Acts 14:16 - ASII LAKDAP Bible (BSI)

¹⁶ Richü pat na Shiikeawe raq mangjong maiqse ka tsangshiq tsantsii na jamlai phan shomnoq raüwa ahea nguta tiima tlaq, kra phan phan, phanrap phanrii tiishom noq wanto.

Hawa Naga Bible 2001

¹⁶ Mvnnuex lvy wvnc vtuex pat nuex vpiq rueq miqphvnx ruip rawx muex miqmac rueq vroc mphvnx shueq ngoz tueq httvr shec tueq.

Muklom

¹⁶ Jakho o phan ajat tang tha ning mongtham wang taqhing ta.

Acts 14:16 Referencias Cruzadas

Tvtsvmc 147:20

Apaiq raq mung ahinti thun ma akhiika shamkuqmak; tsangshiq raq apaiq thungtri thun ka sapmak. Tati tiitsam ronglaq!

Tvtsvmc 81:12

Kriikha na Ngi raq tsangshiq ka nilan lamphan na tiikibaiqkang kiimaq tsangshiq raq aroro lam na tiikibaiqkang.

Hosea 4:17

Ephraim ka sumla phra puk niishe shang wanto. Ahea bam-ümkiho laq, maiqmii raq thithi.

Mikha 4:5

Maiq phan aphantek raq, maiqmiimii phra mang chong raüta miphan wan. Shatmaq nashiq riika, nashiq Tati Shiikeawe mang chong laita, pattup pat-sa misi wan rong i.

Acts 17:30

Riita, maiqse raq man na lea wantaq pat achat na, Shiikeawe lamphan ka sap wan mak maq siwantaq thun akhing kriika, apaiq raq raüpot kha mak she. Shatmaq, ümchaü ka apaiq raq tsangshiq tarü kunli raq abi ngarai lamphan kiiwa tsantsii klai rongliishe nguta aming ka kuq tlo.

Romans 1:28

Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.

Romans 3:25

Shiikeawe raq apaiq ka honglu na kuqto. Kriika apaiq honglu na tsaitaq, kriikha maq jurwa apaiq ma kam tlaq, kriiti ngarai ka tsangshiq kamtsantsii thü tlaq kra lümaq diike miitu she tsaito. Shiikeawe raq ara tiichhii wan lam tankuq wantaq arka, apaiq raq maiqse ka apaiq rai jamkhiiwa wehea ma tiija wan tlaq, kra tiichhikuq tlo.

Ephesians 2:12

Kra akhing na, namshiq ka Khristo rai mang riisap man maq silan. Namshiq ka Shiikeawe sengi phung na, pong man shaq li riilan. Krai mren, namshiq ka Pongnok phan maiqse, mangtang ralii phan nguta, silan. Krai mren, namshiq ka Shiikeawe sengi ma tongshong kiqkham raüpot khakuqtaq kra, ramram maq mitiiham wan shaqli riito. Kra ramram ka, Shiikeawe raq kiqkham kuqtaq kra thaq na seng raüta, asengi ma mikuq ha nguta, raüpot akhakuq wan kongphiq ka asi riito. Kiitincho ji na, namshiq ka, apaiq tongshong maq mitiiham wan shaq li kha maq, namshiq rilung na ara mangjong hiq maq, aranphan chang, namshiq jaq riiwiiq wan chang jaqpaq raü kiimin ahü miili siwan lan. Krai mren, namshiq ka Shiikeawe rai min, mang riisap man maq silan.

1 Peter 4:3

Namshiq raq thatsang maiqse rilung ka man na, luhea asi wan kun she. Kra lea wan lan akhing na, ashe ashi rai riinyat shat, kiijoq kiicham, cherop nyiipthop, che raq chok lanta hi awaq kong ikha jechak maiqwe riitsam nyiim lanta, adam na riipo na siwan lan ihata. Kiimaq maiqphai asi chang sumla shomnoq riitsam nyiim lanta siwan lan ihata.