2 SAMUEL 4:1 - ASII LAKDAP Bible (BSI)

¹ Saul se Ishbosheth raq Abnar ka Hebron chela maq tsatto nguta tsütsa ka tai raüta, apaiq ka ahaisiwa liishe riito. Kiimaq Israil mungti tlotli ka tiihai song shat she riito.

Hawa Naga Bible 2001

¹ Sholu saz Eshboshet kuex Hebron ghaq nuex Abner thvt gay tueq lvmz tay vtueq piq hisungx tueq. Israel miqsaz lotlaz muinz kawc yawc wuez tueq.

2 SAMUEL 4:1 Referencias Cruzadas

2 SAMUEL 17:2

Ngi raq apaiq ka ümchaü anü makaiq miraq. Kiimaq atsaiji ka ajom miraq. Arbala apaiq ka mikhat-ha. Apaiq ka ahaisi lüplüp miraq. Kiimaq asengi srea nolabi thun ka wiita apin ajin miju wan. Ngi riika hokhamwe kriili mitsat-ha.

2 SAMUEL 2:8

Saul hokham phentuwe Ner se Abnar ka Saul se Ishbosheth rai kongshi maq Jordan rai re na Mahanaim chela na juto.

2 SAMUEL 3:27

Riita Abnar ka Hebron chela niishe saüwa kiita, Joab raq apaiq ka Abnar ma bomhuk chongke ikha tiiman raüta, Abnar ka kilamchong phai tho kriijaq apaiq honhonse she sheahoto. Raüta kriijiili awokpo na jasai maq shuk baiqto. Raüta tsatbaiqto. Arka Abnar raq Joab ma ano Asahel tsattaq kra phuklam she tsatto.

EJRA 4:4

Kiijiishe, kiijaq siti mungmaiqse ahinti raq sanha Jehudinok kra nangnga Shomjam ka naq tiihea hairongkiq nguta tsaiji tran chang lam bom kra bomhoto. Kiimaq tsangshiq kriishe tiihai chhaihoto.

NEHEMIA 6:9

Tsangshiq raq arthun joja rat tlaq arka, naishiq ka tiihai chhai raüta, jaqsham kra tiithaq baiq haijaq nguta tan khanto. Kra ningkhan ngi raq akhli achu jaü kang, “Shatmaq, Shiikeawe lei, ümchaü ngi ma ningkunli shoqkuq laq!”

ISAIA 13:7

Maiqse angu wiita jaq ka riibat rang she anin mirki. Maiqse wiita jurmin khulot makshe miraq.

ISAIA 35:3

Ajaq atheati ma ningkun shoq kuqlaq, kiimaq ningkun ajom alakü tiikhai rokshrokti ma ningkun shoq kuqlaq.

JEREMIA 50:43

Bebilon mung hokhamwe raq tsütsa ka taito, kiimaq ajaq aji ka atiikhai rokrok maakito. Apaiq ka akii anyii phiip raq tsai wanto, jechak nyung nowüchhi tsi chamchao tlaq ikha.

JEREMIA 6:24

“Naishiq raq tsütsa ka taikaishe,” nguta Jerusalemti raq ngutlo. “Kra tailaita naishiq hok ajaq wiita nintata she tiikhaikito. Jechak nyung nowüchhi akhing na atsitsi ma phetlaq ikha kiinyii wankai.

JEPHANIA 3:16

Akhing saü wantlo she, tsangshiq raq Jerusalem ma, “O Jajon chela lei, naqhaisongkiq! Ümjaq wiinai ka naq tiibatkiq she! nguta mingu.