2 SAMUEL 3:1 - ASII LAKDAP Bible (BSI)

¹ Riita Saul tahii rai pongti sengi phenlabi nai Dawit rai pongti sengi phenlabi liipan na re-riikhat ka rawii luhea na tiisaüli riikhatto. Shatmaq Dawit ka honghea riiwanwan jong wanto. Kiimaq apaiq jaqtibi ka ningkun jom wan wan she riito.

Hawa Naga Bible 2001

¹ Sholu yuimx jix muex htuiz daungx kuy jix hez nuiyc Dawid muex htuiz daungx kuy jix hez hvlwvl nuex loayc hvlc rvlungc rv-khvt wuez tueq. Dawid kuex pinhtumc hungc vlaungc httax wvnc ruiux, piq tvgap gawx jix hez kuex pinhtumc nulx wvnc tueq.

2 SAMUEL 3:1 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

2 SAMUEL 2:17

Raütiishe re-riikhat ka henghea she riikhat wanto. Kiimaq Abnar nai Israilnok riika rekhat tang mak dea riito. Shatmaq Dawit sengi raq rekhat ka tangto.

2 SAMUEL 2:28

Krai mren, Joab raq asengi ma Israilnok ka naqjo rongkiq she nguta bom chongke alerong kriishe tsüto. Krai mren, re-riikhat ka atsaq she riito.

2 SAMUEL 22:44

Ümniiraq ngi ka isengi, mungshuktibi jaqkhon mong wa, tiiwongkuq laü; laüta mung ahinti thun ka, iwokhong na tiisi wan ruq riilaü. Ngi raq amang min sap mangti thun, Pongmungti isengi ma jawanto.

2 SAMUEL 3:6

Riita, Dawit sengi phenlabi nai Saul tahii rai pongti phenlabi ka riikhat wan ruq li, riikhat wanto. Kiimaq Saul sengi phong na Abnar ka jonghea jong wan wan she riito.

2 SAMUEL 5:10

Apaiq ningkun ka wranaiq she henghea riiwan wan li riito. Jamkhano ngukla Tati Shiikeawe ka apaiq rai asi riito.

1 HOKHVMX 14:30

Arthun chong wankai pat na Rehoboam nai Jeroboam ka tsangnai liipan na tsaq mak phan maq arkhat niili mowanto.

1 HOKHVMX 15:16

Juda mung Hokhamwe Asa nai Israil mung Hokhamwe Baasha ka tsangnai ka ngacho na ngashat siwantaq wiiwii miitut wan tlii maq riikhat wanruq sito.

1 HOKHVMX 15:32

Juda mung Hokhamwe Asa nai Israil mung Hokhamwe Baasha liipan niika, tsangnai ka hokham ngacho na ngashat wiiwii, riikhat wan ruq miili sito.

1 KAÜWA WERAÜ 11:9

Dawit ka ajong ma jawan wan she jong wanto. Jamkhano ngukla Ajong Thaq Ajong Pinthum Tatiwe ka apaiq rai asi riito.

1 KAÜWA WERAÜ 3:1

Dawit ka Hebron chela na siji na asetiim ahum wan ka arthun ara. Arka tsangshiq rawiichhi chhikhu chhijai kra tiiphan phan mang awaiq wan: Ammon, apaiq ma anyung ka Ahinoam. Apaiq ka Jejreel chelati. Daniel, apaiq ma anyung ka Abigail. Apaiq ka Karmel chelati. Absalom apaiq ma anyung ka Maaka, apaiq ma awe ka Hokhamwe Talmai. Apaiq ka Geshur chelati. Adonija, apaiq ma anyung ka Haggith. Shephatia, apaiq ma anyung ka Abital. Ithream, apaiq ma anyung ka Egla.

ESTHAR 6:13

Raüta, apaiq raq jamlai phan tsanbi jeasi lamlu wa riihum wantaq, kra thun tsütsa ka tsangnyung nai akongtitiim ma tiitai chongkuq wanto. Krai tai raütiishe tsangnyung nai apaiq kongtibi maiq asung atsii maiqshaqti thun raq, “Riita, ümchaü ümnaq juwe makki niiwa dea rai wantlaü, kriiwe ka Jehudiwe Mordekai jiika, ümniiraq apaiq ka tangmaü she. Apaiq makki na ümniika midea wan haü she dongdii,” nguta apaiq bom ka tsiim jüshushu she treto.

ESTHAR 9:4

Ümkhiiwa ngukla, Mordekai ka Hokhamwe rung na ajong pinthum she jawanto. Kiimaq apaiq khushü jonglu ka jongruq jong wanto. Krai mren apaiq mangchong kiimin mung na, atsa aba she nyam wanto.

YOBA 17:9

Aki miikiimbi nguta tiingoti thun ka, tsangshiq dea riikhaq li nguta tiima tlo.

YOBA 8:7

Ümtsiiq ümnyam ümchuwa sum laü kriithaq na chat raüta Shiikeawe raq kiitiikaq achong lot mai asho awo she miphongkuq.

Tvtsvmc 18:43

Ümniiraq ngi ka hokham nyeati jaq wa tiichhii kuqlaü, laüta ngi ka mung thun pengti ma shonglaü; ngi raq sap mang maiq thun ka ümchaü isengi miishe jawanto.

Tvtsvmc 46:9

Apaiq raq mangjong tlotli wa reriikhat thun ka wiita tiitsaq baiqto; apaiq raq liq thun ngoqbaiqto, piq thun tiithen baiqto, kiimaq liiq thun wa na chaqbaiqto.

Tvtsvmc 84:7

Tsangshiq ka awalam miili ningkun lap wantlo; tsangshiq raq tisho thun thaq na Shiikeawe ka Jajon na michhi wan.

Galatians 5:17

Ara jamkhano chongtiikang ngukla, nashiq han-ngam raq jamlai wa jaü tlaq, kriika Asii Wenyi raq romak. Kiimaq, Asii Wenyi raq jamlai wa lungwii tlaq, kriika han-ngam raq romak. Tsangnai ka wesang. Riita, arkha maq, namshiq raq jamlai wa ro tlan, kriika sham raa mak.

Ephesians 6:12

Ara jamkhano chongtiikang ngukla, nashiq rekhat ka han-ngam rewebi rai ka riimak. Shatmaq rawang win na Thawe abi winji welabi rai, arang hotibi kiimaq ara ranyaq pat wa mangjong hiq arwa maiqse jamshati abi winjibi rai riikhat tiikai.

Revelation 6:2

Kra tai lata ngi raq liikang. Kiimaq, kiijaq kumrang kaü lüdiidii kaü ashi chhikang. Kriithaq na chaotiwe jaq niika, liq ashi sham raü chhikang. Kiimaq apaiq ma khuphok ashi tiiphok kuqto chhikang. Raüta, apaiq ka kumrang thaq na chao raüta srea jong we rekhat tangkai ikha mangjong hiq na rekhat kai kihoto chhikang.