Acts 16:3 - ASII LAKDAP Bible (BSI)

³ Paul raq Timothi ka apaiq rai shea wan dam ro riito. Kriikha maq, apaiq raq Timothi ma atho ka hankuqto. Apaiq raq kra klo wantaq kriika, kra hong binjü na siti Jehudinok tarü raq Timothi we ka Grik phan nguta asap siisaq kha maq, kloto.

Hawa Naga Bible 2001

³ Polu rueq Timothy kuex piq rulc vdvmz shvlc lvy roc vtueq, piq muex vhttoar gvnc vhtungx kuq tueq. Kvkhoc shuimx wvnc tueq lvmz kuex kvruex baung kvyuq httaz jix Yuda miqsaz htenc rueq Timothy waz kuex Greek miqsaz rvtueq lvmz tuiuz yaq ningkhvnc nuex rvtueq.

Muklom

³ Paul aa Timothy ujamoq solma nukta, eshirangma piq tha uhankhup tha taqhan ta. Chammatakoi eshi haq na tongtey Jehudi tang aa Timothy wa tha Greek phan ta raaq eq samta.

Acts 16:3 Referencias Cruzadas

Acts 15:20

Kra rii na khoti, nashiq raq tsangshiq ma lak li ashi waiq laita tiiho wan rong i. Lak na tsangshiq ma, aphaq asea chang phan, phra sumla ma honglu na akuq phan kriika ashe. Kriika aphaq asea maimak. Kiimaq tsangshiq raq sethoq sepii ngarai klo maimak. Kiimaq tiijai tiidong baiqhü maq, abuq maq tiishak raüta atsat ngam ka phaqsea maimak she. Lo tiijai angu ka naq phaq siq rongkiq she, nguta waiqke chang.

Acts 15:37

Riita, Barnabas riika Johan Makaq kiimin tsangnai rai traho wa wanhiq na shea wan nongro riito.

Acts 15:40

Kiimaq Paul riika, Silas kra shea wan raütiishe, traho wa wanhiq na wawanto. Phunainotiim raq tsangshiq kongnai wiita ka Tati kaphap wokhong na kiinong kuq raüta, Shiikeawe jaqsham wa miitu tiiwa nongto.

1 Corinthians 7:19

Ara jamkhano ngukla, maiqwe ka athohan je sha athohan hü wa kriika jamlai akhek ahü. Akhek bomtsi ka Shiikeawe aming thun tai wan kli.

1 Corinthians 9:20

Ngi raq Jehudinok ma Tsütsa Ahea chongkuq tiikang na, tsangshiq ka shunshea wan lot hajaq nguta tiima lata, Jehudinok ikha ja lata chongkuq tiikang. Riita ngi ka Jehudinok Thungtri Mosheq raq akuq thü wokhong niika simang she. Shatmaq tsangshiq thun kra shea wan miitu, Thungtri wokhong na sitiwe ikha sitiikang.

Galatians 2:3

I kongti we Titas ka Grik phan. Li jiimin, apaiq raq atho ka han raa ma nguta, shiichut wan mak dea riito.

Galatians 2:8

Shiikeawe raq Petar ka Jehudinok phan ma Tsütsa Ahea kra chongke miitu kiimwe ma shongto. Kiikhiisii hali, Shiikeawe raq ngi armin Pongnok phan maiqse ma Tsütsa Ahea kra chongke miitu kiimwe ma shongto.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Philippians 2:22

Kiimaq namshiq raq apaiq jaqsham kaiwa thü kriika asap han she. Apaiq ka i se shaq ma jaraüta, i jaq tiihap ma, ngi rai Tsütsa Ahea chongke jaqsham tiijong damti.