Acts 11:8 - ASII LAKDAP Bible (BSI)

⁸ Kiijiishe, ngi raq akha trekang, ‘Tatiwe lei, akhiiwiqwiq kla naq ngukiq! Ngi raq ümchaü niitaq, apii ashan chang phan kra lo, kiimaq ashe ashi phan nguta chongtlaq kriiphan ka, i nü na thü mang shaq. Thung khata ahü,’ nguta trekang.

Hawa Naga Bible 2001

⁸ Yuq muinz ngaz rueq, ‘Taungjix lex, kvkhoc kuex rvmuq! Vshuy vshac phvnx nuiyc sawc muq phvnx kuex mkaq muinz phauk saq mauk,’ ngoz tueq jungx tauk.

Muklom

⁸ Etharin nga bat táng, ‘Teyhungwa, ang moq angna! Anaan nia jashit phan phaksat i nung náng baluk otho wang wey moq.’

Acts 11:8 Referencias Cruzadas

Hosea 9:3

Israilnok ka Tatiwe raq akuq tsangmung na silu mak she miraq. Tsangshiq ka re raq Ejip mung na hali mitsuqho nong. Kiimaq Asiria mung niishe mitsuq wan. Raüta kiijaq apii chang phan kriishe miphaqsiq wan.

LEWI 10:10

Namshiq raq Shiikeawe rii athiiq nai wiita raq joli na lang chang kra arai arii wan ka sap ratlo. Jamlai wa asii kiimaq jamlai wa siimak apii chang kra asap ratlo.

LEWI 11:47

Namshiq ka kai stiq siikhaq lanta sichang. Apii chang nai pii mak chang phan kra aheawiq rairai riirii tiitsang dada tseatsiiq lanta siraatlo. Ngam saü ngiqse liipan na aphaq chang phan nai phaq mai chang phan kra sap ratlo.

Mark 7:2

Tsangshiq raq Jesuq jaqshisetiim phong wa, wiijamti raq tsangshiq jaq ka thungtri na chongtlaq kra phanphan hehü, jaq ka apii, ashe miili tsangshiq tü adung ka phaqsea kra chhito. Tsangshiq jaq ashe ngutlaq kriika, Phorisinok raq thungtri chongkuq tlaq kra tiiphan phan hemak nguta ngo nangnga ngutlo.

Acts 11:7

Kra liirat tiikang liipan bala niili, maiq bom ashi raq ngi ka, ‘Tiidolaq, Petar. Laüta, arthun ara tiishe laq. Laüta, angam ka aphaq riilaq!’ nguta thaüto.

Acts 11:9

Kiijiishe, ramungtan wa maiq bom kriiraq, ngi ma thongshi ri hali, ‘Shiikeawe raq jamlai wa, asii arai phan nguta rairai riirii riiwantaq, kriika ümniiraq apii phan, ashe nguta tiima ka ra mak she,’ nguta thaü nongto

Romans 14:14

Ngi ka Tati Jesuq rai she pumshi hanshi tiipum lata sitiikang. Kriikha maq, ngi raq ara sap wan tiikang, aphaq asea chang phan sitlaq kriika, apii ashan wan chang ngutiika ahü. Shatmaq, jurwa arphan arka apii chang phan, aphaq asea maimak nguta tiima tlaq jiika, kriiwe miika kra phan ka ashe miraq.

1 Corinthians 7:14

Ara jamkhano chongtiikang ngukla, awese thatsang maiqse ka tsang-nyung rai pumshi hanshi she siwantaq kra lümaq, Shiikeawe riimin milang wan. Kiimahali atawe ka Phungmaiqse kiimaq atanyung ka thatsang maiqse miraq. Kriimin thatsang maiqse atanyung ka atawe lümaq Shiikeawe raq milang wan. Akha kiq atsiim ka riwan hü ngu raü jiika, tsangshiq saü asetiim ka thatsang maiqsetiim ikha miraq. Shatmaq akhla singa raü jiila, tsangshiq ka Shiikeawe raq milang.