Acts 16:13 - ASII LAKDAP Bible (BSI)

¹³ Asii Niitiitsak ranaiq na naishiq kra chela phai na jürai ashi asi kiina kihokai. Laita, kiijaq Jehudinok achu jaü riitam ngachang bashi asi sham nguta tiima laita kikai. Kiijaq naishiq ka adam na riitam ngakai. Laita, jechakre kiijaq ümchuwa lomdamtaq kiima tsütsa ka chongkuq kai.

Hawa Naga Bible 2001

¹³ Vguilc Raungnuiyq nuex ghaqyungx palx kaluix yix nuex dung kaz wuez tiq, kvmaq vjux thoz juing baungshiz shiz vhttax shvmx ngoz tueq tvmaung vtueq yuix kawx nuex kaz tiq, kvruex yuq rvtuimx ngaungc jix yalxjuik rulx muex kvjaz jungx kuq tiq.

Muklom

¹³ Sabbath saal o í samhaq paal kalung phey jungkang kona, Jehudi tang romtam chuk katang angna ta tathin eq í thalat ti; í tong eq eshina thajoq aa miqnu tang raaq wanti.

Acts 16:13 Referencias Cruzadas

Matthew 13:2

Shatmaq nokmaiqse phong ka apaiq tro na pahea thungto. Kriikha miishe, apaiq ka lai mong na ngawato. Kiimaq nokmaiqse ka takii na tiito.

Mark 16:15

Apaiq raq tsangshiq ma aming ka akha kuqto, “Namshiq ka mangjong tlotli na kironglaq. Lanta, Tsütsa Ahea kra mangjong maiqse tlotli ma chongkuq kirongkiq.

Luke 13:10

Asii Niitiitsak ranaiq shi akhing na, Jesuq ka sinagok na traho bom chongke rea riito.

John 8:2

Anap ranaiq miishe, ranap chu maq, apaiq ka Shomjam rinkea rukmong na kiho nongto. Kra akhing na maiq pahea ka apaiq tro na riitam ngato. Krai mren, apaiq min anga raüta tsangshiq ma Shiikeawe bomtsi shrinkuqto.

Acts 13:14

Tsangnai ka Parga maq wawan raüta, Pisidia hong na Antiok chela niishe saü wanto. Raüta, Asii Niitiitsak ranaiq ka sinagok na kito. Raüta ngaki damto.

Acts 13:42

Riita traho bom chongke lot jai she, Paul nai Barnabas ka sinagok maq tiido wan tlaq kiijiishe, nokwe raq tsangnai ka jai wa Asii Niitiitsak ranaiq niimin kinong raüta, bom ka abiri chongkuq kinong raüjaq ahea nguta tsangnai ma bom ka chongto.

Acts 16:16

Ranaiq shi naishiq ka kra achu jaü chang ba kiina akai rai riikai. Kra akhing bala abi winji raq arom wan dise jechakse ashi ka, naishiq rai lam maq riihumto. Apaiq ka thawe shammi langliiti. Langlii raüta rawii shiqwii ji na jamlai phan mrong mra pin wan chang wa sitlaq, kra tiithaimai chongphan kewanti nyung riito. Apaiq raq kiikha lang liikuq raüta, atijong wetiim ma shammi jaq maq kampho pahea lapkuq wanto.

Acts 16:6

Kiimaq Asii Wenyi raq Asia wang niika trahoke wa naq wa rongkiq nguta tiiwin kha maq, tsangshiq ka Phrigia hong nai Galatia wang heawea binjü lam maq wawanto.

Acts 17:2

Paul ka rahin jaq akhing na jamkho sinagok na kitlaq kiikha, kra akhing niimin sinagok na kito. Raüta, kiijaq apaiq ka Asii Niitiitsak ranaiqtsam akhing na saüli nokwe ma,

Acts 18:4

Apaiq raq Asii Niitiitsak ranaiqtek sinagok na kiraü raüta, Jehudinok nai Griknok rai tsangshiq tsantsii ka tiinin jawan miitu, atsi dada maq traho bomtsi ka chongkuq lili riito.

Acts 20:7

Honibat raji na naishiq tarü rintii dungsea adam na riitam ngakai. Anap akaiho she ngo maq, Paul raq kiijaq siti phunainotiim ma trahoke ka rawa wathung na saüli chongkuqto.

Acts 21:5

Shatmaq, tsangshiq rai hai dam rahiq akhing ka thumkai jai she, naishiq ka kiimaq atiido she riiwan nong kai. Tsangshiq tarü, jechak nose thun min nong nong, naishiq thükai nguta chela khamjongraikii kumtsai phii na saüli naishiq rai kidamto. Kiijaq naishiq tarü kaütsrong na nga laita achu jaükai.

Acts 9:20

Kiimaq, apaiq raq sinagok thun kiijaq kokkok wawan raüta, Jesuq kiidea Shiikeawe Se nguta trahokuq pha wanto.

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.