2 SAMUEL 4:8 - ASII LAKDAP Bible (BSI)

⁸ Raüta tsangnai raq maiq khupo ka Hokhamwe Dawit ma Hebron chela kiijaq kuq wato. Kiimaq apaiq ma akha chongto, “Arjaq ara ümnaq tseabaiq tankhantiwe Saul se Ishbosheth khupo. Ümchaü ranaiq Tati raq, Chaü lei, ümniima Saul nai asaü asetiim khuthaq na üm phuk she lamkuqto.”

Hawa Naga Bible 2001

⁸ Tsuingnueyc rueq Hebron nuex httax yaq Dawid kox nuex kvruex khux poz kuex lekuq vtueq piq muex ngoc, “Vruex kuex mthvy dvnc yaq mralx waz Sholu saz Eshboshet khux poz rvtueq. Sholu nuiyc vsuiuz vsaz hez muex murx tvyez kuy tvkoc Yehowa rueq majuiuc raungnuiyq Taungjix hokhvmx waz muex kuq kv-phux shex,” ngoz tueq jungx tueq.

2 SAMUEL 4:8 Referencias Cruzadas

2 SAMUEL 18:19

Kiijiishe Jadok se Ahimaaj raq Joab ma nguto, “Ngi ka julata hokhamwe ma Tatiwe raq apaiq chiqse rewe maklii wa tiichhii kuqto she nguta tsütsa ahea ara tiitai chong wapha.”

2 SAMUEL 18:31

Kiijiishe Sudan mungti dise kriishe saü wato. Raüta apaiq raq hokhamwe ma nguto, “Ngi raq Chaü ma, tiitai chang tsütsa ahea asi! Ümchaü ranaiq Tatiwe raq üm hokham ngachang jiitibi thun ka tiitang kuqto she!”

2 SAMUEL 2:8

Saul hokham phentuwe Ner se Abnar ka Saul se Ishbosheth rai kongshi maq Jordan rai re na Mahanaim chela na juto.

2 SAMUEL 22:48

Apaiq raq ijaqti thun ka ngi ma, tiitang kuqtlo; apaiq raq maiq mung thun, ipuk na siisaq she tiishang wanto.

Tvtsvmc 71:24

Ngi raq ümnaq kechu ka ranaiq minru michongkuqha, jamkhano ngukla idü na jaqmiiqlai nguta tankhanti thun ka wiita tiideabaiq wan laü kiimaq tsangshiq ma jea tiingaü kuqlaü.

Matthew 2:20

“Tiidolaq, laüta, nonai sinyung ka Israil mung niishe shea wan nong laq. No tsea baiq tantibi maiq thun ka ümchaü atsai kaiwi she.”

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!

Revelation 6:10

Tsangshiq raq tiihong raüta siitrangto, “Ajong Pinthum Tatiwe lei, ümniika asii kiimaq tingting! Naishiq tseati matwe thun ka ümniiraq ümtinchotiq wa kha mipho kuq haü. Laüta tsangshiq kha bu ho tlaq kra miitu, tsangshiq ka mitiichamchao haü?”

1 SAMUEL 18:11

“Ngi raq apaiq ka khechong na tiikoptsan mishuk baiqha,” nguta Saul raq apaiq nai apaiq tiingoto. Krai mren apaiq raq Dawit ka piq maq jangnai shukto. Shatmaq Dawit kra jangnai piqkii ka libaiqsaqsaq libaiqto.

1 SAMUEL 19:1

Saul raq ase Jonathan nai asengi siihiipbi tlotli ma, apaiq raq Dawit ka tseabaiq miitu kha tan kang she nguta chongto. Shatmaq Jonathan raq Dawit ka pinthum lungwiihea.

1 SAMUEL 19:15

Shatmaq Saul raq tsangshiq ma Dawit ka tsangshiq mak maq liikai ratlo nguta hali tiijangki nongto. Apaiq raq tsangshiq ma akha aming kuq raüta tiikito, “Apaiq ka wiichangdü tam maq ana piki rongkiq. Arjiitiq ngi raq apaiq ka mitsatbaiqha.”

1 SAMUEL 20:1

Kiijiishe Dawit ka Rama hong na Naioth hiqshong wa juto. Raüta Jonathan phana wato. Raüta, “Ngi raq jamlai wa tiibi kang?” nguta apaiq raq waito. “Ngi raq jamlai mat atsa wa klokang? Ngi raq ümwe ma jamlai wa ajiq klokang, apaiq raq ngi ka atsea baiq ma tanli chang ka?” ngutiishe Jonathan ma waito.

1 SAMUEL 23:15

Saul raq apaiq ka atseabaiq ma khuitlo nguta Dawit raq asap. Dawit ka Jiph kumtsai phii wang na Horesh hiq na riito.

1 SAMUEL 24:4

Kra chhi raüta, Dawit kongtibi raq apaiq ma chongto, “Liilaq, ara ümniima akhing heahea pinthum! Tatiwe raq ümniima, apaiq raq ümjaqti ka ümjaqkhon mong na mikiinong kuqbaiq, raüla ümniiraq ümjaqtiwe kra jamkha tiijabaiq wa ro tlaü, kriika ümniiraq athithi nguta chongto ihata.” Krai mren, Dawit ka atsise maq kaütsrong maq tiihit ho raüta, Saul dü na samtlaq samtongjong kaü ni kriiwa, Saul ma tiihe mak maq, phushi panthit hanto.

1 SAMUEL 25:29

Maiq ashi ra raq, ümniika longliiq raüta, atsea tan raüla, maiq weshi raq rahea phan tsiiqtum khetlaq ikha, Tatiwe raq ümniika mitiikhup wongkuq. Kiimaq ümjaqtibi riiwe kla, Tatiwe raq, naitan liqkiip maq longtsi thun tiijo hiipbaiqtlaq ikhiitiq mihiipbaiq.