeawe raq namshiq ka phumram kham maq batshat, kiimaq khoqramkii maq keishat maq mirümkom laq. Shiikeawe ka man niimin asi, ümchaü min asi, kiimaq apaiq ka jai maq saüho tlaq we. Kiimaq Shiikeawe shiiliti winji miishi, Shiikeawe ngacho khaki na nga tlaqti raq,