Acts 1:15 - ASII LAKDAP Bible (BSI)

¹⁵ Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Hawa Naga Bible 2001

¹⁵ Mtanc httvmx muq nuex kvmluimx jix miqsaz 120 tanc rvtuimx wuez yaq nuex, Peter kuex bomjungc tvkoc kvtenc jvp tueq.

Muklom

¹⁵ Eshi neynap tho, shashey rokni uhantey miq thajoq ta, etho Peter shat eq raaq batta.

Acts 1:15 Referencias Cruzadas

Matthew 13:31

Kiimahali Jesuq raq tsangshiq ma shiiton ashi maq hali chongkuq nongto: “Ramungtan ngutlaq arka akha. Bom shiiton maiq weshi raq jücha raise raishi ka tsun raüta wak na wankito ngu i.

Luke 22:32

Shatmaq, ümkam tsantsii kra chhan mak chang miitu, ngi raq ümniimiitu achu jaü kang she. Kiimaq, ümtiikiiwa ümniika, ngi phana hali mijang wan nong haü, kiitiikaq ümniiraq ümphu ümnobi thun tsaiji kra mido kuq haü.”

John 14:12

Ngi raq chongtiikang arka tengteng: Jurwa ngi ma kam tlaq, kriiti riika, i jai phan phan, awang chang jaq misham wan. Kriika tengteng. Apaiq riika, i jaqsham thaq niimin, ajong lin she misham wan. Ara jamkhano chongtiikang ngukla, ngi ka i We pha niishe wawan tiikang.

John 21:23

Krai mren, Jesuq jai phantibi liipan na, ara jaqshise arka tsai mak miraq ngutiishe, bom ka parai wanto. Shatmaq, Jesuq riika, apaiq ka tsaimak miraq ngutiika ngu mak dea. “Ngi raq apaiq ka ngi saükai akhing na saüli atrali misi laq nguta thikang lo, kriika ümniima jamlai wa raa ta?” ngutli nguto.

Acts 10:23

Kiijiishe, Petar raq wanwetiim ka jam na düwa rongkiq nguta heato. Kiimaq kra rawa ka kiijiili jap ronglaq nguta tsangtsam ka tiiwinto. Raütiishe anap miishe, apaiq ka tiije raüta, tsangtsam rai wawan damto. Kiimaq Joppa chela wa phunai notiim wiijamti min apaiq rai wadamto.

Acts 11:1

Kiimwebi nai Judia wang na siti kamasham maiqsetiim thun raq, Pongnok phan maiqse riimin, Shiikeawe bomtsi ka lap wanto she nguta tsütsa ka taito.

Acts 11:12

Kiijiishe, Asii Wenyi raq ngi ka tsangshiq rai Sisiria na wadam miitu, naqkan kop kiq nguta thaüto. Riita ara chongtiikang arai mren, ümchaü arjaq ngi rai kongshi ngatlaq kamasham maiqsetiim tsangtsam wetrok kriimin, ngi rai kongshi miishe Sisiria chela na wawankai. Kiimaq naishiq tarü ka Kornelias jam niishe düwakai.

Acts 11:26

Apaiq ka Saul rai riihum raüta sanha, apaiq raq Saul ka Antiok chela niishe sheahoto. Raüta, tsangnai wiita adam miishe, phungtuti rai wiitang wiishi sidam raüta, maiq pahea ma Shiikeawe bomtsi shrinkuqto. Antiok chela maq, kamasham maiqsetiim ka Khristan nguta mang phahoto.

Acts 11:29

Kra tai raütiishe, Jesuq jaiphanti setiim raq, Judia wang na siti kamasham maiqse phunainotiim ma khrumke miitu, tsangshiq loweatek raq maiqmii rii tiithithi maq pheke jaqmiiq mihi rong i nguta bom ka riichongto.

Acts 12:17

Apaiq raq tsangshiq ma ajaq maq nam raüta, ajong maq naq bom rongkiq nguta chongto. Raüta, Shiikeawe raq apaiq ka jamkho phaqtek mong wa tiichhii kuq wantaq kra tsangshiq ma chongto. “Ara tsütsa arka Jakob nai phunainotiim ahinti miiri tiitai ronglaq” nguta apaiq raq tsangshiq ma chong kuqto. Raüta, apaiq ka kiimaq ahin niishe kihoto.

Acts 14:2

Shatmaq, Jehudinok phong wa maiq wiijamti Jesuq ma kamwan makti raq, Pongnok phan maiqse ma raikao tat raüta, phungmaiqsetiim khuthaq na tiishuk shaqto.

Acts 15:1

Maiq wiijamti Judia wang wa Antiok na waraüta, phunainotiim ma traho bomtsi ka akha shrinkuqto, “Namshiq raq Mosheq Thungtri na chongtlaq kra phan phan, athohan poi ka lang man wiiwii, Shiikeawe raq nam khum ka tiichhii kuq mak miraq.”

Acts 15:3

Tsangshiq ka phungtuti raq tiikito. Tsangshiq ka akai lam maq, Phonesia nai Samaria wang lam maq kihoto. Kiimaq tsangshiq ma Pongnok phan raq Shiikeawe ma kamwantaq tsütsa kra tiitai chongkuq hoto. Kra tsütsa ka tairaüta, phunainotiim kunli ka kai khoqriiqto.

Acts 16:2

Listra nai Ikoniam chela na siti phunainotiim tarü ka apaiq mang tsaki wanti siisaq riito.

Acts 16:40

Kiimaq, Paul nai Silas ka phaqtek mong wa dong wan raütiishe, Lidia jam na wato. Kiijaq phunainotiim rai riihumto. Raüta, tsangshiq ma tsaido jido bomtsi chongkuq thü raütiishe, tsangnai ka kra chela maq ahin niishe tiido wanto.

Acts 17:10

Kra rajili she, ranyaqto angu niishe, phunainotiim raq Paul nai Silas ka Berea chela niishe sheathü kito. Riita tsangshiq ka Berea na saü wan raüta, sinagok na kito.

Acts 17:14

Kra thohe raütiishe, phunainotiim raq Paul ka khamjong raikii na tiishea thükito. Shatmaq, Silas nai Timothi ka Berea niili khingkito.

Acts 17:6

Shatmaq, tsangshiq raq tsangnai ka hum mak dea riito. Kriikha miishe, jamchongti we Jason nai phunainotiim wiijamti ka krun krun she hit-ho raüta, kra chela hupkhang wanti welabi man na hithoto. Raüta, “Arwetiim raq barap binrii na mung wiita brak shaq baiq wanto! Raüta ümchaü ka nashiq chela niishe saü wato.

Acts 18:18

Paul ka kra jai miimin Korin na siti phunainotiim rai rahiq aluwiq hali sithü damto. Raütiishe Prisila nai Akoila rai kongshi maq, Siria wang niishe laijong maq kihoto. Raüta, Kenkrea na saüto. Kenkrea maq mitiidoho shaq na, Paul raq sinkiitiq bomkham athü raükha kra shiikhoi diibaiq miitu akhu ka tiisito.

Acts 18:27

Ephisia na trahokuqlot raütiishe, Apolo raq apaiq ka Akaia wang na wachang nguta thapthito. Krai mren she, Ephisia na siti phunainotiim raq Akaia wangti phunainotiim ma, apaiq ka samheawiq maq tao wan raü jaq ahea miraq nguta, lak ashi waiq raüta tiiho wanto. Apaiq ka Akaia wang na saü wan raütiishe, kiijaq siti Shiikeawe lungwiitsii wokhong maq Jesuq ma kamwantiiti ma jaqsham jonghea khrum kuq wanto.

Acts 21:17

Naishiq ka Jerusalem niishe saü wan kaita, kiiwa phunainotiim raq naishiq ka khoqriiq shishiiq maq taoto.

Acts 21:20

Tsangshiq raq ara tsütsa ka tai raüta Shiikeawe ka tiitsam kamto. Raüta, tsangshiq raq apaiq ma chongto, “Phuno we Paul lei, Jerusalem wa maiq pahea ahing ahing she phung na shang wanto. Kriika ümniiriimin asap haü. Kiimaq tsangshiq ka nashiq Jehudinok Thungtri ka jaqkhon tiipha raüta atsin maq lang wanti siisaq.

Acts 21:7

Naishiq ka Tajar chela maq laijong maq kiho nong laita hali, Tolemais chela niishe saükikai. Kiijaq phunainotiim rai riihum hokai. Kiimaq tsangshiq rai ranaiq shi haiho dam kai.

Acts 22:5

Ara ngi raq bom chong tiikang arka tengto dea nguta, Ramwe Ajong Pinthum we nai Jehudinok Rung welabi tarü raq asap. Tsangshiq raq nashiq nok Damaskas chela na siti welabi ma, lak waiq raüta, i jaq na tiiho wanto. Krai mren, ngi ka ara chongtiikai Lamjong ara phan wantibi maiqse angu thun kra Damaskas chela wa lap wa lata, tsangshiq ka kharü maq khaho lata, ara Jerusalem chela na hitho ma nguta, kiimaq tsangshiq ka Rung welabi raq kharü maq kha raüta mitiichamchao laq nguta, tsangshiq lap wa kiina wawan kang.

Acts 28:14

Naishiq raq kra chela na phunainotiim wiijamti asi riihum wankai. Tsangshiq raq naishiq ka tsangshiq rai chepat shi haithü ronglaq nguta tiiwinto. Kiimaq kra laitiishe naishiq ka Rom chela niishe saü wan kai.

1 Corinthians 15:6

Kra jai miishe, apaiq ka, apaiq jaiphan wanti asengi shibiingi pat rai she lakshi kai niili riihum kito. Tsangshiq phong wa maiq ka ümchaü min apako dea atra asi. Maiq wiijamti riiwe kla atsai kaiwi she.

Revelation 11:13

Kra tsangnai wawan ri, tlothit li she henghea langlang hiqjong muto. Kra hiqmu raq chela ka manroqshi khu wa manshi rii ka tiithen baiqto. Kiimaq, maiq ka hingmiishi jiimto. Kiiwa chantlaq maiqse angu thun ka, kai phiip raq tsaito. Raüta, tsangshiq raq ramungtan wa Shiikeawe ningkun jonglu kra chhi raüta, apaiq ka tiitsamto.

Revelation 3:4

Shatmaq, namshiq Sardis na siti Phungmaiqsetiim liipan wa maiq wiijamti ka asii sitlan. Namshiq asii maq siwantibi ka, ngi rai adam na khealü miirii sam lanta misi wan dam han. Jamkhano ngukla, namshiq ka wenyi na awongsii maiqshaq sitlan.