Acts 15:9 - ASII LAKDAP Bible (BSI)

⁹ Shiikeawe raq nashiq nok nai tsangshiq nok liipan na, jam lai min tiikhothiq mak dea. Tsangshiq raq Shiikeawe ma kamto. Krai mren apaiq raq tsangshiq ngarai ka diikuqto.

Hawa Naga Bible 2001

⁹ Taungjix rueq tsuingshiq nuiyc nuiyshiq hvlwvl nuex rv-ngvlc muq juing ruez muq, tsuingshiq kvmluimx ningkhvnc nuex tsuingshiq mvrax kuex dawc kuq gay tueq.

Muklom

⁹ Piq aa hiqtang jamoq tho etho ning jamoq tho chamtho adak adak tal moq; piq aa ning ngarey tolchakta chammatakoi ning aa uhan eq ta.

Acts 15:9 Referencias Cruzadas

Tvtsvmc 51:10

Imongjii ka siirairai she tiijalaq, O Shiikeawe lei, laüta itsan mong na wenyi anye kiimaq ümniirai tiipumtlii siti wenyi thiikuqlaq.

EJEKIEL 47:22

Arka namshiq ma pattup tachong hupsam. Kiimaq pongnok phan namshiq rai sidamti kiimaq arjaq siji na tsangsetiim humtaq kriiti thun miimin, ümtiikiiwa namshiq raq hiq riichumtlan kiitiikaq tsangshiq miimin hiq ka pheake chang. Tsangshiq kiimin Israilnok maiq phan thun rai kongshi nokti sii nguta tlom wan chang miraq. Krai mren, hiq riichum tlan akhing na langlii lanta, langraq athaü thaü na, tsangshiq rii hiq ka michum kuq wan han.

Acts 10:15

Shatmaq, maiq bom kriiraq apaiq ma hali, “Shiikeawe raq jamlai phan wa, arka asii she nguta rairii tlaq, kriika ka ümniiraq apii chang ngutiika, naq tiima kiq,” nguta apaiq ma chongkuqto.

Acts 10:28

Kiijiishe, Petar raq tsangshiq ma akhiishe chongkuq phahoto, “Jehudinok thungtri na Jehudi phan maiqse raq, Pongnok phan maiqse rai jam riidükai maimak kiimaq wa riinyiim min maimak, apii riiqkhiq nguta chongtlo. Arka namshiq tarü raq aheawiq asap han siisaq. Shatmaq, maiqse ngusaq wiika, jumin ashe ashi phan nai tsangshiq rai wa ka adam na nyiim maimak nguta naq tseatsiiqkiq nguta, ngi ma Shiikeawe raq tiichhikuqto.

Acts 10:34

Kiijiishe, Petar raq bom ka akhiishe chongkuq hoto, “Shiikeawe raq maiqse angu wiitarü ka maklii ashi miili dea liikuqtlo nguta, ümchaü ngi raq tak kang she.

Acts 11:12

Kiijiishe, Asii Wenyi raq ngi ka tsangshiq rai Sisiria na wadam miitu, naqkan kop kiq nguta thaüto. Riita ara chongtiikang arai mren, ümchaü arjaq ngi rai kongshi ngatlaq kamasham maiqsetiim tsangtsam wetrok kriimin, ngi rai kongshi miishe Sisiria chela na wawankai. Kiimaq naishiq tarü ka Kornelias jam niishe düwakai.

Acts 14:1

Kra niq riri sii hali, Ikoniam chela niimin riito. Paul nai Barnabas ka sinagok na wa raüta, achaq awaq maq Tsütsa Ahea kra chongkuqto. Krai mren, Jehudinok phong wa nai Pongnok phan maiqse phong wa maiq pahea raq Tatiwe ma kamwanto.

Acts 14:27

Tsangshiq ka Antiok na saü raütiishe, tsangshiq raq phungtuti wiitarü ka adam na triitam raüta, Shiikeawe raq tsangshiq lümaq, apaiq jaqsham ka ümtinkhan jonglu wa shamtaq, kiimaq Pongnok phan maiqse miimin, Shiikeawe raq apaiq ma kam wan miitu, lamlu ka jamkho dikuqtaq, kra thun tsütsa ka wiita phanchan chongkuqto.

Romans 3:22

Shiikeawe raq maiqse ka, Jesuq Khristo ma kamtsantsii thü tlaq kra lümaq, apaiq rai wehea she, kechu maiqse she nguta shramtlo. Maiqse ümchu riiwa, Jesuq ma kamtsantsii thü tlaqti thun kunli ka, Shiikeawe raq apaiq rai wehea she nguta shramtlo. Jehudinok phan nai Pongnok phan maiqse liipan na, jamlai phan atiikhothiq chang min ahü she. Wiitarü adam ngarai maiqse siisaq li sitlo.

Romans 3:9

Riita, ikhiijiika, nashiq Jehudinok ka Pongnok phan maiqse thaq na, holi kechu maiqse ngutiisha sitiikai? Riimak, kriika riimak! Ngi raq namshiq ma chongkuq kang she ihata. Jehudinok nai Pongnok phan maiqse, noknai ri ka khoshi na dea wanti siisaq li sitlo. Noknai ri arka ngarai kharü mong na, dikong siili sitlo.

Romans 9:24

Ara jamkhano chongtiikai ngukla, nashiq arka, apaiq raq ashea wan maiqsetiim nguta sitiikai. Nashiq phong wa maiq wiijamti ka, Jehudinok phan wa atsea wan. Kiimaq wiijamti ka Pongnok phan maiqse wa atsea wan.

1 Corinthians 1:2

Korin chela na siti Shiikeawe phungtuti, kiimaq Shiikeawe sengi asii maiqsetiim miitu ahea wantibi ma, juwa Jesuq rai pumshi hanshi sitlaq kra lümaq Shiikeawe riishe jawantiiti thun ma, kiimaq Tati Jesuq Khristo shomnoqti mangjong tlotli na sitibi rai adam maq, tsangshiq TATIWE kiimaq nashiq TATIWE shomnoqti ma:

1 Corinthians 7:18

Ümriiti wa maiqmii athohan alot wishe na Shiikeawe raq hea wantaq jiika, apaiq raq athohan miphan ka tiimaq baiq la nguta tiima raa mak she. Kiimahali, ümriiti riiwa athohan mishaq niili, Shiikeawe lam ka phan wantaq jiika, apaiq raq athohan ka raa mak.

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Ephesians 3:6

Riita, ara chong tiikai apaü raüta athü Shiikeawe jaqsham jaqthiq arka, Tsütsa Ahea lümaq Pongnok phan maiqse riimin, Jehudinok phan rai adam maq, Shiikeawe achu shiiman kriika lap wan damtlo she, nguta Shiikeawe raq tiichhi kuqto. Kra bomchong tiichhi kuqtaq kra, nangnga chong tlo. Tsangshiq noknai ri ka, ümchaü tashi wiishi miishe tiija wanto. Raüta, Shiikeawe raq, Jesuq Khristo lümaq, achu shiiman ümchuwa kuq tlaq kra, tsangshiq noknai ri raq, mren mra she lap tlo.

Colossians 3:11

Riita, arka pum anye miishe songkuq tlaq krai mren, ümchaü sanha, Pongnok phan maiqse nai Jehudinok phan liipan na lo, kiimaq athohanjeti lo, atho hanhüti lo, pongnok pongta phan lo, tawesang phan lo, di ama lo, kiimaq akimiikiim phan lo, arthun ara liipan na, ajong phan, aran phan nguta jamlai tiikhothiq kai chang min ahü she. Shatmaq, namshiq wiitarü khum na, Khristo sitlaq kriili she hongjiiq. Apaiq ka namshiq rilung na asi jiika hongjiiq she. Khristo kli wiitarü, kiimaq Khristo ka wiitarü khum na sitlo.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.