Acts 10:34 - ASII LAKDAP Bible (BSI)

³⁴ Kiijiishe, Petar raq bom ka akhiishe chongkuq hoto, “Shiikeawe raq maiqse angu wiitarü ka maklii ashi miili dea liikuqtlo nguta, ümchaü ngi raq tak kang she.

Hawa Naga Bible 2001

³⁴ Kvkaq Peter rueq, “Tishox rueq miq htvlx phawc thvl muq lvmz kuex majuiuc ngaz rueq vsuing tuiuz vshaungx.

Muklom

³⁴ Etho Peter aa batta, “Nga asing sam sey ang, Shkewa thaji sha arum aa siin aa.

Acts 10:34 Referencias Cruzadas

2 KAÜWA WERAÜ 19:7

Tatiwe ka shreng ronglaq. Lantea honkam shat maq jaq ka sham ronglaq. Jamkhano ngukla Tatiwe, nashiq Shiikeawe raq laopha jaqsham nai atsea atsiiqti riimakla tsiiq lap seati ka romak.”

YOBA 34:19

Apaiq raq tuwebi rai min pong mak riimakla chiithe maiqse rai pong raüta miitsan maiqse ka tiishaü mak, jamkhano ngukla wiitarü ka apaiq raq aphansang siisaq.

Matthew 22:16

Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.

Matthew 5:2

Kiimaq apaiq raq tsangshiq ma akhiishe phanchan kuq phahoto:

Luke 20:21

Ara siwebi tiikitaq ariiraq, Jesuq ma bom ka akha waito, “Shrinketi we, ümniiraq jamlai wa chong tlaü kra nai jamlai wa shrinkuq tlaü kriika tengteng dea. Naishiq raq asap hai, ümniiriika maiq sham na lii laüta, maiqse ka tiikhothiq maü phan. Tengtlaq Shiikeawe bomtsi ka maiqse miitu chongke chang sitlaq kriili chongkuq tlaü.

Acts 10:33

Kiimaq kra chongkuqtaq krai mren, ngi raq ümniika tlothit li ana tiiheaki kang. Kechu jonghea, ümniiraq tlea maü maq saü wa laü. Riita, shiilangwe lei, ümchaü min Tatiwe raq naishiq ma jamlai chongkuq wakiq ngutiiwa tiiwataq, kra taiwan miitu naishiq tarü ajaq Shiikeawe man na riitam wan kai,” nguta treto.

Acts 15:9

Shiikeawe raq nashiq nok nai tsangshiq nok liipan na, jam lai min tiikhothiq mak dea. Tsangshiq raq Shiikeawe ma kamto. Krai mren apaiq raq tsangshiq ngarai ka diikuqto.

Acts 8:35

Kiijiishe, Philip raq ara phat wantaq lakdap kiimaq phaho raüta, asii bomtsi wa Jesuq manphan Tsütsa Ahea kra tiitho tiipha she chongkuqto.

Romans 2:11

Shiikeawe raq maiqse angu kunli ka, tri raü ashi miili shin wan tlo.

Romans 3:29

Riita, shea Shiikeawe ka Jehudinok miituli nguta wa sitla? Apaiq ka Pongnok phan maiqse miitu min riimak sha? Riikhaqli, apaiq ka Pongnok phan maiqse miitu min sitlo.

Galatians 2:6

Kra akhing na, ümriiti wa phungtu thaq na, ashun asheatibi sitiikai lii nguta tiichannei rai tlaq tibi kriika, ngi raq asap man sap mang. Tsangshiq ka wela sha jarai tla, jamak wa kriika, ngi ma jamlai akhek riimak. Shiikeawe raq, maiqse ka asham na lii raüta, maiqshaq nai maiqkhü ngutiika chechiip mak. Kriika, tsangshiq welabi nguta sitlaq kra ngo nangnga ngutiikang. Kiitiikaq, kra chong tiikang welabi raq, ngi ma jamlai phan anye sungkhu tsiilam chongke wan, akhiijo ihiq jo nguta, ngi ma jam min chongkuq mak dea.

Ephesians 6:9

Kiimaq namshiq atijong wetiim riimin, tsangshiq raq namshiq jamkho shreng tlaq, kiimaq shiililii tlaq, kra khankhan sii hali, namshiq riimin mangchan ronglaq. Kiimaq tiiphiip miijiip, tiihai miichhai kiqla hiip-hii ka naq riirongkiq. Namshiq raq tsan na tiitsang shat ronglaq, namshiq atijong wetiim nai namshiq disetiim ka, ramungtan na nga raüta kha photi we namshiq ma taro, Tatiwe kra rii siisaq sitlan. Apaiq raq wiitarü ka kappe ashi miili she mishin.

TRI CHONGKE 1:17

kha pho kuq tlan na, jurai jiimin lopdam maimak. Maiq loweatek ma kha ka tri kappe ashi miili shin ratlo. Khahoti nai ashokti ka juwe riiklo. Ju miimin naqhai rongkiq. Jamkhano ngukla namshiq raq kha tankuq tlan kriika Shiikeawe raq kuqtlo. Kiimaq kha tsinhea namshiq raq phokuq lot man chang she raüla, kriika ana ngi phana lam wan lili ronglaq. Kriika ngi raq mipho kuqha.’

TRI CHONGKE 10:17

Tatiwe namshiq Shiikeawe ka phra thun wiita tlotli thaq na ajong pinthum kiimaq ningkun thun ümchuwa sitlaq kra tlotli thaq na ajong pinthum. Apaiq ka jonghea kiimaq apaiq ningkun ka henghea. Krai mren, apaiq miika ahai chang dongdii. Apaiq riika ju miimin lopki mak phan. Kiimaq apaiq raq tsiiqlap ka siq mak phan.

TRI CHONGKE 16:19

Tsangshiq raq kha ka ashut phoke maimak. Kiimaq tsangshiq kha pho kuq tlaq kra jurai min lop kai dam maimak. Kiimaq tsangshiq raq tsiiqlap jaü sea raamak. Jamkhano ngukla tsiiqlap riika taksu maiqse nai tingting maiqse mak kriimin atiichuk riibaiqtlo. Raüta tsangshiq riimin kha ka ashut she mipho kuq.

Colossians 3:11

Riita, arka pum anye miishe songkuq tlaq krai mren, ümchaü sanha, Pongnok phan maiqse nai Jehudinok phan liipan na lo, kiimaq athohanjeti lo, atho hanhüti lo, pongnok pongta phan lo, tawesang phan lo, di ama lo, kiimaq akimiikiim phan lo, arthun ara liipan na, ajong phan, aran phan nguta jamlai tiikhothiq kai chang min ahü she. Shatmaq, namshiq wiitarü khum na, Khristo sitlaq kriili she hongjiiq. Apaiq ka namshiq rilung na asi jiika hongjiiq she. Khristo kli wiitarü, kiimaq Khristo ka wiitarü khum na sitlo.

Colossians 3:25

Kiimaq abi ati kiimungti ümchuwa sitlaq kriika, apaiq raq jamlai wa ajiq klo tlaq, kra miitu jaq maq milap. Ara jamkhano chongtiikang ngukla, Shiikeawe raq maiqse angu wiitarü ka, tok ashi miili shin tlo.

James 2:1

Lungwii phunaino Phungmaiqsetiim lei, namshiq ka nashiq Tatiwe Jesuq Khristo, achhai anyii Tatiwe ma pharangrang maq kamwanti maiqsetiim nguta sitlan. Krai mren, namshiq raq maiqse ka rakhütsiri na, tsangshiq sham na liilanta, arka ajong, arka chiithe lüwa, kiimaq arka thümsaü litse nguta, naq tseatsiiq rongkiq.

James 2:4

Riita, namshiq raq maiqmii liipan na akha riitseatsiiq han jiika, maiq tiikhothiq ngarai tang tlan riimak sha? Akha maiq tiikhothiq tlan arka, maiq nai maiq liipan na tok ajiq maq shin lam niishe misupwa.

James 2:9

Shatmaq, namshiq raq nanok ka rakhütsiri na liilantli, tseatsiiq han jiila, namshiq ka ngarai tangtibi ma mija han. Thungtri raq namshiq ka tri jintibi nguta mitiishut.

1 Peter 1:17

Namshiq raq achu jaü tlan na Shiikeawe nangnga, “I We lei,” nguta riibom tlan. Apaiq raq maiqse angu wiitarü ma, mren mra maq shin kuq tlo. Maiqse pum loweatek raq, maiqmii raq jaq maq jamkho Shiikeawe lamphan ka shiithuk rai tlaq, kra tiiphanphan phokuq tlo. Arkha maq, namshiq ka mangjong hiq na ümchu ranaiq wa sithü tlan, kra liipan na Shiikeawe ma haisong tsantsii rümshat maq shonga lanta sironglaq.