Acts 15:11 - ASII LAKDAP Bible (BSI)

¹¹ Kiikhiika riimak. Nashiq ka Tati Jesuq ma kamwan kai krai mren, apaiq kaphap mangchan lümaq tiichhii kuqto. Kiikhiisii hali, tsangshiq kiimin tiichhii kuqto,” nguta Petar raq tsangshiq ma chongkuqto.

Hawa Naga Bible 2001

¹¹ Naungshiq muinz tsuingshiq kvkhoc kvmluimx wvnc ningkhvnc nuex Taungjix Yesu kejux maq palc daungc wvnc rvhumc vtix,” ngoz tueq jungx kuq tueq.

Muklom

¹¹ Irimal ang ching ang moq, Teyhungwa Jesu manchan tungkang o hiqtang thalun phi ta hiqtang aa uhan eq i. Eshimal ning atho ukap eq aa.”

Acts 15:11 Referencias Cruzadas

Romans 3:24

Shatmaq, Shiikeawe raq maiqse ka apaiq raq phe maq akuq, kaphap mangchan, Jesuq pum lü miishe dok daa wan raüta, maiqse ka apaiq rai wehea she nguta shram wantlo.

Romans 5:15

Shatmaq, kra tsangnai wenai ka shamshi ngamshi ka riimak. Ara jamkhano akha chongtiikai ngukla, Shiikeawe raq phe maq akuq kongphiq ka, Atam ngarai kiikha ka riimak. Bomtsi ka tengto. Maiq weshi raq ngarai tang raüta, kra ngarai lümaq, maiq angu pahea raq tsailam humto. Shatmaq, Shiikeawe ramkhap mangchan ningkun ka, ngarai thaq na ajong pinthum. Riita, ara chongtiikai ramkhap mangchan arka, Shiikeawe raq maiqse angu pahea ma, maiq weshi Jesuq Khristo pum lümaq, asho awo she kuq wantlo.

Romans 6:23

Ara jamkhano chong tiikang ngukla, ngarai tang wanti riika, atsai lam humtlo. Shatmaq, Shiikeawe riika maiqse ma, nashiq Tati Khristo Jesuq lümaq phemaq, pattup pat-sa rilung kuqtlo.

1 Corinthians 16:23

Tati Jesuq kaphap ka namshiq rai misilaq.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

Galatians 1:6

Ngi ha, namshiq tiihonja rai wan kra chhi lalata, awang raili she riitiikang! Jesuq Khristo kaphap mangchan lümaq, Shiikeawe raq namshiq ka hea wanto. Shatmaq, jaqlose liipan niili, namshiq raq, namshiq hea wantiwe, Shiikeawe ka shubaiq holan. Kra lanta, namshiq raq ahin tsütsa ahea nguta, nanok ahinti raq chongkuq tlaq kriishe langho lan.

Galatians 2:16

Shatmiitiq, nashiq raq maiqse ashi ka, apaiq raq, Jesuq Khristo ma kamtsantsii thü raü jiitiq, Shiikeawe raq apaiq ka, kechu maiqse she dea nguta, Shiikeawe apaiq wokhong na tiisi wan tlo nguta, nashiq raq sap tiikai. Apaiq raq Thungtri aming kra lang tlo nguta, Shiikeawe raq apaiq ka, ümtiikaq ranaiq jiimin, awokhong na, kechu maiqse she dea, nguta tiisi mak. Shiikeawe raq nashiq armin la, Jesuq Khristo ma kamtsantsii thü wan kai kra lü miitiq, kechu maiqsetiim she, nguta awokhong na tiisi wan tlo. Arka nashiq raq Thungtri aming lang laita riimak. Shiikeawe raq maiqse ka, Thungtri aming lang tlo nguta, jumin kechu maiqse ma tiija mak.

Titus 2:11

Ara jamkhano chongtiikang ngukla, maiqse angu tarü hupli kra tiichhii wan miitu, Shiikeawe raq apaiq kaphap mangchan khoqramkii ka, Jesuq Khristo pum na tiichhikuq wanto she.

Revelation 5:9

Atra ngam kaütiim nai nyungwere raq Skuse ma tiitsam shi anye ashi akha shito: “Maiqshaq ka ümniili ara lakdam kom jaüti. Sil atrap phan kra tiibun laüta lakdam kom linti ka ümniili. Ümniika maiqse angu khupi ma tsat baiqto, Ümniika honglu na tsai laü. Laüta ümtiijai maq rilaü Shiikeawe miitu, maiq aphantek wa, abomtek wa, amungtek wa, kaüwatek wa.