Acts 12:7 - ASII LAKDAP Bible (BSI)

⁷ Shatmaq, tiihanghiiq miili, kiijaq Tatiwe rase ashi ka dongchhaq chapkito. Krai mren, phaqtek khok mong na walüli wahea liishe riito. Rase raq Petar ka aphaq lam na sham raüta baito. Raüta akon wa tiisamto. Kiimaq, “Jaqlo kotsi! Tiidolaq!” nguta apaiq ka thaüto. Krai mren, apaiq khachang jinraü kharü thun kriika, tiidiisaq li she hiq na apaiq dea dea she tiidiikito.

Hawa Naga Bible 2001

⁷ Taungjix raungkamx waz kuex Peter hep nuex dung phok dung kaz vtueq, khoktep htenc kvyuq muinz phelez kaz tueq. Raungkamx waz rueq Peter phauk luimx nuex wung vtueq, “Yauk lox maq kvtenc kuiuz!” ngoz tueq. Kvkaq dvyx Peter yauk wawc yanx ruiuz kuex kvdawc kaz tueq.

Muklom

⁷ Photla Teyhungwa ashey rangkamwa eshina langta etho chuk mong na ulit phang ta. Rangkamwa aa Peter tha sukkang tho thamot eq tasil wang tathing ta etho kalo shat u ta batta. Takshey lam o hun janru tha Peter jak wang taqhang eq tachon ta.

Acts 12:7 Referencias Cruzadas

2 SAMUEL 22:29

Tatiwe lei, ümniika ngi ma wanii tu, ngi ma ranyaq sitlaq kra, wa tiinii kuq tlaü.

1 HOKHVMX 19:5

Raüta apaiq ka kra pechong jina awe she riikito. Raüta akon she riilaq kito. Kiijiishe tiihanghiiq miili rase ashi raq adü na ajaq maq shamto. Raüta akha nguto, “Samlaq. Laüta tiidolaq. Laüta phaqsiq laq.”

1 HOKHVMX 19:7

Tatiwe rase ka apaiq phana jangwa nongto. Raüta apaiq ka thongshiri hali tiisam nongto. Raüta akha nguto, “Tiidolaq. Laüta phaqsiq laq. Riimakla wanhiq khum lam ka ümniima luhea anürai mirhaü.”

Tvtsvmc 107:14

Apaiq raq tsangshiq ka ranyaq chamchao mong wa tiidongto kiimaq tsangshiq kharü jinraü thun pantham panthit panbaiqto.

Tvtsvmc 116:16

Ngi ka ümjaqshise, Tatiwe lei; ngi raq ümnaq shiikumpan tiikang, inyung raq shiikumpantaq ikha. Ümniiraq ngi atsai maakho wa tlun kuqlaü.

Tvtsvmc 146:7

Apaiq raq chamchao litkotti lop na kha photlo; kiimaq amang aleiti ma tü adung kuqsiqtlo. Tatiwe raq phaqtek na siti tiidong kuqtlo.

Tvtsvmc 34:7

Apaiq rase raq Tatiwe shrengtibi ka kheshat tiiwongtlo kiimaq akhlaq chang wa tsangshiq ka tiichhiikuqtlo.

Tvtsvmc 68:6

Apaiq raq apaiq laqlaqti ma asi chang jam kuqtlo kiimaq phaqtek mong na siti ka tiidong raüta chochikhiq wase ma tiijahotlo, shatmaq apaiq wokhong na simakti ka, bintang jüngi mong na sikai chang miraq.

ISAIA 37:30

Kiijiishe Isaia raq Hokhamwe Hejekia ma akha nguto, “Arka jamlai mra pin wan chang wa kra miitu winji binriim miithii. Ümchaü rawii nai rawii liipan niika kapram wa tsamso kra riichom laütli miphaqsiq haü. Shatmaq shiqwii niishetiq ümniiraq wak na tü atsam lai ka michhi jang kihaü. Laüta kriiwa dong man wan tlaq kra mijutsiq haü. Kiimaq spiqro thun kra michhi haü. Laüta spiqtsi kra mipan siq haü.

ISAIA 60:1

Tiidolaq, Jerusalem lei, laüta rashekaü ikha liliimlaq; Tatiwe khushü ka ümkhu thaq na chhaitlo!

JEREMIA 40:1

Phentu ajongwe Nebujaradan raq ngi ka Rama chela maq kharü mong wa diibaiq jai, Tatiwe raq ngi ma chongto. Ngi ka kiijaq kharü maq kha raüta, Jerusalem wa maiq thun krai kiimaq Juda mung wa mungmaiqse munglu shumwi kong Bebilon na shea wan miitu tsuq wantaq kriiti rai tsuq wan damto.

EJEKIEL 43:2

Kiimaq kiijaq ngi raq Israilnok Shiikeawe asi chhainyii makse chat-hit chhaitlaq kra shedong nü maq chhai wan tlo chhikang. Shiikeawe bomtsi kiqhang riinya watrang ka khamjong chum phom blun riinya trang tlaq ikha taikang. Kiimaq hiq ka makse chat-hit chhaitlaq kriiraq liliim wanto.

DANIEL 3:28

Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.

DANIEL 6:22

Shiikeawe raq arase tiiki raüta hangsikong nübok ka wiita phupbaiqto. Krai mren tsangshiq raq ngi ka kaqlot mak riito. Apaiq raq akha tiikhup wongkuqtaq arka, apaiq raq ngi ka maiqsang nguta asap. Kiimaq Chao lei, ngi raq ümniima jammin ashut klo mang.”

Mikha 7:9

Nashiq ka shut kai dea, Tatiwe man na shutkai. Kriikha na heashise miitu, apaiq tsankhiq ka nin chang she. Shatmaq atiisup niika, apaiq raq nashiq mitiiwongkuq, Raüta nashiq ma ashut klo wantaq, kra atru she mirkuq wan. Apaiq raq nashiq ka rawü niishe mishea wan. Apaiq raq nashiq tiichhiike wan kra, namak ma michhi rong i.

HABAKUK 3:11

Rachhai ralüp watrang ka ümliq sinkii, piqjong atiijo phii ikha; rashe jipi thun min ra na wiita, khing kito.

HABAKUK 3:4

Apaiq ka rachhai raliip wa trang ikha, chhai hea lang lang saü wan tlo. Ajaqphi wa wachhai wa lüplüp chhai tlo, Apaiq ningkun tu paü chang ka kra.

Matthew 2:13

Shedong mungti wanwetiim ka wawan jai she, Tatiwe rase raq Joseph ma rawa ma maq chongkuq kito, “Herod raq noshii ka atsea ma nguta mitrit. Kriikha maq, ümchaü min tiidolaq. Laüta noshii nai nyung ka shea laüta Ejip mung na tiipaü kikiq. Kiimaq ngi raq ümniima bom michong kuqha shaq wiiwii Ejip mung niili silaq.”

Luke 2:9

Tatiwe rase ashi ka tsangshiq pha na satkito. Raüta Tatiwe ngao chhainyii ka tsangshiq thaq na achhai anyii lito. Kra chhi raüta, tsangshiq ka kai ahairai nai atiirai riito.

Luke 24:4

Tsangshiq ka kiijaq chap raüta, jamkho jaki tiinya nguta, awang rai liipan niili, tiidong chhaq maq, maiq wenai ka khealü achhai anyii miirii samraqraq raüta, kiijaq tsangshiq rai chap raqraq she chhito.

Acts 10:30

Kiijiishe, Kornelias raq treto, “Shiilang we lei, kechu jonghea. Ümchaü ranaiq ara weali maq ranaiqtsam she. Ngi ka i jam na, ranaiq naritsam bala achu jaü ngakang. Kra bala, tiihanghiiq miili, maiqwe ashi, apaiq miirii ka khealü, achhai anyii samraü we kra, i khaki na chapsaq chapkito.

Acts 12:23

Kiijiishe tiihanghiiq miili, Tatiwe rase raq apaiq ka tiikhiqlaq tsat baiqto. Apaiq ka Shiikeawe raq jamkhano tsatbaiqtaq ngukla apaiq kra khoti Shiikeawe ikha tiishom ra wanto. Kriikha na tsatbaiqto. Apaiq ka ajong ajii raq phaq raüta tsaito.

Acts 12:6

Herod raq Petar ka anap ranaiq miishe, mungmaiqse rung na tiichap ma nguta, tiije shat riito. Kra rawa, Petar ka phenla wenai heawea na akon. Apaiq ka jinraü raünai maq, ajaq na khato. Raüta, siimko nü jinraü tho kriika phenla weshi jaq na dakshat riito. Kiimaq konü siimti jinraü tho kriika phenla weshi jaq na dak khato. Raüta apaiq ka phenla we nai heawea na tiinga raüta kheto. Kiimaq phaqtek jam kilam chong kiimin phenlabi raq kheshat riito.

Acts 12:8

Kiijiishe, rase raq Petar ma chongto, “Ümshinket ka tiipha shat laq. Laüta hokpa kri palaq.” Krai mren, Petar raq ashinket ka tiipha pato. Kiimaq ahokpa kra pato. Kiijiishe, rase raq Petar ma chongto, “Ümkhea thum kaü kra samhea khesam laq. Laüta, i jai phan phan kira.”

Acts 16:26

Kra liipan bala niili she, tiihang hiiq miili she hiqjong ka jonghea muraito. Raüta, kra hiqjong mu raq phaqtek rung jamkhü thun kra wiita she tiikam babaiqto. Krai mren, rongkhü kilü thun ka wiita linbaiqto. Kiimaq phaqtek mong na siti, shumwibi hok ajaq na akha kharü raü thun kiimin wiita she apaiq tiidiidii she tiidii kito.

Acts 2:24

Shatmaq, Shiikeawe raq apaiq ka amaa wa tiidong wanto. Shiikeawe raq apaiq ka atsai ningkun kharü mong wiishe daa wanto. Ara jamkhano chongtiikang ngukla, atsai ningkun kharü raq, Jesuq ka ümkhiiriita jiimin kha lot mak.

Acts 5:19

Shatmaq, kra rawali Tatiwe rase ka kiraüta, phaqtek kilü thun ka dikuq kito. Raüta, kiimwebi ka phaqtek mong wa tiidong sheahoto. Kiimaq rase raq tsangshiq ma,

Acts 9:3

Saul ka Damaskas chela na asaü wan nini she riito. Kra bala liipan niili, tiihanghiiq miili, ra wa walüli henghea ashi saüki saq raüta, apaiq tro na chhairaito.

Ephesians 5:14

Jamlai wa rawüli niishe phong baiq tlaq, kriika tarü raq rashra she. Apaü chang ka jam min ahü she. Kriikha maq, Asii bomtsi na akha chong tlo, “O, akonti lei sam liishe na, laüta ümchaü sanha, amaa wa dong tlo liishe, ümkhum na Khristo she mililiim.”

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

Revelation 18:1

Arjai miishe, rase ashi hali ramungtan wa satkai chhikang. Apaiq ka arang jonghea hoti rase, kiimaq apaiq khushü ngao chhainyii raq mangjong tlotli ka liliim wanto!