Acts 13:39 - ASII LAKDAP Bible (BSI)

³⁹ Kiimaq namshiq raq Mosheq Thungri ka lang wan lan. Shatmaq kriiraq namshiq ka ngarai kharü mong wa daa wan lot mak dea riito. Shatmaq, jurwa Jesuq ma kamwan tlaq, kriiti ka sepii she nguta kha phokuqtlo.

Muklom

³⁹ Moses thong aa nim Shkewa jakho na asing miq ta jin shing moq angta, etharin piq tungkang o ukamtey tang thaji sha asing miq ta shing aa.

Acts 13:39 Referencias Cruzadas

YOBA 25:4

Shiikeawe makki na kechu maiqse riimakla asii maiqse ashi ra asi shea?

YOBA 9:20

Ngi ka chiisan maiqse kiimaq tsapkapkap, shatmaq ibomtsi riika ajiqwe ma tiija tlo, kiimaq phanrap ngi raq chongtiikang thun riika ngi ka ashutwe ma khoti tiijahotlo.

Tvtsvmc 143:2

Ngi ümjaqshise ka rung na naq tiichapkiq; ümmakki na kechu maiqse jumin ahü.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

JEREMIA 31:32

Kriika Ngi raq tsangtitiim ka Ejip mung wa Ijaq maq hit lata sheawan kang akhing na tongshong chü shong wan kang kiikhiika riimak she miraq. Kra pat na Ngi ka tsangshiq ma awese ikha siwan kang. Shatmaq tsangshiq raq itongshong tri raütu ka lang wan mak riito.

HABAKUK 2:4

Bomtsi chongtiikang ka ara waiq laq: ‘Abi ati maiqse thun ka atsai mirki; Shatmaq kechu maiqse thun ka atra misi wan. Jamkhano ngukla tsangshiq ka Shiikeawe bom, tsapkapkap maq langtlo.’”

Luke 10:25

Kiimahali, Thungtri shrinketiwe ashi raq, Jesuq ka tiishut ma nguta, “Shrinketiwe, ngi raq pattup pat-sa tsitsü lap miitu ka, jamlai phan jaqsham chang wa miraq?” nguta waito.

Luke 10:28

Jesuq raq treto, “Riikhaqli. Ara chong tlaü ara klolaq. Haü la, pattup pat-sa tsitsü ka milap haü.”

Luke 18:14

“Riita, ngi chong pha,” nguta Jesuq raq nguto. “Phunta hiti we ka Shiikeawe raq apaiq ngarai ka diike jeshe, ajam na wawanto. Phorisiwe ka riimak. Ara jamkhano chongtiikang ngukla, maiqse liipan wa jurwa, maiqmii dea ajong nguta tiima tlaq, kriiti ka aran ma mitiija. Kiimaq, jurwa tiisaiq haiq shat maq sitlaq, kriiti ka ajong ma mitiija wan.”

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

John 5:24

“Ngi raq chong tiikang arka tengteng: Jurwa i bom chong ara tai tlaq kiimaq ngi tiikaiti we ma kam tlaq, kriiti raq pattup pat-sa rilung ka alap wan wishe. Kriiti kha ka apho chang ahü she. Amaa wa atra she.

Acts 10:43

Shammibi thun wiita raq, apaiq mangchong tsa kra chongkuq wanto she. Apaiq ma kamwanti maiq loweatek ngarai ka Shiikeawe raq, Jesuq lümaq wiita midii kuq nguta tsangshiq raq chongkuqto.”

Romans 10:10

Ara jamkhano akha chong tiikai ngukla, nashiq raq tsan mong na, Shiikeawe ma kamtsantsii thü tiikai kra lümaq, nashiq ka Shiikeawe raq kechu maiqse she nguta, apaiq rai wehea miishe tiija wantlo. Raüta, ajam jong niishe tiidii wan tlo. Kiimaq, nashiq raq na nübok maq, Jesuq kiidea Tatiwe nguta hakhi kuq tiikai kra lümaq, nashiq ka tiichhii kuq tlo.

Romans 10:4

Ara jamkhano chongtiikai ngukla, ümchaü sanha, Khristo raq Thungtri lamphan ka atiisup shat wan wishe. Krai mren, ümchaü sanha, jurwa Shiikeawe ma kamtsantsii thü tlaq, kriiti ka Shiikeawe raq kechu maiqse she nguta, apaiq rai wehea miishe shram wantlo.

Romans 3:19

Riita, ümchaü nashiq raq asap i, Thungtri sitlaq kriika, juwa Thungtri wokhong na misi rong i nguta sitlaq, kriiti miitu sitlo. Ara Thungtri sitlaq arka, maiqse angu raq jamkiq khii chang ahü she mirlaq nguta sitlo. Thungtri sitlaq kriika, mangjong maiqse hiq maq hutse Shiikeawe rung na tiichap miitu sitlo.

Romans 3:20

Ara jamkhano chongtiikang ngukla, maiqse aja wa, jurmin Thungtri ka riikhaqli maq lang tlo nguta, Shiikeawe rai wehea shram raüta, kechu maiqse ma jawan lot mak. Thungtri raü sitlaq kriika, maiqse ma apaiq ka ajiq we dea, nguta kha nyanke miituli sitlo.

Romans 4:15

Thungtri riika Shiikeawe tsankhiq walü kli tiinyii chaq wan tlo. Shatmaq, thungtri raütu ka ahü ngu raüka, thungtri jin wantlo nguta maiqse ma, kha nyan wan chang lamlu min ahü she hali mirwa.

Romans 4:24

Ara bomtsi waiqthütaq arka, nashiq miitu min riito. Arka nashiq phong wa, nashiq Tati Jesuq ka amaa wa tiidong wanti we, Shiikeawe apaiq ma kam tiikai, laita apaiq raq nashiq ka kechu maiqse she nguta ajam na tiidii wan tlaqti thun miitu riito.

Romans 5:1

Riita ümchaü nashiq ka Shiikeawe raq wehea she nguta ajam na tiidü wanto she. Arka nashiq raq apaiq ma kamtsantsii thü wan tiikai kra lümaq wehea tiija wanto. Krai mren, nashiq ka Jesuq Khristo lümaq Shiikeawe rai ari aram miishe sitiikai.

Romans 5:20

Riita, Shiikeawe raq Thungtri khakuq wantaq kriika, maiqse raq ngarai ka apapa mitang wan laq nguta ngo maq kuq wanto. Shatmaq, ümriibano ngarai ka pahea tang wan tlaq, kiijiika Shiikeawe kaphap mangchan tsii ka, akao pahea nyam wan wan khoti miraq.

Romans 5:9

Apaiq tsai wantaq kra lümaq, ümchaü nashiq ka wehea she nguta, Shiikeawe jam na tiidü wanto she. Ikhiijiika, ümtinkhan she wa apaiq raq, nashiq ka phangthum khapho ranaiq, Shiikeawe tsankhiq walü mong kiiwa mitiichhii kuq wan nong riila!

Romans 8:1

Riita, ija ümchaü sanha, ara chongkai thun bom raü shat wan ka akhiishe shat wan i na. Juwa Khristo Jesuq rai pumshi hanshi miishe sitlaq, kriiti miika, Shiikeawe raq kha ka nyan mak she.

Romans 8:3

Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.

Romans 9:31

Shatmaq, Shiikeawe raq atsea wan Israilnok riika, thungtri raütu kra lang wan raüta, Shiikeawe rai wehea riija wan chang nguta, thungtri wokhong na siwantlo. Shatmaq, tsangshiq ka Shiikeawe rai wehea riija wan lot mak dea riito.

1 Corinthians 6:11

Namshiq phong wa maiq wiijamti ka, man na akha siwanti. Shatmaq namshiq ka ngarai mong wa tiisii hekuq wanto she. Namshiq ka Shiikeawe ma apaiq rii she nguta akiinongke wan kun she. Namshiq ka Tati Jesuq Khristo raq nai Asii Wenyi raq Shiikeawe jam niishe tiidiito. Raüta Shiikeawe rai wehea she tiijato.

Galatians 2:16

Shatmiitiq, nashiq raq maiqse ashi ka, apaiq raq, Jesuq Khristo ma kamtsantsii thü raü jiitiq, Shiikeawe raq apaiq ka, kechu maiqse she dea nguta, Shiikeawe apaiq wokhong na tiisi wan tlo nguta, nashiq raq sap tiikai. Apaiq raq Thungtri aming kra lang tlo nguta, Shiikeawe raq apaiq ka, ümtiikaq ranaiq jiimin, awokhong na, kechu maiqse she dea, nguta tiisi mak. Shiikeawe raq nashiq armin la, Jesuq Khristo ma kamtsantsii thü wan kai kra lü miitiq, kechu maiqsetiim she, nguta awokhong na tiisi wan tlo. Arka nashiq raq Thungtri aming lang laita riimak. Shiikeawe raq maiqse ka, Thungtri aming lang tlo nguta, jumin kechu maiqse ma tiija mak.

Galatians 2:19

Riita, arningkhan, ara chong tiikang Thungtri wokhong na simiika, ngi ka amaa she. Thungtri raq, ngi arka atsea baiq rea wishe. Kra tsatbaiq wantaq arka, ngi ka, Shiikeawe miituli atra siwan miitu tsat baiqto. I khum na, ümchaü ara han-ngam rilung sitlaq arka, Jesuq Khristo rai pumsongkham na atübaiq wan kun she, ama she sitlo.

Galatians 3:8

Asii bomtsi na, kongkhu miiphü dongdii, Shiikeawe raq Pongnok phan maiqse ka, apaiq ma kamtsantsii thü tlaq kra lümaq, tsangshiq ka kechu maiqsetiim ma mitiija wan nguta chongke thü je she dongdii. Kiimaq kra chongtaq krai mren, Asii bomtsi raq, Abraham ma: “Ümrilung lümaq Shiikeawe raq mangjong maiqse wiitarü ma achu shiiman mikuq,” nguta Tsütsa Ahea chong kuq thiito.

Galatians 5:3

Namshiq ma, phaqthak nithak maq chongkuq nong pha, tairong laq: Jurwa athohan thungtri kriika lang ra dea, nguta hali lang nongtlaq, kriiwe riika, Thungtri dap na tri raü ümchuwa sitlaq thun kriika, tri tsi shi dongdii min jin mak maq, wiita kunkun lang wan chang miraq.

Hebrews 10:11

Jehudinok thungtri maq, ramwebi loweatek raq, maiqmii ramwe jaqsham honglu kewan ka, shamchü kli, bliiqkiki sham tlo. Shatmaq, arthun nyamse honglu takuq tlaq ara riika, ngarai ka ümtiikiimin tiisii kuq lot mak.

Hebrews 10:4

Ara jamkhano chongtiikai ngukla, minsaü pongwetiim tiijai nai chhechhi kong tiijai riika, ümkha riita jiimin maiqse ngarai ka tiisii he lot mak.

Hebrews 7:19

Ara jamkhano shiithu baiqta ngukla, Mosheq raq akuq thü thungtri riika, maiqse rilung ka minhap ma tiija lot mak. Kiimaq ümchaü sanha, nashiq ma aran phan chang lam ka, samhea linlin she tankuqto. Ara lam tankuqtaq armaq, wawan laita nashiq ka Shiikeawe wokhong na misaü lot rong i.