Acts 13:25 - ASII LAKDAP Bible (BSI)

²⁵ Krai mren, Johan raq apaiq jaqsham kra akun wan nini niishe, mungmaiqse ma, ‘Namshiq raq ngi ka ju nguto tiima tlan? Ngi ka namshiq raq maklii khamthii ümtincho she wa saüki jiiq ahiq nguta thenge kherat tlan we ka riimang. Shatmaq, i bom chong ara tiitsang tai ronglaq! Apaiq ka i jai na saüho tlo she. Ngi khosho se arka, apaiq hokpa kha chang raülo kra diiketi dise ashi khan dongdii min thek mang, anun,’ nguta mungmaiqse ma chongkuqto.

Hawa Naga Bible 2001

²⁵ Yohan kuex piq rueq shuimc juing yauk shuimc vlot wvnc nanac nuex piq rueq nuk miqsaz htenc muex, ‘Ngaz kuex ukhaq ngoz tueq lac ngoz vshuinx? Ngaz kuex nuimshiq rueq thuinz tvluimc vshuinx waz kuex rvmuq. Yuq muinz tay shuinz! Vpiq kuex ngvy yix nuex dung tuex; ngaz kuex vpiq yapaungc doc muinz dawc kuy aungx muq,’ ngoz tueq.

Muklom

²⁵ John aa jaksom uthun sey angma ta tho piq aa miqtang ma batta, “Nga ri utang aa ta nim aa tathin inn? Nga piq tha ang mong. Etharin tat inn; iji na piq sha ka phana, etho nga piq jaaqhong ru qhang kot rol tho ang mong.”

Acts 13:25 Referencias Cruzadas

Matthew 3:11

Ngi raq namshiq ka ngarai tiidii wan lan she nguta hakhi kham lamlam li lamkuq wan tiikang. Shatmaq i jai na kaiti we raq namshiq ma Asii Wenyi nai waniitu miishe kham ka milam kuq wan. I jai na kaiti we ka ngi thaq na ajong. Ngi ka apaiq hokpa kra shamke wanti dise khan min thek mang anun pinthum.

Mark 1:7

Apaiq raq mungmaiqse ma trahoke lam maq, “I jai na kitiiliiwe ka ngi thaq na ajong. Ngi ka apaiq hokpa raü kha diike min thek mang anun we.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

John 1:34

Riita, kra ngi ma chongkuqtaq krai mren, ngi raq chhi kang she. Ngi chongpha, Shiikeawe Se ka apaiq dea,” nguta Johan raq mungmaiqse ma tru chong kuqto.

John 1:36

Kra akhing na apaiq raq Jesuq ka lam na awarai chhito. Kra chhi raüta, “Liirong laq, ahata Shiikeawe Skuse!” nguta tsangnai rai riibomto.

John 4:34

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

John 7:18

Maiq ümriiti riiwa maiqmii raq athithi na traho bom chongkuq tlaq, kriiti riika, maiqmii khushü tiijong lamlu kli rittlo. Shatmaq, jurwa apaiq tiikaiti we khushü kra tiijong kli tiima tlaq, kriiti ka tingting maiqse. Apaiq tiima tsantsii niika arot akiq tsantsii ka ahü.

Acts 13:36

Riita, arjaq chongtlaq arai mren, Dawit raq apaiq pat na Shiikeawe luqkhap ma jaraüta, Shiikeawe jaq ka sham wanto. Raüta, apat sung wan jai she, apaiq ka tsai wanto. Raüta, apaiq maa ka atitiim maalap chiim na lap damto. Kiimaq apaiq maa ka maakho niili namraito.

Acts 19:4

Kiijiishe, Paul raq tre nongto, “Khamlamketi we Johan raq Israilnok ma tsantsii klai wan kham lam wan bomtsi chongkuq wantaq kriika, jurwa ngarai tiidii wan tlaq, kriiti miitu chongkuq wanto. Kiimaq apaiq raq Israilnok ma, apaiq jai na maiq weshi saüho tlaq kriiwe ma kamwan ronglaq nguta chongkuq wanto. Kriiwe ngutlaq ka Jesuq ngo nangnga ngutlo,” ngutiishe tsangshiq ma Paul raq bom ka tru chongkuqto.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

2 Corinthians 4:5

Naishiq raq maiqmii mang ka tiichong mai. Naishiq raq Jesuq Khristo ka Tatiwe, kiimaq naishiq ka Jesuq mang na, namshiq jaqshisetiim nguta sitiikai.

2 Timothy 4:7

Ngi riika, ara kamasham rilung lamphan aju riilong na, nola we ashi ma ja lata, aju riilong thungtri riikhaqli maq juwan lot kang she. Ngi raq aju chang lamlu kra tiinyi li julot kang she. Lata, kamasham rilung ka awongsii ma tiija kang she.

Revelation 11:7

Riita, tsangnai raq ümtiikiishe wa traho bom chongke kra lotjiiq, kra lot jai hiqbikho maq adong ngamkaü raq tsangnai ka mikhat. Raüta, apaiq raq tsangnai ka mitang. Raüta, tsangnai ka mitsat baiq.