Acts 13:5 - ASII LAKDAP Bible (BSI)

⁵ Tsangnai ka Saipras mung na Salamis hiq niishe saü wanto. Raüta, Shiikeawe bomtsi ka sinagok na chongkuq wanto. Tsangnai rai jaqsham na bomtre damti ka Johan Makaq wadamto.

Hawa Naga Bible 2001

⁵ Tsuingnueyc kuex Salami ghaq nuex httuiuc kaz vtueq, vjux thoz yuimx htenc nuex Tishox bomjungc tvluing kuq tueq. Yohan Marku muinz tsuingnueyc rulc yauk shuimc romc kuq naungx tueq.

Muklom

⁵ Ning ni Salamis náng thu atho, ningni aa Jehudi tang synagogue tang na Shkewa raaq phanchan kot ta. Etho John Mark aa ningni jaksom lot nong ta.

Acts 13:5 Referencias Cruzadas

1 HOKHVMX 19:21

Kra raütiishe Elisha ka apaiq minsaü pangkong kra phaniishe kito. Raüta kra thun ka taato. Raüta ngam ka lumto. Kra ngam lum chang chin ka minsaü pang thaikii thun kra tiipan thamto. Raüta apaiq ngam ja ka nokmaiqse ma tiiphaqto. Krai mren tsangshiq raq ngam ka phaqto. Kra lot raütiishe apaiq ka wawanto. Raüta Elija jai she phan wanto. Kiimaq Elija jaq tretiwe miishe jawanto.

1 HOKHVMX 19:3

Kra tsütsa ka tairaüta Elija ka ahai riito. Krai mren apaiq akhum tiichhii achiimjin juhoto. Apaiq raq ajaqshi se kra sheaho raüta Juda mung na Beersheba hiq na juto. Apaiq jaqshise ka kiijaq baiqthü raüta,

2 HOKHVMX 3:11

Kiijiishe Hokhamwe Jehoshaphat raq waito, “Riita arjaq shammiwe weshi ra min ahüsha nashiq raq apaiq lümaq Tatiwe rai bom riiwaiso miitu?” Kiijiishe Hokhamwe Joram sengi phentubi phong wa ajong weshi raq treto, “Shaphat se Elisha ka arjaq asi. Apaiq ka Elija khiiq witiwe.”

DUNGWVNC 24:13

Kiimaq Mosheq nai apaiq jaq treti Joshua ka tiijeto. Kiimaq Mosheq ka asii pum kiina düpha wanto.

Matthew 20:26

Shatmaq, namshiq liipan niika, akha siwan ka maimak. Namtsam liipan wa juwa ajong ma jawan ro tlan, kriiti ka tarü jaqshise ma ja wan ra tlo.

Acts 12:12

Petar raq apaiq miirii khakii ka jamkhiiwa, kra sap raütiishe, apaiq ka Johan Makaq nyung Meriq tahii jam niishe kihoto. Kiijaq maiq pahea riitam raüta, Petar miitu achu jaürea ngashat riito.

Acts 12:25

Barnabas nai Saul riimin, tsangnai wanhiq khum jaqsham kra lot raüta, Jerusalem miishe pai wan nongto. Tsangnai rai Johan Makaq kiimin shea wan damto.

Acts 13:14

Tsangnai ka Parga maq wawan raüta, Pisidia hong na Antiok chela niishe saü wanto. Raüta, Asii Niitiitsak ranaiq ka sinagok na kito. Raüta ngaki damto.

Acts 13:46

Shatmaq, Paul nai Barnabas riika, kra thaq na achat raütiishe, chaqchaq miishe hali akha ngutiishe tra hokuqto: “Shiikeawe bomtsi ka namshiq ma kongkhu chongke chang akhek. Kriikha maq namshiq ma kongkhu chongkuq tiikai. Shatmaq, ümchaü namshiq raq, Shiikeawe bomtsi ka shipoq baiq tlan. Krai mren, namshiq ka pattup pat-sa tsitsü rilung lap wan chang wa, sinchiitsap jamkho tsuq baiq tlaq ikhli she, maiqmii nai maiqmii li she tiitsuq baiq wan tlan. Riita, ija ahea na. Ikhiijiika, ümchaü sanha, namshiq ka baiqthü laitiishe, naishiq raq Shiikeawe bomtsi ka Pongnok phan maiqse miishe michong kuq hai.

Acts 14:1

Kra niq riri sii hali, Ikoniam chela niimin riito. Paul nai Barnabas ka sinagok na wa raüta, achaq awaq maq Tsütsa Ahea kra chongkuqto. Krai mren, Jehudinok phong wa nai Pongnok phan maiqse phong wa maiq pahea raq Tatiwe ma kamwanto.

Acts 15:37

Riita, Barnabas riika Johan Makaq kiimin tsangnai rai traho wa wanhiq na shea wan nongro riito.

Acts 17:17

Kriikha maq, apaiq raq sinagok maq Jehudinok rai kiimaq Shiikeawe shomnoqti Pongnok phan maiqse rai riiphan chanto. Kiimaq ranaiqtek kejat thung maq, kiijaq maiq juwa akhum ashiimti achachati kiima trahokuqto.

Acts 18:4

Apaiq raq Asii Niitiitsak ranaiqtek sinagok na kiraü raüta, Jehudinok nai Griknok rai tsangshiq tsantsii ka tiinin jawan miitu, atsi dada maq traho bomtsi ka chongkuq lili riito.

Acts 19:22

Apaiq raq kra thimi wantaq krai mren she, apaiq rai jaqsham damti wenai Timothi nai Erastas ka Mesidonia wang niishe tiiwato. Raüta apaiq riiwe ka kra bala Asia wang niili jaqsham haithüto.

Acts 19:29

Kra mungmaiqse brakshaq wantaq tatso wa trang kra nyii rai wan raütiishe, kra chela hamli, shokrap norii niishe tatso walü shapshaü kra nyam wanto. Kra mungmaiqse brakshaq rai wantlaq kriiraq, Paul kongti Mesidonia wangti wenai, Gaias nai Aristarkas ka rangho raüta, mungmaiqse ngongthun chang hiq thung ba kiiniishe, wiithu wiiliiq miishe hit wanto.

Acts 19:8

Paul ka jipi lü tsam tingkhit sinagok na walili raüta, nokwe ma Shiikeawe bomtsi ka tsangshiq ma achaq awaq maq chong kuqto. Kiimaq tiitho tiipha phanchan chongkuq raüta, tsangshiq tsantsii ka Shiikeawe puk na nyap wan lamphan na tiinin ja wan hajaq nguta pinthum shiikut chaqto.

Acts 9:20

Kiimaq, apaiq raq sinagok thun kiijaq kokkok wawan raüta, Jesuq kiidea Shiikeawe Se nguta trahokuq pha wanto.

Colossians 4:10

Kiimaq ngi rai phaqtek mong na siti we, Aristarkas riimin namshiq ma salam bomtsi tiitai tlo. Kiimaq Barnabas nangwe Makaq riimin namshiq ma salam bom tiitai tlo, (Namshiq phana Makaq saü wa raü jaq, apaiq ka jamkhii shiikumpan chang wa, kriika namshiq ma kongkhu na atiichong wan wishe).

2 Timothy 4:11

Ümchaü ngi rai sidamti ka Lukaq lamlamli she. Makaq ka ümniirai adam maq shea wan laq. Apaiq ka i jaqsham khrumke ma maiqshaq.