2 SAMUEL 7:16 - ASII LAKDAP Bible (BSI)

¹⁶ Ümchangkhü songwanti ümsaü ümsetiim ka maiqpat aweatek na, siruq miraq. Kiimaq ngi raq üm mungtan ka ümtiikiimin thumki mak phan she mitiija wanha. Kiimaq ümweraü phan raq mung peng wan jaqsham ka ümtiikiimin thummak phan miraq.’”

Hawa Naga Bible 2001

¹⁶ Msuiuz msaz hez kuex mkaq muinz httax wvnc vtueq, mmungtan kuex ngaz rueq tvsuip nuex httuiuc laz pattup tv-phaungx ngaungx shaungx. Mnoz hokhvmx daungraungc kuex mkaq muinz htumx kaz tuex rvmuq,’ ” ngoz tueq jungx tueq.

2 SAMUEL 7:16 Referencias Cruzadas

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

2 SAMUEL 22:51

Shiikeawe raq apaiq raq ashong hokhamwe ma, rekhat jonghea tiitang kuqtlo; apaiq raq tsea raüta, ashong wanwe kiima, tiipit mak lungwiitsii tiichhikuqtlo, Dawit nai asaü asetiim ma, pattup pat-sa lungwii riimtlo.

2 SAMUEL 7:13

Apaiq riitiq ngi miitu shomjam ashi mihai wan. Kiimaq ngi raq apaiq weraü ka pattup pat-sa thummak maq siwan raüta mung peng wan miitu she mirüm wanha.

2 SAMUEL 7:17

Nathan raq Dawit ma Shiikeawe raq apaiq riisham mak maq tiichhikuqtaq thun ka wiita chongkuqto.

1 HOKHVMX 2:4

Ümniiraq apaiq aming thun kra lang haü jiila, Tatiwe raq ngi ma apaiq kiq kham raüpot khakuqtaq kra wiita mitiiku kuq wan. Apaiq raq ngi ma akha chongto isaü isetiim pat niimin tsangshiq raq apaiq aming thun kra tsang rakrak maq kiimaq tsapkapkap maq tsangshiq tsan nai mongjii kiimaq tsaiji wiita kuq raüta lang wan raüla, tsangshiq raq Israil mung ka siq wan ruq miraq nguta chongto.

1 HOKHVMX 9:5

Ngi raq ümwe Dawit ma, Israil mung ka pattup miitu maiqpat tek na ümsaütiim phong wa maiq weshi ka hokham ma jawan ruq raüta mung ka misiq wan nguta kiqkham kongphiq raüpot khakuq kang kra tiihong kuq wan ruq mirha.

2 HOKHVMX 19:34

Ngi raq ara chela ka mitiiwongha. Lata re jaq wa mitiichhiiha. Arka ikhushü tiijonong wan miitu. Kiimaq Ngi raq ijaqshise Dawit ma ikiq kham kuq kang kra miitu.’”

2 HOKHVMX 8:19

Shatmaq Tatiwe ka Juda mung ka tiithenbaiq romak riito. Jamkhano ngukla apaiq raq Dawit ma, apaiq saüse phan wa maiq pat tek na hokham jawan ruq raüta mung misiq wan nguta kiqkham thüje riito.

2 KAÜWA WERAÜ 6:16

Riita ümchaü min, Tatiwe Israilnok Shiikeawe lei, ümniiraq iwe ma kiqkham raüpot ashi hali khakuq laü, apaiq raq jamkho ümniiraq akuq haü Thungtri Raütu ka tsapkapkap maq lang wantaq kiikha tsangshiq riimin langwan ruq riihaüla, asaü asetiim phong kiiwa maiq pat tek na weshi ka Israilnok mung thaq na hokham ma shong wan ruq mirha nguta khamkuq laü kra bomtsi kriiri tiikupi kuq laq.

YOBA 36:7

Apaiq raq kechu maiqsetiim ka tiikhup wongkuqtlo; apaiq raq tsangshiq ka hokhambi ikha mung tiisiqtlo raüta tsangshiq khushü ka pattup tiijongtlo.

Tvtsvmc 45:6

Shiikeawe raq ümniima mungtan kuqtaq kra pattup pat-sa thummak mitsing wan. Ümniiraq ümsengi ka tingting tri maq peng wan tlaü;

Tvtsvmc 72:5

Ümsenginok raq ümniika rashe kiishat wiiwii shomnoq ruq mirlaq, kiimaq jipi lishat wiiwii, maiqpat ümchuwa saü wantlaq kra raq noq wan ruq mirlaq.

Tvtsvmc 89:4

‘Ümsaü ümse phan wa weshi ka maiqpattek hokham ma shongwan ruq miraq; Ngi raq ümweraü ka pattup pat-sa chhintsii ruq mirha.’”

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 17:25

Atinkhan shreng raüta tsang hokhambi thun nai tuwejongbi thun raq ara Jerusalem chela kilamchong thun lam maq chela mong na minyap wan. Kiimaq Dawit raq jamkho hokham ningkun arang horaüta mung pengtaq kiikha tsangshiq riimin mung mipeng wanlot. Juda mungti mungmaiqse nai Jerusalemti rai adam maq tsangshiq ka kumrang leng thaq na chao raüta kiimaq kumrang thaq na chao raüta mikhum. Kiimaq Jerusalem chela ka wranaiqshe maiq phong riili she mima wan.

JEREMIA 33:17

Ngi, Tatiwe raq kiq kham tiikang, Dawit weraü phan wa pattup maiq weshi ka Israil mung peng wanti hokham ma shong wan ruq miraq.

EJEKIEL 37:25

Raüta tsangshiq ka Ngi raq ijaqshise Jakob ma akuqha mung, tsangtitiim siwan chang hiqchü rachü mung kiijiishe mishong nga wan. Kiijaq tsangshiq ka pattup pat-sa she mishong nga wan. Krai mren, tsang setiim kiimaq tsang saütiim ka misi wan. Ijaqshise Dawit raq jamkho mung peng wantaq kiikha hokham weshi raq tsangshiq ka pattup pat-sa she mipeng wan.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

Matthew 16:18

Kriikha maq, ümchaü ngi raq ümniima chongtiikang; ümniika Petar. Ümniika longkaü she. Kiimaq ara longkaü arthaq na, ngi raq i phungtu ka mishong wan ha. Kiimaq ara phungtu shong tiikang arka atsai ningkun raq dongdii min tiimeshi lot mak miraq.

John 12:34

Kra tai raütiishe, “Nashiq Thungtri na Khristo ka pattup misi nguta chongtlo ihata. Shatmaq, ümniiriika Maiq Se ka ra na tsom chang dongdii miraq ngutiika jamkho ngutlaü? Riita, ara Maiq Se ngutlaü arka juwa?” nguta mungmaiqse phong thung tlaq kriiraq Jesuq ma bom ka waito.

Hebrews 1:8

Shatmaq tiina Shiikeawe raq Ase miitu bom ka akha chongto: “O Shiikeawe lei, ümniiraq ümhokham jaqsham tlaü kriika, pattup pat-sa mitsing wan! Ümniiraq ümsengi mungmaiqse ka, tingting tri raütu sham laüta peng tlaü.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

1 SAMUEL 25:28

Shiilangwe lei, ngi raq shutphit kang la jiila, i mra ka adii riikuq laq. Tatiwe raq ümniika hokham ma mishong wan, kiimaq ümsaü ümsetiim kiimin hokhambi ma mishong wan. Jamkhano ngukla, ümniika Tatiwe miitu rekhat tlaü. Kiimaq ümniiriika ajiq aphiq jaqsham ka klomaü.