Acts 16:1 - ASII LAKDAP Bible (BSI)

¹ Kiimaq, Paul ka wawanruq khum wan raüta, Darbi chela niishe saü wanto. Raüta kiimaq Listra chela niishe wawanto. Listra chela na siti Phungmaiqse ashi asi. Apaiq mang ka Timothi. Anyung kiimin Phungmaiqse sii riito. Apaiq ka Jehudi shea. Shatmaq, awe ka Grik phan.

Hawa Naga Bible 2001

¹ Polu kuex Derbe nuiyc Lustra nuex httuiuc kaz tueq, kvruex yuq vmuingc Timothy ngoz yaq Christan miqsaz washiz httax tueq. Vnyuiuz kuex Christan miqsaz Yuda shvlx rvtueq, vwaz kuex Greek miqsaz rvtueq.

Muklom

¹ Paul Derbe nia Lystra náng thuta. Eshina ashey jiphantey umiing tha Timothy angta. Unu tha tho uhantey Jehudi miqnu angta, etharin uwa tha Greek phan angta.

Acts 16:1 Referencias Cruzadas

EJRA 9:2

Jehudinok raq arthun chongtiikai pongnok phan sheare lam wantlo. Raüta akha riishotshaq kherü lam phan wan lü maq, Shiikeawe raq apaiq rü asii maiqse phan nguta tingsang atsea arwan Israilnok ka, Shiikeawe man na, ashe miishe jawanto. Riita ara chongtiikai abi ngarai thun tang wanti akaü abu howanti ka welabi thun kra nguta chongto.

Acts 14:1

Kra niq riri sii hali, Ikoniam chela niimin riito. Paul nai Barnabas ka sinagok na wa raüta, achaq awaq maq Tsütsa Ahea kra chongkuqto. Krai mren, Jehudinok phong wa nai Pongnok phan maiqse phong wa maiq pahea raq Tatiwe ma kamwanto.

Acts 14:21

Paul nai Barnabas raq Tsütsa Ahea ka Darbi chela na chongkuqto. Krai mren, maiq pahea Jesuq puk na nyapto. Kra miishe tsangshiq ka Listra, Ikoniam, kiimaq Pisidia wang na Antiok chela niishe jang wan nongto.

Acts 14:6

Riita, kra mat raü shun bom riichong wantaq kriika, kiimwe nai riishe tho ka heto. Raütiishe, tsangshiq ka Ikoniam wang na Listra nai Darbi chela kiimaq kra tro binjü niishe juhoto.

Acts 17:14

Kra thohe raütiishe, phunainotiim raq Paul ka khamjong raikii na tiishea thükito. Shatmaq, Silas nai Timothi ka Berea niili khingkito.

Acts 18:5

Kiimaq Silas nai Timothi ka Mesidonia wang miishe kiijaq saü wan kiita sanha, Paul raq apaiq akhing ka wiita Jehudinok ma Jesuq kiidea Khristo nguta tiitho tiipha traho bom chongke niili she moto.

Acts 19:22

Apaiq raq kra thimi wantaq krai mren she, apaiq rai jaqsham damti wenai Timothi nai Erastas ka Mesidonia wang niishe tiiwato. Raüta apaiq riiwe ka kra bala Asia wang niili jaqsham haithüto.

Romans 16:21

Ngi rai kongshi maq jaqshamti Timothi raq namshiq ma apaiq salam tiitai tlo. Kiimaq, i phan i maq Jehudinok phan wa kongtibi Lusias nai Jeson, kiimaq Sosipatar riimin, namshiq ma salam tiitai tlo.

1 Corinthians 16:10

Timothi ka ümtiikiiwa kiijaq namshiq phana saü thin wan jiiq, namshiq raq apaiq ka ahea wiq maq tao ronglaq. Apaiq ka ngi raq jamkho sham tiikang, kiikha Tatiwe jaqshamti.

1 Corinthians 4:17

Riita ara chong tiikang ara ningkhan she, ngi ma wenyi rilung na i se shaq, kiimaq i bom chong phaqchii nichii maq taiketi, Timothi ka namshiq phana tiiwa tiikang. Ngi raq Jesuq Khristo rai pumshi maq anye asii rilung na jamkho sitiikang kra bomtsi ka barap na sitlaq phungtu thun na phanchan kuq tiikang. Kra bomtsi thun ka apaiq raq namshiq ma tiitsang dada maq michong kuq nong.

1 Corinthians 7:14

Ara jamkhano chongtiikang ngukla, awese thatsang maiqse ka tsang-nyung rai pumshi hanshi she siwantaq kra lümaq, Shiikeawe riimin milang wan. Kiimahali atawe ka Phungmaiqse kiimaq atanyung ka thatsang maiqse miraq. Kriimin thatsang maiqse atanyung ka atawe lümaq Shiikeawe raq milang wan. Akha kiq atsiim ka riwan hü ngu raü jiika, tsangshiq saü asetiim ka thatsang maiqsetiim ikha miraq. Shatmaq akhla singa raü jiila, tsangshiq ka Shiikeawe raq milang.

2 Corinthians 1:1

Ngi, Paul, Khristo Jesuq kiimwe, Shiikeawe raq thapthi raüta ashong nai naphuno we Timothi raq-- Korin chela na siti Shiikeawe Phungtuti ma, kiimaq Shiikeawe sengi Akaia wangti tlotli ma:

2 Corinthians 1:19

Silas, Timothi kiimaq ngi raq namshiq ma Shiikeawe Se, Jesuq Khristo tsütsa ka chongkuq wan kai ihata. Kra tsütsa ka Tengteng bomtsi wa, Tengmak bomtsi miika klaiki mak phan. Jesuq Khristo ka pattup miitu Shiikeawe raq atiiki “Tengteng Bomtsi.”

Philippians 1:1

Ngi, Paul kiimaq Timothi rai, Khristo Jesuq jaqshi senai raq-- Shiikeawe sengi Philipia na siti tlotli ma, Khristo Jesuq rai pumshi hanshi maq siwanti ma, phungtu shrabi nai akhrumtibi rai tlop saq maq:

Philippians 2:19

Tatiwe raq lamdikuq raüla, ngi raq Timothi ka namshiq rai triihum wa, jaqlo liipan niili mitiiwa sham nguta tiima tiikang. Krai mren, namshiq hansang sitlo nguta, tsütsa taiha jiila, ngi ma tsaiji kongtam puq shi she mirnong.

Colossians 1:1

Ngi, Paul, Shiikeawe raq Jesuq Khristo kiimwe ma ashong wan we raq, kiimaq naphunowe Timothi raq--

1 Thessalonians 1:1

Ngi, Paul raq, Silas nai Timothi rai-- Thesalonia na phungtuti, Shiikeawe, Awe Shiikeawe kiimaq Tati Jesuq Khristo riisheti ma: Kaphap kiimaq hansang ka namshiq ma misilaq.

1 Thessalonians 3:2

Laita, naitsam wetsam wa, naphuno we Timothi, naishiq rai kongshi maq namshiq ma, Jesuq Khristo Tsütsa Ahea chongke wanti, Shiikeawe jaqshamti kra, namshiq phaniishe tiiwa kai. Naishiq raq apaiq ka, namshiq tsaiji doke wa, kiimaq kamasham na thüdake wa miitu tiiwakai.

1 Thessalonians 3:6

Riita, ümchaü kla, namshiq phana awa Timothi ka jangkito. Raüta, apaiq raq, namshiq ka kamasham lamphan na nai namshiq lungwiitsii ka ahea, pharang rang maq sitlan ngutiishe, namshiq tsütsa ahea kra naishiq ma chong hoto. Apaiq raq naishiq ma, namshiq raq wranaiqshe, naishiq miitu tiima ahea thü tlan nguta chonghoto. Naishiq raq namshiq sham chhiro tiikai kiikha, namshiq riimin, naishiq sham chhiro hea sitlan nguta bom ka chonghoto.

2 Thessalonians 1:1

Ngi, Paul nai Silas kiimaq Timothi raq-- Thesalonia phungtuti maiqsetiim, Shiikeawe, Nawe Shiikeawe nai Tati Jesuq Khristo rii sitlanti ma:

1 Timothy 1:18

I se Timothi lei, ngi raq ara arang arka ümjaq niishe thaq tiikang. Arka Shiikeawe shammibi raq man na, ümniimiitu riisham bom maq chongkuqtaq kra tiiphanphan, ümchaü ara ümjaq niishe likuq wan tiikang. Riita kra ümniima kuq wantaq bomtsi thun ka, ümniiraq chuntsi nyiimwin ma shiitai laüta srea nola ikha re ka khat wan lili riilaq.

1 Timothy 1:2

Timothi ma, kamasham na ise shaq: Shiikeawe Awe raq kiimaq Khristo Jesuq nashiq TATIWE raq ümniika kaphap shat, tiihang shat, kiimaq hansang maq mithülaq.

2 Timothy 1:2

Timothi, ngi raq lungwiitiikang ise ma: Shiikea Awe kiimaq Khristo Jesuq nashiq Tatiwe raq ümniika kaphap shat, tiihang shat, kiimaq hansang maq mithülaq.

2 Timothy 1:5

Ngi raq ümkam ümsham tsantsii maiqlung ngamwii rüm tlaü kra, i tsan na atsi maq rüm tiikang. Kra ümkam ümsham rilung hiawa ka, ümwi Luis nai ümnyung Eunis raq rüm tlaq kamasham ikha. Kra kamtsantsii ka ümniiraq rüm tlaü nguta, ngi ka tsankhun maq sitiikang.

2 Timothy 3:11

Maiqse raq ngi ka ümtinkhan wa tiichamchao wanto. Kiimaq tsaija chhunja chamchao litkot ahin thun min ngi raq jamkho lea wan kang, irthun irka, ümchaü sanha ümniiriiri kunli asap haü siisaq she. Shatmaq, atinkhan chamchao walü mong wa, Tatiwe raq ngi ka tiichhii kuqto. Ngi ma Antiok maq, Ikoniam maq, kiimaq Listra maq tsaija chhunja, pitlang pitthea, phiiptsi jiiptsi ümtinkhan wa, maiqse raq tiichamchaotaq, ira nin wan kang. Kriithun ka wiita, ümniiraq asap haü siisaq she! Shatmaq arthun litkot chamchao mong wa, Tatiwe raq ngi ka tiichhii kuqto.

Philemon 1:1

Ngi, Paul, Khristo Jesuq miitu phaqtek na siti we kiimaq naphuno we Timothi raq-- Naphunowe kiimaq kongshi maq jaqshamdamti Philemon ma,

Hebrews 13:23

Na phuno we Timothi ka phaqtek mong wa tiidongto she. Ara ümchaü namshiq ma tiitai tiikang. Apaiq ka ngi phana jaqlo maq saü wan raüla, ngi namshiq phana watiikang na, apaiq min ngi rai mishea wan kang.