2 SAMUEL 5:7 - ASII LAKDAP Bible (BSI)

⁷ Shatmaq Dawit raq Jajon chela kiitelong maq rukje kra khat raüta jiiwanto. Krai mren, kra chela ka “Dawit chela” ngutiishe mangto.

Hawa Naga Bible 2001

⁷ (Yuq muinz Dawid rueq tsuingshiq Zion nolaungx ghaqshungc kuex khvt taungx gay koq tueq, kvruex ngoc “Dawid Ghaqyungx” ngoz tueq muingc tueq.)

2 SAMUEL 5:7 Referencias Cruzadas

2 SAMUEL 5:8

Kra ranaiq Dawit raq asengi ma akha nguto, “Riita ngi raq Jebusaiqnok ka jamkho saisi tiikang kiikhiisii saisiti maiq arjaq asi shea? Raüta tsangshiq ka jiipbaiqti asi shea? Asi jiila, khamlam hiqsha lükaü mong kriimaq düwan lanta kra makchuk jaqkü kong kra khatwa rongkiq.” (Kra ningkhan tiina, “Makchuk jaqküti thun ka, Tati jam mong na nyap wa lot mak,”) ngutiishe bom chong sikitaq kra.

2 SAMUEL 5:9

Kra kiitelong maq aruk hiq kra jiiwan jai she, Dawit ka kiijiishe siwanto. Raüta kra chela ka, “Dawit Chela,” ngutiishe mangto. Apaiq raq chela ka kra tro na tei wanto. Kriika külase kriimaq shedong nünü siim na hiq tiima phongtaq ba kriimaq tiichap phawan raüta haipha wanto.

2 SAMUEL 6:10

Krai mren, apaiq raq Tongshong Tek ka apaiq rai Jerusalem na piwan mang li nguta thapthito. Krai mren, apaiq ka lamphai nü kiiniishe kiho raüta, Tongshong Tek ka Gath chela na sitiwe, Obed Edom jam kiijiishe thü wanto.

2 SAMUEL 6:12

Hokhamwe Dawit raq Tongshong Tek ka Obed Edom tajam na si kha maq Tatiwe raq Obed Edom tahii ka pinthum achu shiiman kuqto kiimaq tsangshiq raq jamlai phan wa rümtlaq kra wiita shiiman kuqto nguta tsütsa ka taito. Kra ningkhan apaiq raq Tongshong Tek ka Obed Edom tahii jam wa Jerusalem chela niishe pinthum poi jonghea klo raüta lamkito.

2 SAMUEL 6:16

Tongshong Tek ka chela mong niishe saü wanto. Kra Saul se Maikel Dawit tanyung raq jam rathong kitan pu maq liikiita, Hokhamwe Dawit ka tro tri asii ramram awiinumsea adoq haha chhito. Kra chhi raüta, apaiq tsan mong na Dawit ma pinthum shummii siqto.

1 HOKHVMX 2:10

Dawit ka tsaito. Raüta apaiq maa ka Dawit chela na lapto.

1 HOKHVMX 3:1

Solomon raq Ejip mung hokhamwe se kra lam raüta apaiq rai reraüshi riijato. Apaiq raq tsangnyung ka shea wanto. Raüta apaiq raq hokham jam kra, Shomjam kra kiimaq Jerusalem chela tro ruk kra mihailot shaq wiiwii tsangnyung ka Dawit chela niili tiisito.

1 HOKHVMX 8:1

Kiijiishe Hokhamwe Solomon raq Israilnok maiq phan tlotli wa welabi thun ka wiita kiimaq Israilnok maiq aweraü thun tlotli wa phukhu welabi thun ka wiita apaiq phana Jerusalem na kairaa nguta aming kuqto. Kriika Tatiwe Tongshong Tek kaü ka Dawit chela wa Shomjam mong na pikai miitu tiithungto.

1 HOKHVMX 9:24

Solomon raq Jerusalem chela wa shedong nü ba ka hiq phong raüta tiimato. Arka achak Ejip mung hokhamwe se lamtaq kra Dawit chela maq Jerusalem chela na Solomon raq tsangnyung ma hokham jam haikuqtaq kriijaq siwan jaishetiq hiq ka tiima phongto.

1 KAÜWA WERAÜ 11:7

Dawit ka kra chela peruk weshaü mong na siwan kha maq, kra chela mang ka “Dawit Chela” ngutiishe mangto.

2 KAÜWA WERAÜ 24:16

Apaiq raq Israilnok mungmaiqse miitu, Shiikeawe miitu, kiimaq Shomjam miitu jaq shamtaq kra ningkhan shreng manto tiichhi tsangshiq raq amaa ka Dawit Chela na hokhambi maalap chiim na lapto.

2 KAÜWA WERAÜ 5:2

Raütiishe Hokhamwe Solomon raq Israil mung wa maiq aphan aphan khuthaq welabi thun nai aweraü khuthaq awelabi thun ka Jerusalem na ngongthun raa, Tatiwe Tongshong Tek ka Dawit chela Jajon wa Shomjam na pikai ma nguta tiichongto.

NEHEMIA 3:15

Kiimahali, Mijpa wang pengti Kolhoje se Shollum riika, Khamdü Kilamchong ba kra tiihea haito. Apaiq raq Kilamchong lam kra tiiham wandamto. Raüta kilü ka tiihea haito. Raüta kilü ka kilüchü tiihong chang ba kiijaq riikhaqli tiihong hainongto. Raüta kilü tiipha chang jinpan maq keabaiqto. Kiimaq kilü lachang jinpan thun tiihongto. Apaiq riika Shela Thamchum ba maq phaho raüta, hokham petsiro sonruk na saüli tiiham raüta, Dawit Chela ngutlaq hiq ba maq maiqkhum chang long hiqkhuphi lam kiijaq saüli tiihea haito.

Tvtsvmc 132:13

Tati raq Jajon ka tsea wanto she; apaiq raq kra ajam ma tiija wanro; apaiq raq akha nguto:

Tvtsvmc 2:6

“Jajon kin, ngi ma asii kin na ngi raq ihokhamwe ka shongkang,” nguta apaiq raq ngutlo.

Tvtsvmc 48:12

Shiikeawe senginok lei, Jajon chela tro na khum ronglaq lanta kinkhe chang kongmong chong thun kra wea ronglaq;

Tvtsvmc 48:3

Shiikeawe raq tiichhikuqto apaiq rai si ka hansang kra chela ruk mong na.

Tvtsvmc 51:18

O Shiikeawe lei, Jajon ka mangchanlaq laüta khrumlaq; Jerusalem ruk thun ka tiihea haikuqlaq.

Tvtsvmc 87:2

Israil mung na chela thun kunli thaq na, apaiq raq Jerusalem chela ka pinthum lungwiitlo.

Tvtsvmc 9:11

Tatiwe tiitsamkam shi ronglaq, apaiq raq Jajon chela maq pentlo! Apaiq raq jamlai jaq wa shamtaq kra mungtek ma chongrong laq!

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 59:20

Tatiwe raq asenginok ma ngutlo, “Ngi ka namshiq tiichhiikai Jerusalem na mikiha. Kiimaq namshiq phong wa ümchu riiwa ngarai baiqthü lantea iwokhong na nyap wan tlan, kriiti thun ka kun kun mitiichhii kuqha.

JEREMIA 21:13

Jerusalem lei, ümniika hiq thung tan na longkaü jonghea adii min luhea kaü ra na düwantlaq ikha ngatlaü. Shatmaq Ngi raq ümniika mikhat-ha. Ümniika lachong dokdok, ümnaq khatti maiq ka jumin ahü nguta tsütsit tlaü. Kiimaq ümperuk mong niika rewe nyapwalot mak nguta tsütsit tlaü.

Mikha 4:2

Kiimaq tsangshiqnok raq mingu, “Tatiwe hiqlam kiina warong i, Israilnok Shiikeawe Shomjam kiina warong i. Apaiq raq nashiq ma, apaiq wokhong na siwan, rilung lam mishrin kuq. Krai mren nashiq ka apaiq, lam miphan wan rong i. Jamkhano nguhaüla, Tatiwe lamphan tri ka Jerusalem ma midong, kiimaq apaiq raq Jajon maq asengi ma tsü chongkuqtlo.”

Romans 9:33

Tsangshiq tiithap rai wantaq longkaü miitu ka, Asii bomtsi na Shiikeawe raq akha chongkuq wantaq ara phan phan tiithap rai wan tlo: “Liirong laq, ngi raq Jajon hiq na longkaü ashi tiibum tiikang. Ara longkaü na maiq mitiithap wan. Ara longkaü ajong arjaq tiitaü rai wan raüta, tsangshiq ka akii ashii miishe mija wan. Shatmaq, jurwa apaiq ma kamtlaq, kriiti miika apaiq raq jea tiingaü mak she miraq.”

Hebrews 12:22

Shatmaq, ümchaü sanha, namshiq ka Jajon pum na, kiimaq atra Shiikeawe sichang chela ramungtan Jerusalem na, ahing amun rasetiim sitlaq, kiijiishe saü wan tlan.

Revelation 14:1

Kiijiishe, ngi raq liinong kang. Liikangta, Skuse ka Jajon Hiqlam na chap raü chhikang. Apaiq rai maiq phong ka 144, 000 asi. Tsangshiq ka, tsangshiq khakam na apaiq mang nai Awe mang tiiwaiq jeti thun kra riito.