Acts 11:12 - ASII LAKDAP Bible (BSI)

¹² Kiijiishe, Asii Wenyi raq ngi ka tsangshiq rai Sisiria na wadam miitu, naqkan kop kiq nguta thaüto. Riita ara chongtiikang arai mren, ümchaü arjaq ngi rai kongshi ngatlaq kamasham maiqsetiim tsangtsam wetrok kriimin, ngi rai kongshi miishe Sisiria chela na wawankai. Kiimaq naishiq tarü ka Kornelias jam niishe düwakai.

Hawa Naga Bible 2001

¹² Siyac rueq tsuinghez rulc vdvmz nuex kay naungc tvkoc ngaz muex jungx phuex. Joppa ghaq wawc kvmluimx jix phunox bix waz tvruk muinz nuiyhez rulc vroc nuex kaz naungx ruex, nuiyhez lotlaz Koneliu yuimx nuex duiz tiq.

Muklom

¹² Etho Asang Tsija nga ma ning jamoq jungnáng hunga katma batta. Joppa wang tharok uhantey tang ijamoq katapha etho í Cornelius him náng kati.

Acts 11:12 Referencias Cruzadas

Matthew 1:20

Shatmaq, liirong laq, apaiq raq akha tiima raitlaq liipan niili, rawashi apaiq ma ama maq Tatiwe rase ashi ka apaiq phana kiraüta bom ka akha chongkuqto. “Dawit lai Joseph lei, ümniiraq Meriq lam ma naq haikiq. Meriq khum na no sitlaq kriika Asii Wenyi Se.

John 16:13

Shatmaq, ümtiikiishe wa, Asii Wenyi ka saüki jiiq, kra akhing niishetiq apaiq raq, namshiq ma Shiikeawe tingting rilung bomtsi thun kra mitiichhi kuq wan. Apaiq riishetiq namshiq ma teng man tlaq bomtsi thun liichum kra arang chong maq thu raütiishe mitru chongkuq wan. Apaiq riika, apaiq tsiitsii maq chong kuq mak. Apaiq raq jamlai wa ani maq tai tlaq, kriili namshiq ma michong kuq. Kiimaq, rawiichii akhing na jamlai phan saüho chang wa sitlaq, kriithun bomchong kra namshiq ma michongkuq.

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Acts 10:23

Kiijiishe, Petar raq wanwetiim ka jam na düwa rongkiq nguta heato. Kiimaq kra rawa ka kiijiili jap ronglaq nguta tsangtsam ka tiiwinto. Raütiishe anap miishe, apaiq ka tiije raüta, tsangtsam rai wawan damto. Kiimaq Joppa chela wa phunai notiim wiijamti min apaiq rai wadamto.

Acts 10:45

Petar rai awadam Jehudinok phungmaiqsetiim Joppa wa awati raq, Shiikeawe raq apaiq kongphiq Asii Wenyi ka Pongnok phan maiqse miimin, asho awo raüke wan kriishe chhi raüta, tsangshiq ka kai amao riito.

Acts 11:13

Kiijiishe, Kornelias raq, naishiq ma rase ashi ka tsang jam na kiraüta, apaiq rai jamkho riihumkitaq, kriishe naishiq ma tiitai chongkuqto. Kiimaq rase raq apaiq ka, ‘Joppa na maiq weshi amang Simon Petar nguta asi, kriiwe ka tiihea kai miitu maiq tiikilaq.

Acts 13:2

Tsangshiq ka Shiikeawe shomnoq, amang maq achu jaü sitlaq liipan na, “Barnabas nai Saul ka ngi miitu pong na raithü ronglaq. Tsangnai ka i jaq sham miitu, ngi raq ashong kun she,” nguta Asii Wenyi raq tsangshiq ma chongkuqto.

Acts 13:4

Asii Wenyi raq tsangnai ka traho jaqsham wa tiiwato. Krai mren, Barnabas nai Saul ka Antiok maq riita, Silisia na wato. Kra miishe, khamjong mong na sitlaq Saipras mung kiiniishe laijong maq wawanto.

Acts 15:7

Tsangshiq raq ara bomtsi khuthaq na luhea riichong phan wan lot jai she, Petar ka chap raüta, akhiishe phanchan kuq hoto, “Phunainotiim lei, i nübok maq achongkuq wan ha Tsütsa Ahea kra Pongnok phan raq mitai wan laq, raüta mikam wan laq nguta, Shiikeawe raq ngi ka nashiq phong wa aphaji niiphü tseato ngutiika namshiq raq asap han siisaq.

Acts 15:9

Shiikeawe raq nashiq nok nai tsangshiq nok liipan na, jam lai min tiikhothiq mak dea. Tsangshiq raq Shiikeawe ma kamto. Krai mren apaiq raq tsangshiq ngarai ka diikuqto.

Acts 28:15

Rom na siti phunainotiim raq naishiq watlo nguta tsütsa taito. Krai mren, tsangshiq ka Rom maq kiraüta Appijas Kejat thung nai Wanjaptiiptsam Hiq kiina saüli kiraüta naishiq ka humkito. Paul raq tsangshiq rai riihum raüta Shiikeawe ma kechu tumto. Kiimaq apaiq ma tsaiji kongtam puqshi she riito.

Acts 8:29

Asii Wenyi raq Philip ka, “Kra kumrang leng tho kiina kilaq. Laüta, apaiq thotho maq khumlaq,” nguta thaüto.

Romans 3:22

Shiikeawe raq maiqse ka, Jesuq Khristo ma kamtsantsii thü tlaq kra lümaq, apaiq rai wehea she, kechu maiqse she nguta shramtlo. Maiqse ümchu riiwa, Jesuq ma kamtsantsii thü tlaqti thun kunli ka, Shiikeawe raq apaiq rai wehea she nguta shramtlo. Jehudinok phan nai Pongnok phan maiqse liipan na, jamlai phan atiikhothiq chang min ahü she. Wiitarü adam ngarai maiqse siisaq li sitlo.

2 Thessalonians 2:2

Tatiwe saükai akhing Ranaiq ka saü wato she lii, nguta maiq bom maiqsa paja kra tai lanta, namtsan namtsii ka, naq tiimrurang rongkiq. Maiqbom tai lanta, namtsan ka motiichhii jap min naq tiichhii jap rongkiq. Jursap, maiq ashi ra raq, arka naishiq raq riisham bom maq chongto nguta, lo naishiq raq trahoke lam maq chongto nguta, lo naishiq raq lak tiiho wan kai kiijaq waiqto nguta bom ka motiipa ja min miraq.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!