Acts 13:51 - ASII LAKDAP Bible (BSI)

⁵¹ Kriikha miishe, kiimwe nai raq, tsangshiq raq ashut kiimung tlaq kra bom tre heshap she, tsangnai raq tsangnai hok wa, botkhulai ka naübaiqto. Raüta jainong shungthü tlii raüta, tsangnai ka Ikoniam chela niishe wawanto.

Hawa Naga Bible 2001

⁵¹ Kamx waz nueyc kuex tsuingshiq rueq ruez tueq lvmx kuex khawc lvlc ikhoc muex miqmac yaz wawc bokkhuyx kuex nuiuc gay shec ruiux Ikonium nuex kaz wvnc tueq.

Muklom

⁵¹ Etharin Paul nia Barnabas aa ning rangtun eq tong ching ta bat rangma ningni jaa wang buk tha thamot eq Iconium náng kata.

Acts 13:51 Referencias Cruzadas

Matthew 10:14

Kiimahali, juta jamti riiwa namshiq ka tao wan mak, lo ümriiti chela riiwa namshiq ka tao wan mak riijiiq, lo namshiq raq achongkuq wan han traho bomtsi kra tai wan romak riijiiq, kra riihaü jiila, namshiq raq kriiti miika, jainong shung thü tlii riirong laq. Kiimaq namshiq hok wa botkhulai kra dongdii min, jai nü na anaü riibaiq thü rong laq.

Mark 6:11

Namshiq kitlan chelati raq, namshiq ka tao mak nai namshiq raq traho bom chongkuq tlan kra taimak she la riihaü jiila, namhok phi wa, botkhulai kra jai nü na nyi lanta naübaiq thü lantiishe wawan ronglaq. Kriika tsangshiq ma Shiikeawe manson ka asi lii nguta chongthü she!”

Luke 10:11

‘Liirong laq, naishiq hokphi na akop botkhulai ara dongdii min, jai nü na naübaiq thü tiikai. Arka namshiq ma manson miishe mija wan. Shiikeawe Mungtan ka namshiq thoniishe saükito!’

Luke 9:5

Ümra chelati riiwa, namshiq ka tao mak, kra chelati miika, namshiq hokphi wa botkhulai kra anaü riibaiq thü lanta wawan ronglaq. Kriika tsangshiq ma honlam bomchong kethü she miraq.”

Acts 14:1

Kra niq riri sii hali, Ikoniam chela niimin riito. Paul nai Barnabas ka sinagok na wa raüta, achaq awaq maq Tsütsa Ahea kra chongkuqto. Krai mren, Jehudinok phong wa nai Pongnok phan maiqse phong wa maiq pahea raq Tatiwe ma kamwanto.

Acts 14:19

Kra akhing na, Pisidia wang wa Antiok chela na siti nai Ikoniam chela na siti Jehudinok maiq wiijamti raq, Paul nai Barnabas ka kiijaq hali johoto nongto. Raüta, tsangshiq raq mungmaiqse ka tsangshiq bom niishe hali shiijon nongto. Raütiishe, tsangshiq raq Paul ka long maq tiitiiq baiqto. Raüta apaiq ka tsaikito she sham nguta tiima raüta, chela phai niishe hitthü baiq kito.

Acts 14:21

Paul nai Barnabas raq Tsütsa Ahea ka Darbi chela na chongkuqto. Krai mren, maiq pahea Jesuq puk na nyapto. Kra miishe tsangshiq ka Listra, Ikoniam, kiimaq Pisidia wang na Antiok chela niishe jang wan nongto.

Acts 16:2

Listra nai Ikoniam chela na siti phunainotiim tarü ka apaiq mang tsaki wanti siisaq riito.

Acts 18:6

Shatmaq, tsangshiq raq apaiq traho bomchong kra tao mak dea, akhii rea lishe khoti riito. Kiimaq apaiq ma abi atili she khoti bom rai wanto. Kra riikiita she, Paul raq, apaiq dü na asam khea na botkhulai akop kra naüshaü shaü raütiishe, tsangshiq ma jainong shung wan, apaiq khum tiihe bom pan akhiishe raikuqto. “Riita, ikhla, ümchaü amiiphat sanha, Shiikeawe raq namshiq tsitsü raü ka chumbaiq raüta tsai han jiila, kriika namshiq maiqmii raa phaq lanta tsai miishe mija! Ngi shrong raa chang ka jam min ahü she. Ümchaü amiiphat, ngi raq namshiq ma chongkuq mang she. Ara tsütsa arka Pongnok phan maiqse miishe michong kuqha!” ngutiishe apaiq raq tsangshiq ma bom ka chongkuqto.

2 Timothy 3:11

Maiqse raq ngi ka ümtinkhan wa tiichamchao wanto. Kiimaq tsaija chhunja chamchao litkot ahin thun min ngi raq jamkho lea wan kang, irthun irka, ümchaü sanha ümniiriiri kunli asap haü siisaq she. Shatmaq, atinkhan chamchao walü mong wa, Tatiwe raq ngi ka tiichhii kuqto. Ngi ma Antiok maq, Ikoniam maq, kiimaq Listra maq tsaija chhunja, pitlang pitthea, phiiptsi jiiptsi ümtinkhan wa, maiqse raq tiichamchaotaq, ira nin wan kang. Kriithun ka wiita, ümniiraq asap haü siisaq she! Shatmaq arthun litkot chamchao mong wa, Tatiwe raq ngi ka tiichhii kuqto.