Acts 10:7 - ASII LAKDAP Bible (BSI)

⁷ Raüta, rase ka wawan nongto. Kiimaq Kornelias raq apaiq jam na jaqsham damti, aluqkhap se nai wenai ka heato. Kiimaq apaiq shiililiiti kiimaq tsapkapkap maq Shiikeawe shomnoqti phenla weshi kriiri heato.

Hawa Naga Bible 2001

⁷ Kvruex raungkamx waz kuex kay wvnc yix, Korneliu rueq piq nvrc wanueyc rac piq rulc rvnvp hvt jix hez wawc nawk palx htungx tvtsanc nganc phvnc jix nolaungx washiz kuex gvl vtueq,

Muklom

⁷ Baluk o rangkamwa bara piq jamoq wantit chey ta tha jol ching wang ta, Corniluis aa ani sanga etho ashey phong ralkoltey tha halta.

Acts 10:7 Referencias Cruzadas

RAPHA HIQWA LAK 24:52

Riita Abraham jaqshise raq ara bomtre ka tai raütiishe, apaiq ka hiq nü na bum raüta Tatiwe ka shomnoqto.

Matthew 2:13

Shedong mungti wanwetiim ka wawan jai she, Tatiwe rase raq Joseph ma rawa ma maq chongkuq kito, “Herod raq noshii ka atsea ma nguta mitrit. Kriikha maq, ümchaü min tiidolaq. Laüta noshii nai nyung ka shea laüta Ejip mung na tiipaü kikiq. Kiimaq ngi raq ümniima bom michong kuqha shaq wiiwii Ejip mung niili silaq.”

Luke 2:25

Kra akhing na, Jerusalem na siti maiq weshi, amang Simeon nguta asi. Apaiq ka Shiikeawe lam phan na, tsapsaü kapse maq siwanti, kiimaq kechu maiqse ashi. Kiimaq, apaiq ka Shiikeawe raq Israilnok kra chhii kai akhing rahiq kra saütlo haü jiilei nguta, maklii khamthii maq khewantiwe riito. Kra akhing na Asii Wenyi ka akhum na ama riito.

Luke 3:14

Kiimahali, phenlanok wiijamti riimin apaiq ma waito, “Riita, shra we le, naishiq ha? Naishiq riika jamlai phan jaqsham chang wa miraq?” Kiijiishe Apaiq raq tsangshiq ma chongkuqto, “Namshiq raq ju jaq wiimin, ningkun ningkaq maq, kampho ka naq siq rongkiq. Kiimaq, kha ahü na, maiq ka naq shra rongkiq. Namshiq maiqmii laqkhaq kra phaqsiq lantli si ronglaq.”

Acts 10:6

Apaiq wandü jamti we mang ka Simon. Apaiq ka ngamkhü shati laopan we. Kiimaq apaiq jam ka khamjongraikii tho na,” nguta chongkuqto.

Acts 10:8

Raüta, apaiq ma rase raq jamlai wa chongkuqtaq, kra tsangtsam ma hali tlü chongkuqto. Raütiishe, apaiq raq tsangtsam ka Joppa chela na Petar tiiheakai tiikito.

1 Timothy 6:2

Kiimahali, Phungmaiqsetiim disetiim raq, tsangtijong wetiim ka, ümchaü kla siphu sino siisaq she nguta tiima raüta, atijong wetiim ka shipoq ra mak. Kra rii na, tsangshiq raq tsangtijong wetiim wokhong na awongsii, maiqshaq pinthum disetiim miishe jawan raa tlo. Ara jamkhano chongtiikang ngukla, tsangshiq disetiim raq jaqsham tlaq kra tsingo ka, atijong wetiim ma aliip dong tlo. Kiimaq tsangtijong wetiim ka ümchaü sanha, Khristo na lungwii phunaino siisaq she jawanto. Ara sungkhu tsiilam chongkuq tiikang thun ara lang raüta siwan miitu, ümniiraq ümnok ümbin tarü ma, phaqthak nithak maq tsii chongkuq laq.

Philemon 1:16

Apaiq ka ümchaü sanha, ümniima dise lam lamli ka riimak she. Apaiq ka Khristo na ümno shaq she jawanto. Kiimaq apaiq ka ngi ma maiqshaq pinthum ashi! Kiimaq ümniimiishe tiq ka jawa michong i! Ümniimiika awongsii dise ashi she. Kiimaq Tati mang na, ümno shaq she jawanto!

PHOWEBI 7:10

Shatmaq ümniika kra khatkai ma haisi jiila, ümjaqshise Pura kra sheaho laüta, piitiip kiina kilaq.