2 SAMUEL 9:3 - ASII LAKDAP Bible (BSI)

³ Kiijiishe hokhamwe raq apaiq ma waito, “Saul tahii jamti wa maiq weshi ra atiichong asi shea? Asi jiika kriiti ma ngi raq lungwiitsii mitiichhi kuqha nguta Shiikeawe ma kiqkham kang kra tsapkapkap maq tiichhike ro tiikang.” Kiijiishe Jiba raq treto, “Jonathan setiim phong wa weshi dea asi. Apaiq ka hokkü.”

Hawa Naga Bible 2001

³ Hokhvmx waz rueq piq muex ngoc, “Ngaz rueq shuimx shaungx ngoz tueq Tishox muex bomkhvmc kuq tauk rulc rv-ngvlc, tvmtuing maq menjenc lvmz ngaz rueq tvkhic kuy muex, Sholu yuimx wuinz wawc washiz tanc kvjungx muq doc haz?” ngoz tueq wiz tueq. Ziba rueq, “Yonathan saz washiz kvjungx yaq. Piq kuex vyaz vbac,” ngoz tueq jungx tvralc tueq.

2 SAMUEL 9:3 Referencias Cruzadas

2 SAMUEL 19:26

Apaiq raq treto, “Chaü lei, ümniiriiri ngi ka akü ashiiti nguta asap haü. Ngi raq ijaqshise ma kumtoq kaü raikhü na ngachang tiihong laq, ngi min ümniirai adam kaiho ma nguta atiima hawa, apaiq raq ngi ka tiishaü baiqto.

2 SAMUEL 19:27

Chaü lei, apaiq raq ngi ka ümniima atrot she riihoto. Shatmaq ümniika rase ikha. Kra ningkhan ümtsan na jamlai wa athuk nguta tiima tlaü kra phan phan thapthi liina.

2 SAMUEL 4:4

Kiimahali Saul ma asaü pat wiishe maiq weshi mang ka Mephibosheth. Apaiq ka Jonathan se. Apaiq ka awe Jonathan nai ati Saul tsaitaq akhing na nonose wiibiingi maiq riito. Riita tsangshiq tsaikai tsütsa ka Jejreel hiq wa tai raüta, apaiq boqti nyung raq no ka dopot raüta juto. Shatmaq noboqti nyung ka ataülaü kha maq, no ka hiq na tiidea ratto. Kriikha na apaiq ka hokkü miishe jakito.

2 SAMUEL 9:13

Krai mren she dea, Mephibosheth, ahok hokko naita aküwe ka, arilung pattup Jerusalem niili she siraüta, hokhamwe tashongkhok na ngashat maq tü adung ka phaqsiqto.

2 SAMUEL 9:7

“Ümniika naqhaikiq,” nguta Dawit raq treto. “Ngi raq ümwe Jonathan mang na ümniima mangchan mitiichhikuqha. Ngi raq ümti Saul tachong hupsam wak ajam thun ka ümniima mijangkuq kang. Kiimaq ümniika ngi rai adam na phaqsea wan kilü tiidishat miraq.”

Luke 6:36

Nam We Shiikeawe ka mangchan kaü. Krai mren, namshiq min mangchan rüm lanta si ronglaq.”

TRI CHONGKE 10:15

Shatmaq namtitiim miitu Tatiwe lungwiitsii ka pinthum jonghea kha maq, nanok maiq mung ahinti ka tsea wan la na apaiq raq namshiq ka tseatsiiq wanto. Krai mren, ümchaü li jiimin namshiq ka apaiq raq atsea wan asenginok sitlan.

TRI CHONGKE 4:37

Apaiq raq namtitiim kra lungwii kha maq, apaiq raq namshiq ka tseatsiiq wanto. Kiimaq apaiq ningkun aheng kriimaq apaiq raq apumsii maq kiraüta namshiq ka Ejip mung kriiwa tsuq wanto.