Acts 11:19 - ASII LAKDAP Bible (BSI)

¹⁹ Stephen tsat baiqtaq akhing chamchao lak na kamasham maiqsetiim tiipin jintaq lak wa, maiq wiijamti ka Phonesia wang na, Saipras mung na, kiimaq Antiok chela thun na, Tati Jesuq tsütsa ka Jehudinok phan miili chongkuq wan wan wawanto.

Hawa Naga Bible 2001

¹⁹ Yesu muex kvmluimx jix htenc kuex Stephen thvt gay tueq baunglaung vkuilc vdaz juing dung vtueq guirguenc wvnc ningkhvnc nuex baung ruip saz nuex panx yanx wvnc tueq, tsuingshiq wvyvmc kuex Phoenikia, Kupru nuiyc Antiok ghaq nuex httuiuc laz kaz vtueq, Yuda miqsaz muex dvyx bomjungc jungx kuq tueq.

Muklom

¹⁹ Stephen tatik ta tho, daqhan uhantey tang aa tahikham kap eq alo mung Phoenicia, Cyprus, etho Antioch náng pan jol chuwang ta, etho ning eshináng ka eq Jehudi tang ma chan Shkewa raaq tatat ta.

Acts 11:19 Referencias Cruzadas

Matthew 10:6

Shatmaq namshiq ka amii arki skuse kong Israilnok phan kra phaniili kirong laq.

John 7:35

Kra tai raütiishe, Jehudinok welabi raq tsangshiq liipan na bom ka akha riichongto, “Riita, apaiq ka nashiq raq chhiwa lotmai chang ka, jamkhiiba hiq na wawan wa chongtliinya? Grik mung chela thun kiijaq nashiq nok min asi kiina wawan raüta, Grik mung ma trahoke wa sha dan tla?

Acts 11:20

Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.

Acts 11:22

Kiimaq ara tsangshiq tsütsa arka Jerusalem na siti phungtuti ni niishe saüto. Kra tai raütiishe, tsangshiq raq Barnabas ka Antiok chela na tiiwato.

Acts 13:1

Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.

Acts 13:4

Asii Wenyi raq tsangnai ka traho jaqsham wa tiiwato. Krai mren, Barnabas nai Saul ka Antiok maq riita, Silisia na wato. Kra miishe, khamjong mong na sitlaq Saipras mung kiiniishe laijong maq wawanto.

Acts 13:46

Shatmaq, Paul nai Barnabas riika, kra thaq na achat raütiishe, chaqchaq miishe hali akha ngutiishe tra hokuqto: “Shiikeawe bomtsi ka namshiq ma kongkhu chongke chang akhek. Kriikha maq namshiq ma kongkhu chongkuq tiikai. Shatmaq, ümchaü namshiq raq, Shiikeawe bomtsi ka shipoq baiq tlan. Krai mren, namshiq ka pattup pat-sa tsitsü rilung lap wan chang wa, sinchiitsap jamkho tsuq baiq tlaq ikhli she, maiqmii nai maiqmii li she tiitsuq baiq wan tlan. Riita, ija ahea na. Ikhiijiika, ümchaü sanha, namshiq ka baiqthü laitiishe, naishiq raq Shiikeawe bomtsi ka Pongnok phan maiqse miishe michong kuq hai.

Acts 14:26

Kra chela miishe tsangshiq ka laijong maq tsangshiq tiiwa chang hiqshong Antiok chela niishe hali jangho nongto. Kra chela maq tsangshiq ka Shiikeawe kaphap wokhong na likuq raüta, Shiikeawe jaqsham wa miitu tiiwato. Krai mren, tsangshiq raq jaqsham ka tiinyi li shamto.

Acts 15:22

Kra riichongtaq krai mren she, kiimwebi nai maiqlare ka phungtuti tlotli rai adam maq kiqri raütiishe, tsangshiq phong wa maiq wiijamti kra tsea raüta, Paul nai Barnabas rai Antiok phungtuti rai riihum wa chang miraq ngutiishe, bom ka shatto. Krai mren she, tsangshiq kamasham maiqse wiitarü raq shreng tlaq maiqla wenai kriishe tseato. Tsangnai wenai wa weshi mang ka Barsabas. Apaiq ka Judas ngutiimin ngutlo. Kiimaq weshi mang ka Silas. Apaiq kriiri tseato.

Acts 15:3

Tsangshiq ka phungtuti raq tiikito. Tsangshiq ka akai lam maq, Phonesia nai Samaria wang lam maq kihoto. Kiimaq tsangshiq ma Pongnok phan raq Shiikeawe ma kamwantaq tsütsa kra tiitai chongkuq hoto. Kra tsütsa ka tairaüta, phunainotiim kunli ka kai khoqriiqto.

Acts 15:30

Krai mren she, kra lak kewatibi ka Antiok na wawanto. Raüta Antiok chela na saüto. Raütiishe, kiijaq siti phungtuti ka tarü, adam na triitam heato. Raüta kra lak ka tsangshiq jaq na kuqto.

Acts 15:35

Paul nai Barnabas ka Antiok na rahiq ashaqpuq sithü damto. Raüta, nanok maiq ahintibi rai kongshi maq, Tatiwe bomtsi ka tsangshiq ma shrinkuq wanto. Kiimaq trahokuq wanto.

Acts 15:39

Kriikha miishe, tsangnai liipan na kiq ka atsin miishe riikhii raito. Raütiishe, tsangnai ka traho bom chongke wa ka kongnai niishe riipheato. Raütiishe, Barnabas ka Johan Makaq shea wan raüta, lai maq Saipras mung niishe wawanto.

Acts 18:22

Raüta, apaiq ka Sisiria chela niishe saühoto. Sisiria miishe apaiq ka Jerusalem na wawanto. Raüta kiijaq phungtuti rai she riihum wanto. Kra miishe hali Siria wang na Antiok na hali wawan nongto.

Acts 21:16

Riita Sisiria wa maiq wiijamti phunainotiim kiimin, naishiq rai adam maq wadamto. Raüta, naishiq ka naishiq düwa chang jamchongti we jam na shea wanto. Apaiq mang ka Mnason riito. Apaiq ka Saipras wang na siti. Apaiq ka man na aphaji niiphü kamasham maiqse dongdii riito.

Acts 21:2

Kiijaq Phonesia wang na kaihoti laijong ashi asi riihumho kai. Krai mren, kra laijong na dü wan laitiishe naishiq ka kihokai.

Acts 3:26

Riita, ara chongtiikai arai mren, Shiikeawe raq Akoli se ka shongto. Raüta, apaiq ka namshiq phana kongkhu tiikito. Ara tiikitaq arka, namshiq ma achu shiiman kekai tiikito. Kiimaq namshiq ka maiqmii ngarai lamphan kra miimbaiq thü lanta, Shiikeawe wokhong na tiijang shea kai nong miitu tiikito.”

Acts 4:36

Riita, ija, ara chongtiikai akhiisii hali, Lewi saüse phan wa maiq weshi, Saipras mung na sitiwe asi riito. Apaiq mang ka Joseph. Kiimwebi raq apaiq ka Barnabas nguta mangto. (Barnabas ngutlaq ka “Tsaiji doketi” nguta ngo).

Acts 6:5

Krai mren, tsangshiq kamasham maiqsetiim wiitutam raq, kriidea thukto nguta, kiimwebi bom na, kiqshi maq romdamsaq riito. Raütiishe, tsangshiq raq arwetiim arshe tsea raüta shiikapto: Tsangshiq mang thun ka ara. Stephen, apaiq ka kamtsantsii ajong rümtiwe, kiimaq Asii Wenyi na ama maq siti we. Kiimaq Philip, Prokhoras, Nikanor, Timon, Parmenas, kiimaq Nikolaüs riito. Apaiq ka Pongmung maiqse phan wa. Antiok chela na siti we. Apaiq ka kongkhuji na, Jehudinok kamasham lamphanti wa, Phung niishe ashang wan.

Galatians 2:11

Shatmaq, ümtiikiiwa Antiok na Petar wataq, kiitiikaq ngi raq apaiq ka Phungmaiqse nokwe man na, ashut klo kha na, ason riikang. Ngi raq apaiq son kang kriika, apaiq raq ajiq klo wan kha na sonkang.