Acts 12:3 - ASII LAKDAP Bible (BSI)

³ Jehudinok ka kra chhi raüta chochikhiq riito. Kiimaq tsangshiq chochi ka chhi raütiishe, kra thaq na sru wanwan, abi lin she hali, apaiq raq Petar ka lapto. (Ara Petar laptaq akhing ka Pi Maq Shohü Winsii Phaq Poi bala riito.)

Hawa Naga Bible 2001

³ Kvkhoc thvt gay tueq lvmx kuex Yuda miqsaz rueq raungc raq kuex khiz vtueq Peter muinz lvp tueq. (Kvruex baunglaung kuex Wisiz lomx muq Wantuc Moalx rvtueq.)

Muklom

³ Jehudi tang irima sungrang ang aa tha piq aa khita tho piq aa Peter tha tho lota. Ethi saal tha wung moq phan banlo kut aa kan angta.

Acts 12:3 Referencias Cruzadas

Tvtsvmc 76:10

Maiqse tsankhiq riika ümnaq tiitsamkam tiijong wan chang li saütlo; re jaqsong atiichongti raq ümnaq shomra poi thun kra milang wan.

DUNGWVNC 23:15

Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.

Matthew 26:17

Pi Maq Shohü Winsii Phaq Poi pha wan ranaiq na ajaqshisetiim ka Jesuq phana waraüta, “Ümniima Tiichhii Wan Poi dung ka ümbano michung hai?” nguta apaiq ma waito.

John 12:43

Ara jamkhano chongtiikai ngukla, tsangshiq ma mungmaiqse raq, ‘ümniidea ahea’ nguta shomra riiwe kriika Shiikeawe raq, ‘ümniidea ahea,’ nguta ngo kriithaq na athii atsin nguta lungwiitlo.

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

John 21:18

Ngi raq chongtiikang arka tengteng: Man na, ümnaq jeroji niika, ümtsan maq ümnü na kai wa lungwii tlaü, ümchhü na jiikom chhüsaq laüta, kiinü na kiho tlaü. Shatmaq, ngi chongpha, ümniika ümtiikiiwa nyungwe she mija haü, kiitiikaq ümniiraq ümjaq ka mitiipii haü, kiimaq maiq ashi ra raq ümniika mikha. Raüta ümnaq kiro maü chang ba kiiniishe misheaho.”

Acts 12:4

Petar ka lap raüta phaqtek na shaqto. Raüta, phenlabi kongblai ma tiikheto. Phenlabi ka kongshi na weblailai riito. Herod raq Petar kha ka, Tiichhii Wan Poi lot jaitiq, mungmaiqse man na pho raüta, apaiq ka tiishut baiq raüta tsea baiq ma nguta tiihong thato.

Acts 2:14

Kiijiishe, Petar ka akongti kiimwebi roqshi ri weshi krai chap raüta, kiimaq tiihong raüta mungmaiqse riiphong tlaq kiima akha trashe hokuqhoto: “I nok i hiq Jehudinok mung maiqsetiim nai Jerusalem na sitibi lei, i bom ara tai ronglaq, kiimaq ngi raq namshiq ma ara jamlai liichum wa kra namshiq ma chongkuq pha.

Acts 20:6

Naishiq ka Pi Maq Shohü Winsii Phaq Poi kra lomlot jai miishe, Philipia chela maq laijong na dü wan kai. Laita rabiingi jai maq, naishiq raq tsangshiq ka Tros chela wa tlo hokai. Naishiq ka Tros chela na chepat shi haithü kai.

Acts 24:27

Kiimaq wiinai sijai niishe, Wanghupti we Phelisk ka Porsias Phestas riishe laito. Jehudinok raq apaiq kiidea ahea nguta mingu laq nguta tiima raüta, Phelisk raq Paul ka phaqtek mong niili thübaiq thüto.

Acts 25:9

Shatmaq Phestas raq Jehudinok tsan ka tiibi romak. Kiimaq apaiq raq tsangshiq ka apaiq lopti ma thü wan ruq roli riito. Kriikha maq, apaiq raq Paul ma waito, “Riita ümniika Jerusalem na walaüta arthun kha nyan tlaq ara i rung na riipho wa miwa haü sha?”

Acts 4:13

Ngongwebi thun welabi raq, Petar nai Johan ka thungtri saptsin wanti, tsüwe tsitwe min riimak, shatmaq ahai asong jam min ahü maq, tsangshiq man na, bom chongke kra chhi raüta, amaorai li she riito. Kra taksma bomtre kra chhi raütiishe, tsangshiq raq tsangnai ka Jesuq rai kongshi maq siwan damti kha maq, kiitin khan asung saptsin wantlo nguta bom ka tak wanto.

Galatians 1:10

Riita, ara bomrai tiikang arka, namshiq raq tiima ma, ngi ka nokwe raq ngi rai mipong dam laq ngutiisha bomrai tiikang? Riimak! ümtiikiimin riimak! Ngi miika Shiikeawe raq thukto ngu raüla hongjiiq! Riita, ngi ka ümchaü min, nokwe man na, i mangjong sha rit tiikang? Ngi ka i mangjong ritti we ngu raü ka, Jesuq Khristo jaqshise ma jawan mang mirha wa.

1 Thessalonians 2:4

Kra rii na, Shiikeawe raq naishiq ma, jamkho chongkuq tlaq, kra phan phan, naishiq raq maiqse ma chongkuq tiikai. Ara jamkhano ngutiikai ngukla, Shiikeawe raq ara Tsütsa Ahea ara chongke miitu, naishiq ma tawun ka akhamke kun she. Naishiq riika, maiqse tsan tiihea miitu ka chong mai. Shatmaq, naishiq tiima tsantsii ajiq alam shinti, Shiikeawe tiichochi miituli, ara Tsütsa Ahea ara chongkuq tiikai.