Acts 14:1 - ASII LAKDAP Bible (BSI)

¹ Kra niq riri sii hali, Ikoniam chela niimin riito. Paul nai Barnabas ka sinagok na wa raüta, achaq awaq maq Tsütsa Ahea kra chongkuqto. Krai mren, Jehudinok phong wa nai Pongnok phan maiqse phong wa maiq pahea raq Tatiwe ma kamwanto.

Hawa Naga Bible 2001

¹ Kvrulc rv-ngvlc Ikonium nuex muinz yaungx wvnc tueq: Polu nuiyc Barnaba rueq vjux thoz yuimx nuex nyuip wvnc vtueq Yuda miqsaz htenc nuiyc Pungnuk miqsaz htenc paunghvlc kvmluimx wvnc laz juing jungphvnx tueq.

Muklom

¹ Iconium na tho irimal angta: Paul etho Barnabas Synagogue náng ka eq bat atho Jehudi phan etho Greek phan wang daqhan eq han ta.

Acts 14:1 Referencias Cruzadas

Mark 7:26

Kra nyung ka Pongnok phan nyung riito. Apaiq ka Siria mung wa Phonesia wang na siti riito. Apaiq raq, Jesuq ma ase khum wa tha ka jokuq liidea nguta tiipaiqnea siqto.

John 12:20

Kra poi akhing na, Jerusalem na Shiikeawe shomnoq kai nguta mungmaiqse phong kiraitaq thun kra phong na, Griknok min asi riito.

John 7:35

Kra tai raütiishe, Jehudinok welabi raq tsangshiq liipan na bom ka akha riichongto, “Riita, apaiq ka nashiq raq chhiwa lotmai chang ka, jamkhiiba hiq na wawan wa chongtliinya? Grik mung chela thun kiijaq nashiq nok min asi kiina wawan raüta, Grik mung ma trahoke wa sha dan tla?

Acts 11:21

Tatiwe ningkun ka tsangshiq khum na asi riito. Krai mren, tsangshiq traho bomchong tai raüta, maiq pahea raq Tati Jesuq ma kamwanto.

Acts 13:43

Sinagok noqku thumjai niishe, nokwe thun ka pin wanto. Tsangshiq pin wan jai she, Jehudinok phan maiq pahea raq, kiimaq Pongnok phan maiqse Jehudi khü maq tiihong raüta siti thun maiq pahea raq, tsangnai jai she phan wanto. Krai mren, kiimwe nai kra riimin, tsangshiq ma Shiikeawe wokhong na tsapkapkap maq shongnga rong laq nguta tsangshiq ma tsaido jido bomtsi she chongkuqto.

Acts 13:46

Shatmaq, Paul nai Barnabas riika, kra thaq na achat raütiishe, chaqchaq miishe hali akha ngutiishe tra hokuqto: “Shiikeawe bomtsi ka namshiq ma kongkhu chongke chang akhek. Kriikha maq namshiq ma kongkhu chongkuq tiikai. Shatmaq, ümchaü namshiq raq, Shiikeawe bomtsi ka shipoq baiq tlan. Krai mren, namshiq ka pattup pat-sa tsitsü rilung lap wan chang wa, sinchiitsap jamkho tsuq baiq tlaq ikhli she, maiqmii nai maiqmii li she tiitsuq baiq wan tlan. Riita, ija ahea na. Ikhiijiika, ümchaü sanha, namshiq ka baiqthü laitiishe, naishiq raq Shiikeawe bomtsi ka Pongnok phan maiqse miishe michong kuq hai.

Acts 13:5

Tsangnai ka Saipras mung na Salamis hiq niishe saü wanto. Raüta, Shiikeawe bomtsi ka sinagok na chongkuq wanto. Tsangnai rai jaqsham na bomtre damti ka Johan Makaq wadamto.

Acts 13:51

Kriikha miishe, kiimwe nai raq, tsangshiq raq ashut kiimung tlaq kra bom tre heshap she, tsangnai raq tsangnai hok wa, botkhulai ka naübaiqto. Raüta jainong shungthü tlii raüta, tsangnai ka Ikoniam chela niishe wawanto.

Acts 14:19

Kra akhing na, Pisidia wang wa Antiok chela na siti nai Ikoniam chela na siti Jehudinok maiq wiijamti raq, Paul nai Barnabas ka kiijaq hali johoto nongto. Raüta, tsangshiq raq mungmaiqse ka tsangshiq bom niishe hali shiijon nongto. Raütiishe, tsangshiq raq Paul ka long maq tiitiiq baiqto. Raüta apaiq ka tsaikito she sham nguta tiima raüta, chela phai niishe hitthü baiq kito.

Acts 14:2

Shatmaq, Jehudinok phong wa maiq wiijamti Jesuq ma kamwan makti raq, Pongnok phan maiqse ma raikao tat raüta, phungmaiqsetiim khuthaq na tiishuk shaqto.

Acts 14:21

Paul nai Barnabas raq Tsütsa Ahea ka Darbi chela na chongkuqto. Krai mren, maiq pahea Jesuq puk na nyapto. Kra miishe tsangshiq ka Listra, Ikoniam, kiimaq Pisidia wang na Antiok chela niishe jang wan nongto.

Acts 16:1

Kiimaq, Paul ka wawanruq khum wan raüta, Darbi chela niishe saü wanto. Raüta kiimaq Listra chela niishe wawanto. Listra chela na siti Phungmaiqse ashi asi. Apaiq mang ka Timothi. Anyung kiimin Phungmaiqse sii riito. Apaiq ka Jehudi shea. Shatmaq, awe ka Grik phan.

Acts 16:2

Listra nai Ikoniam chela na siti phunainotiim tarü ka apaiq mang tsaki wanti siisaq riito.

Acts 17:12

Krai mren, tsangshiq phong wa maiq pahea raq kra chongkuq wantaq tsütsa kiima kamwanto. Kiimaq Griknok wa jechakre ajong alabi pahea raq kiimaq Griknok wa maiqwere min pahea raq kamwanto.

Acts 17:17

Kriikha maq, apaiq raq sinagok maq Jehudinok rai kiimaq Shiikeawe shomnoqti Pongnok phan maiqse rai riiphan chanto. Kiimaq ranaiqtek kejat thung maq, kiijaq maiq juwa akhum ashiimti achachati kiima trahokuqto.

Acts 17:4

Krai mren, mungmaiqse phong wa maiq wiijamti ka Paul raq traho bom chongke kra tai raüta, tengto dea nguta kamwanto. Raüta, tsangshiq ka Paul nai Silas rai kongshi she pong wan damto. Krai mren, jechakre phong wa maiqla nyungre pahea riimin, kiimaq Griknok wa pahea Shiikeawe shomnoq wantibi riimin Paul nai Silas rai kongshi she pong wan damto.

Acts 18:4

Apaiq raq Asii Niitiitsak ranaiqtek sinagok na kiraü raüta, Jehudinok nai Griknok rai tsangshiq tsantsii ka tiinin jawan miitu, atsi dada maq traho bomtsi ka chongkuq lili riito.

Acts 18:8

Krispas ka kiijaq sinagok na maiqla weshi riito. Apaiq ka ajamti thun rai adam na Tati Jesuq ma kam wanto. Kiimaq Korin na siti maiq ahinti pahea raq tsütsa ka tai wanto. Raüta kam wanto. Kiimaq tsangshiq raq kham ka lamto.

Acts 19:10

Paul raq mungmaiqse ma akha trahoke wan arka, wiinai na saüli chongkuqto. Apaiq raq atinkhan chongke wan kha maq, Asia wang na siti mungmaiqse Jehudinok phan nai Pongnok phan maiqse tarü raq, Tatiwe tsütsa ka tai wanto.

Acts 19:17

Ephisia na siti Jehudinok mungmaiqse wiita raq, kiimaq Pongnok phan mungmaiqse wiita raq ara tsütsa ka ratsa ikhiishe taito. Kra tai raütiishe, tsangshiq tarü ka phiip raq tsaito. Kiimaq Tati Jesuq mang ka kai shreng wanto.

Acts 19:8

Paul ka jipi lü tsam tingkhit sinagok na walili raüta, nokwe ma Shiikeawe bomtsi ka tsangshiq ma achaq awaq maq chong kuqto. Kiimaq tiitho tiipha phanchan chongkuq raüta, tsangshiq tsantsii ka Shiikeawe puk na nyap wan lamphan na tiinin ja wan hajaq nguta pinthum shiikut chaqto.

Acts 2:47

Tsangshiq ka akha Shiikeawe tiitsam kamwan li she shongnga wanto. Kiimaq phungtuti shongnga rilung kra chhi raüta, mungmaiqse riimin tsangshiq ka kai lungwiito. Kiimaq, krai mren, Tatiwe raq maiq anye ka wranaiqtek tsangshiq phung na tiitsuq wan wan maq, maiq ka tiipa kuq wan ruq li riito.

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 21:28

Tsangshiq raq, “O Israilnok singmung maiqse lei! Warong ra lii! Arwe ara tiinin tlo rong i!” nguta gitrang wanto. “Arwe ahata barap binrii na waraüta nokmaiqse tarü ma, Israilnok mung thaq na, Mosheq Thungtri thaq na kiimaq ara Shomjam arthaq na, ashut riiqkhiq traho bomchong kewanti we. Kiimaq liirong laq, ümchaü min apaiq raq Pongnok phan maiqsetiim ka ara Shomjam mong na shea wan raüta, ara Asii Shomjam arka tiisheshi baiq wantlo!”

Acts 9:20

Kiimaq, apaiq raq sinagok thun kiijaq kokkok wawan raüta, Jesuq kiidea Shiikeawe Se nguta trahokuq pha wanto.

Romans 1:16

Ngi ka Tsütsa Ahea bomtsi ka nanok ma chongke miitu jeasi mang. Jamkhano ngukla ara Tsütsa Ahea bomtsi na ningkun asi kiimaq kiima kam lata, tsankhun maq sitiikang. Maiqse angu wa, jurwa Jesuq ma kamtlaq, kriiti thun kunli ka, ngarai mong wa tiichhii wan miitu ningkun ka Tsütsa Ahea bomtsi na sitlo. Arka, apha na Jehudinok ma chongkuqto. Kiimaq kra jai maq, Pongnok phan maiqse miishe chongkuqtlo.

Romans 10:12

Arka wiitarü miitu she. Shiikeawe raq Jehudinok nai Pongnok phan maiqse kriika, lamphan ashi miili she tiichhii kuq wantlo. Shiikeawe ka maiqse angu tarü miitu Tatiwe. Kiimaq apaiq puk na nyap wanti, maiqse angu tarü ma, apaiq raq, mren mra chhaq siisaq, tümlüm tümli, kaütak rishi maq, achu shiiman kuq tlo.

Galatians 2:3

I kongti we Titas ka Grik phan. Li jiimin, apaiq raq atho ka han raa ma nguta, shiichut wan mak dea riito.

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

Colossians 3:11

Riita, arka pum anye miishe songkuq tlaq krai mren, ümchaü sanha, Pongnok phan maiqse nai Jehudinok phan liipan na lo, kiimaq athohanjeti lo, atho hanhüti lo, pongnok pongta phan lo, tawesang phan lo, di ama lo, kiimaq akimiikiim phan lo, arthun ara liipan na, ajong phan, aran phan nguta jamlai tiikhothiq kai chang min ahü she. Shatmaq, namshiq wiitarü khum na, Khristo sitlaq kriili she hongjiiq. Apaiq ka namshiq rilung na asi jiika hongjiiq she. Khristo kli wiitarü, kiimaq Khristo ka wiitarü khum na sitlo.

2 Timothy 3:11

Maiqse raq ngi ka ümtinkhan wa tiichamchao wanto. Kiimaq tsaija chhunja chamchao litkot ahin thun min ngi raq jamkho lea wan kang, irthun irka, ümchaü sanha ümniiriiri kunli asap haü siisaq she. Shatmaq, atinkhan chamchao walü mong wa, Tatiwe raq ngi ka tiichhii kuqto. Ngi ma Antiok maq, Ikoniam maq, kiimaq Listra maq tsaija chhunja, pitlang pitthea, phiiptsi jiiptsi ümtinkhan wa, maiqse raq tiichamchaotaq, ira nin wan kang. Kriithun ka wiita, ümniiraq asap haü siisaq she! Shatmaq arthun litkot chamchao mong wa, Tatiwe raq ngi ka tiichhii kuqto.