Acts 15:1 - ASII LAKDAP Bible (BSI)

¹ Maiq wiijamti Judia wang wa Antiok na waraüta, phunainotiim ma traho bomtsi ka akha shrinkuqto, “Namshiq raq Mosheq Thungtri na chongtlaq kra phan phan, athohan poi ka lang man wiiwii, Shiikeawe raq nam khum ka tiichhii kuq mak miraq.”

Hawa Naga Bible 2001

¹ Miq wvyvmc kuex Yuda mungx maq Antiok nuex kaz vtueq kvmluimx jix htenc muex, “Nuimshiq kuex Moshe Tvrac rulc rv-ngvlc vhttoar gvnc vhtungx phvnx muit ngoz ruiux kuex palc daungc wvnc lvmx lvp muik,” ngoz tueq tvluing kuq tueq.

Muklom

¹ Judea wang chamtey miqtang Antioch náng thu eq uhantey miqtang ma tatal ta: “Moses thong na bat aa thimal nim aa hankhup qhan wey min ling nim lun min ang nin.”

Acts 15:1 Referencias Cruzadas

LEWI 12:3

Nowüchhi jai maq ratiichat ngo ranaiq na no khum wa atho ka mihan.

John 7:22

Mosheq raq namshiq ma maiq we setiim ka athohan chang nguta aming kuqthüto. (Mosheq riika akha aming ka kuqthü mak dea. Shatmaq, arka namtitiim riishe pha wanto.) Krai mren, namshiq raq Asii Niitiitsak ranaiq niimin, apii ashi min ngu man maq, no maiqwe se tho ka hankuq tlan.

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Acts 15:22

Kra riichongtaq krai mren she, kiimwebi nai maiqlare ka phungtuti tlotli rai adam maq kiqri raütiishe, tsangshiq phong wa maiq wiijamti kra tsea raüta, Paul nai Barnabas rai Antiok phungtuti rai riihum wa chang miraq ngutiishe, bom ka shatto. Krai mren she, tsangshiq kamasham maiqse wiitarü raq shreng tlaq maiqla wenai kriishe tseato. Tsangnai wenai wa weshi mang ka Barsabas. Apaiq ka Judas ngutiimin ngutlo. Kiimaq weshi mang ka Silas. Apaiq kriiri tseato.

Acts 15:23

Raüta tsangshiq raq ara lak ara Antiok na siti phungmaiqsetiim ma waiqto. Raüta Judas nai Silas ma tiiho wanto. Lak ka akha waiqto: “Naishiq kiimwebi nai maiqlare, namshiq ma phunainotiim raq, namshiq Pongnok phan maiqse lungwii phunainotiim, Antiok chela na kiimaq Siria nai Silisia wang na siti tlotli ma salam bomtsi tiitai wan tiikai.

Acts 15:24

Naishiq phong wa maiq wiijamti ka, kiina namshiq phana wato nguta tsütsa ka tai kai. Raüta, tsangshiq traho bom chongke lümaq, namshiq ka kamasham lamphan na trang ra wan tlo, kiimaq namshiq kamtsantsii ka runbaiq wantlo nguta tsütsa ka tai kai. Naishiq raq tsangshiq ka namshiq ma kiikha bom asa chongphan kuq wa rongkiq ngutiika thaü mai dea.

Acts 15:3

Tsangshiq ka phungtuti raq tiikito. Tsangshiq ka akai lam maq, Phonesia nai Samaria wang lam maq kihoto. Kiimaq tsangshiq ma Pongnok phan raq Shiikeawe ma kamwantaq tsütsa kra tiitai chongkuq hoto. Kra tsütsa ka tairaüta, phunainotiim kunli ka kai khoqriiqto.

Acts 15:32

Kiimaq Judas nai Silas tsangnai wenai kiimin shammi sii riito. Krai mren, tsangnai ka tsangshiq rai rahiq ashaqpuq sithü damto. Raüta, tsangshiq ma kamasham na tsaido jido ningkun shoqke wan bomtsi pahea chongphan kuqto.

Acts 15:5

Shatmaq, Phorisinok phong wa, kamasham maiqsetiim maiq wiijamti raq, chap raüta, “Pongnok phan riimin athohan poi nai Mosheq Thungtri ka lang raa dongdii” nguta tsangshiq kiq ka khiito.

Acts 21:20

Tsangshiq raq ara tsütsa ka tai raüta Shiikeawe ka tiitsam kamto. Raüta, tsangshiq raq apaiq ma chongto, “Phuno we Paul lei, Jerusalem wa maiq pahea ahing ahing she phung na shang wanto. Kriika ümniiriimin asap haü. Kiimaq tsangshiq ka nashiq Jehudinok Thungtri ka jaqkhon tiipha raüta atsin maq lang wanti siisaq.

Acts 6:14

Apaiq nga Najareth hiqti we Jesuq raq, ara Jerusalem wa Shomjam arka, atiithen mirbaiq nguta chongkuqtlo. Kiimahali, Mosheq raq natitiim ma thung alai achongkuq thü thun kriika, ümchaü nashiq raq lang wan raa mak she, shatmaq thunglai ahin she lang laita sichang nguta chongkuqtlo!” ngutiishe kha ka nyanto.

Galatians 2:1

Wiiroqshi ri wiiblai jai miishetiq, Barnabas rai Titas min sheaho lata, ngi ka Jerusalem na hali jangki nong kang.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Galatians 6:12

Namshiq ma athohan tri ka, akhek lang raa dongdii nguta, kiq tiitsi wan tliiti ka, rakhütsiri wa athohan thunglai jaqsham kra lang tiikai nguta, nokwe man na tiishomratibi kong sitlo. Shatmaq tiina, tsangshiq raq ara lang tlaq arka, nokwe raq tsangshiq ka, Khristo pumsongkham na tsaitaq kra bomtsi, Jehudinok raq tairomak, kriikha maq, tsangshiq ka nokwe raq, kra bomtsi miitu ngengseng mak mirlaq nguta, maiq ma tiichhike ma nguta, athohan tri ka lang tlo.

Colossians 2:16

Ara chongtiikang Khristo raq thawe kharü ka adii baiq kun she kha maq, ümchaü sanha, maiq raq namshiq ma arphan arka aphaq asea mimai, arphan arka aphaq asea maimak, apii chang nguta tri raü arun baiq wishe kra thongshiri hali, namshiq ma khakuq tlaq kriika, naq tiikha nong rongkiq. Rahiq jipi kiimin, arka jihea ranaiq, arka jibi ranaiq nguho. Kiimaq Jinye Dong Poi ka alang chang nguho. Asii Niitiitsak ranaiq ka alang chang maa nguho.

Colossians 2:8

Riita ümchaü ka namshiq maiqmii tsii lamshat maq sirong laq. Mangjong maiqse phaqchi taksma, athii arii min ahü manphan jüche, ashi ra raq chongphanke wan tsütsit kra tai lanta, naq shonbiiho rongkiq. Kra tsangshiq raq phanchan kuq tlaq manphan ka, rawang win na siti abi winji hokhambi, ara ra nai hiq ara jamshati raq rom wan raüta achongkuq bomtsi jo. Kriika Khristo raq achongkuq manphan ka riimak.