Acts 12:11 - ASII LAKDAP Bible (BSI)

¹¹ Kiijiishe Petar raq apaiq ka rase raq phaqtek mong wa tiidong kuq wanto dea ngutiishe tsang wanto. Kiimaq atsan na akha bomto, “Ngi ka ümchaü tiq tsang tiikang! Arka riisham makchhi ka riimak dea. Riikhaqli rawümi jaqsham dea. Shiikeawe raq apaiq rase ka tiiki raüta, ngi ara Herod kharü mong wa tiichhii kuq wanto. Kiimaq Jehudinok raq, ngi ka pinthum mitiichamchao rong i nguta thiikho athu kra mong wa tiichhii kuqto.”

Hawa Naga Bible 2001

¹¹ Peter vhonc svmz wvnc vtueq, “Taungjix rueq vpiq raungkamx waz tvkaz vtueq ngaz vruex Herod yauk wawc muinz, Yuda miqsaz rueq ngaz guirguenc tvkoc kvmungx yaq htenc kvwawc muinz palc tvdung kaz phuex kuex majuiuc ngaz rueq tuiuz lvp vshaungx,” ngoz tueq.

Muklom

¹¹ Etho Peter aa chamli angta tha samta, etho batta, “Thanga asing ta nga usam eq ang! Teyhungwa urangkamwa tha takat eq Herod jakwang nga thalun ta etho Jehudi tang tungmang tha tathun chakta.”

Acts 12:11 Referencias Cruzadas

RAPHA HIQWA LAK 15:13

Kiijiishe Tatiwe raq apaiq ma akha nguto, “Ümsaü ümsetiim ka pong mung na wanshawe ma mija wan. Kiimaq tsangshiq ka kra mung na dikong ma mitiija. Kiimaq tsangshiq ka maiq raq rawii shiblai na saüli hok maq nishishi pinthum mitiichamchao wan.

RAPHA HIQWA LAK 18:13

Kiijiishe Tatiwe raq Abraham ma waito, “Sara ka jamlai nguto naitla. Kiimaq, ‘Ngi ka wikaü nyung she riilata, ngohea dea ise ka mihum lot ha shea?’ nguta jaram wa ngutla.

RAPHA HIQWA LAK 26:9

Kiimaq Abimelekh raq Isak ka tiiheakito. Raüta akha nguto, “Riita kriinyung ka ümchak kata nya! Riita ümniiraq apaiq ka ümshea nyung nguta jam nguto chong laü?” Kiijiishe apaiq raq treto, “Ngi raq tiima ka, ngi raq apaiq ka ijamti nyung nguta chongha la maiq raq ngi ka atsea mirbaiq sham nguta tiima kang.”

2 SAMUEL 22:1

Tatiwe raq Dawit ka apaiq jaqtiwe Saul nai rewe ahinti jaqkhon wa tiiwongkuq wan kiita, apaiq raq Tatiwe ma ara kechutum shinge shito:

2 KAÜWA WERAÜ 16:9

Tatiwe raq mangjong tlotli ka tro tri raüta kheshat liitlo. Raüta ju tsantsii wa apaiq rai riipona tlii maq sitlaq kriiti ma ningkun shoqke miitu khekham maq sitlo. Shatmaq ümniiraq ashut angi jaq sham klo laü. Kra ningkhan ümchaü sanha ümniika chiq are rai li she mirkhat siq haü.”

YOBA 31:31

Ngi rai jaqsham damtibi tarü raq asap, ngi ka wranaiqshe ijam na wanwe saütlaq kra tao wanti.

YOBA 5:19

Apaiq raq ümniika tiijangkiki chamchao thiikho wa mitiichhii kuq;

Tvtsvmc 109:31

Jamkhano ngukla apaiq raq miitsan maiqse ka tiiwongkuqto raüta apaiq ka maiq raq atseabaiq chang nguta atiishutbaiq wa tiichhiito.

Tvtsvmc 33:18

Tatiwe raq apaiq aming langtibi ka liishat, apaiq tiipitmak phan lungwii ma kamtibi ma.

Tvtsvmc 33:19

Apaiq raq tsangshiq ka atsai chang wa tiichhiitlo; apaiq raq tsangshiq ka ramdong raü min atra rümtlo.

Tvtsvmc 34:22

Tatiwe raq asenginok mitiichhiikuq; awokhong na watibi thun apaiq raq mitiichhii kuq.

Tvtsvmc 34:7

Apaiq rase raq Tatiwe shrengtibi ka kheshat tiiwongtlo kiimaq akhlaq chang wa tsangshiq ka tiichhiikuqtlo.

Tvtsvmc 41:2

Tatiwe raq tsangshiq mitiichhii kiimaq tsangshiq rilung mikhup wongkuq; apaiq raq tsangshiq ka kra mung na peohea mirüm; apaiq raq tsangshiq ka tsang jaqtinok jaqkhon na kiinong kuq mak miraq.

Tvtsvmc 97:10

Tatiwe raq abi kiimung saisiti thun lungwiitlo; apaiq raq asenginok khupwongkuqtlo; apaiq raq tsangshiq ka abi kloti jaqkhon mong wa tiichhiitlo.

DANIEL 3:25

“Riita ikhiijiika, ngi raq maiq weblai jongri watum mong na akhumsea chhitiikang ahata?” nguta apaiq raq waito. “Tsangshiq ka khahü. Kiimaq tsangshiq khum na wakhiim tsi min ahü. Kiimaq weblai ngojawe ka rase ngochang chang ikha tiichhitlo.”

DANIEL 3:28

Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.

DANIEL 6:22

Shiikeawe raq arase tiiki raüta hangsikong nübok ka wiita phupbaiqto. Krai mren tsangshiq raq ngi ka kaqlot mak riito. Apaiq raq akha tiikhup wongkuqtaq arka, apaiq raq ngi ka maiqsang nguta asap. Kiimaq Chao lei, ngi raq ümniima jammin ashut klo mang.”

Luke 15:17

Atiisup niishe, apaiq tsii ka samto. Raütiishe, apaiq nai apaiq ka akha nguta tiibotto, ‘Ai, i we jaqshisetiim ümchuwa sitlaq thun kriika, tsangshiq wok phetaktak, aphaq asea li lot mak sitlo. Shatmiitiq, ngi ara nangnga, arjaq ram raq haü lata, tsai tiikang nya!

Acts 12:7

Shatmaq, tiihanghiiq miili, kiijaq Tatiwe rase ashi ka dongchhaq chapkito. Krai mren, phaqtek khok mong na walüli wahea liishe riito. Rase raq Petar ka aphaq lam na sham raüta baito. Raüta akon wa tiisamto. Kiimaq, “Jaqlo kotsi! Tiidolaq!” nguta apaiq ka thaüto. Krai mren, apaiq khachang jinraü kharü thun kriika, tiidiisaq li she hiq na apaiq dea dea she tiidiikito.

Acts 24:27

Kiimaq wiinai sijai niishe, Wanghupti we Phelisk ka Porsias Phestas riishe laito. Jehudinok raq apaiq kiidea ahea nguta mingu laq nguta tiima raüta, Phelisk raq Paul ka phaqtek mong niili thübaiq thüto.

Acts 25:9

Shatmaq Phestas raq Jehudinok tsan ka tiibi romak. Kiimaq apaiq raq tsangshiq ka apaiq lopti ma thü wan ruq roli riito. Kriikha maq, apaiq raq Paul ma waito, “Riita ümniika Jerusalem na walaüta arthun kha nyan tlaq ara i rung na riipho wa miwa haü sha?”

Acts 5:19

Shatmaq, kra rawali Tatiwe rase ka kiraüta, phaqtek kilü thun ka dikuq kito. Raüta, kiimwebi ka phaqtek mong wa tiidong sheahoto. Kiimaq rase raq tsangshiq ma,

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

2 Peter 2:9

Arthun manphan arwa nashiq raq sap tiikai, Shiikeawe raq kechu maiqse ka tsangshiq rilung na chamchao maitai ümtinkhan wa riihum tlaq kiiwa, jamkhii tiichhiike wan chang wa kra asap. Kiimahali Shiikeawe riika ngarai maiqsetiim ka kharü maq kha raüta, Phangthum Khapho Ranaiq miitu thü wan tlo.