2 SAMUEL 2:7 - ASII LAKDAP Bible (BSI)

⁷ Phung achaq maq kiimaq srea nolabi simaq sironglaq! Nam hokhamwe Saul ka tsaikito she. Kiimaq Juda mungti raq ngi ka tsangshiq hokhamwe miishe shongto.”

Hawa Naga Bible 2001

⁷ Hungc vlaungc tvhungc vtueq khvmc thuinz httax wuez kuinz! Nuimshiq hokhvmx waz Sholu kuex thueyc kaz shex, Yuda mungx jix rueq ngaz kuex tsuingshiq hokhvmx muex tvyaungc ruimc tix maq shvy kuq vphuex,” ngoz tueq.

2 SAMUEL 2:7 Referencias Cruzadas

RAPHA HIQWA LAK 15:1

Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

2 SAMUEL 10:12

Ningkun shoq laq laüta srea nola ma jalaq! Namung miitu nai nashiq Shiikeawe chela thun kra miitu re ka khat rong i. Kiimaq Tatiwe raq thapthi tlaq kra phanphan li mihong laq!”

2 SAMUEL 2:6

Krai mren, ümchaü min Tatiwe raq namshiq ma apaiq mangchan ka mikuq laq, kiimaq namshiq ka tsapkapkap mimang chan laq. Kiimaq ngi riimin namshiq aheawiq maq miriim wan kang, namshiq raq akha athuk atsom jaqsham tiichhikuq wan lan kha na.

2 SAMUEL 2:8

Saul hokham phentuwe Ner se Abnar ka Saul se Ishbosheth rai kongshi maq Jordan rai re na Mahanaim chela na juto.

2 SAMUEL 5:3

Krai mren, Israil mung wa welabi thun tlotli ka Dawit phana Hebron chela na kito. Kiimaq apaiq raq tsangshiq rai pumshi nguta asii phumram kham maq ram tiibokto. Kiimaq tsangshiq raq Dawit khu na tel maq nyukto. Raüta apaiq ka Israil mung na hokhamwe ma shongto.

2 HOKHVMX 11:12

Kriithun kra tiijelot raütiishe Johoiada raq Joash ka Shomjam mong wa kinphai niishe sheahoto. Raüta hokham khuphok ka apaiq ma tiiphokto. Raütiishe apaiq ma hokhamwe jaqsham thungtri dap ashi ka apaiq jaq niishe kuqto. Raütiishe Joash khupo na ramkham tel maq nyukto. Raütiishe apaiq ka hokham ma shongkai lii nguta chiiriim raüta chongto. Kiimaq mungmaiqse riimin tsangshiq jaqphi phok raüta, akha gitrangto, “Hokhamwe ma rilung alu mirlaq!”

NEHEMIA 2:18

Latiishe ngi raq mungmaiqse welabi ma, Shiikeawe ka ngi rai asi, kiimaq ngi ka Jerusalem na kaiho miitu khrum kuqto. Kiimaq ajong hokhamwe raq, ara jaqsham miitu, ngi ma hon atsii ka jamkho chongkuqtaq, kriithun tsütsa kriishe tsangshiq ma tiitai chongkuq kang. Kiijiishe tsangshiq raq, “Lo, ikhla Jerusalem chela tro wa long peruk thun kra tiihea hai nong rong pha!” ngutiishe ibom taoto. Krai mren, nokmaiqse ka chaprang she chapto. Raüta, kra Jerusalem tro ruk thun kriishe tiihea hai miitu phanrap she tiijeme wan kai.

1 Corinthians 16:13

Tsii lam shatmaq si rong laq. Kamasham na pharangrang maq si ronglaq. Kamasham srea ma jaronglaq. Nola ma jaronglaq.

Ephesians 6:10

Riita ümchaü sanha, bomshat wan na namshiq ma ara tsiichong kuq tiipha ara tai rong laq. Namshiq ka Tatiwe rai pumshi hanshi she tiipum tlan krai mren, apaiq ningkun kra lap lanta srea nolabi ma ja lanta sirong laq.

1 SAMUEL 31:12

Kra tai raüta, nolajongbi thun ka rawa minru Beth Shan chela kiina kihoto. Raüta tsangshiq raq Beth Shan chela khetuk kiiwa, Saul nai asetiim maa thun kra lam raüta, Jabesh chela na piwanto. Raüta amaa thun ka kiijaq wa maq chaq raüta saiqsamto.

1 SAMUEL 31:7

Kiimaq Jejreel tan maq konü reko na siti Israilnok raq, kiimaq Jordan rai maq shedong nü reko nü wang binjü na siti Israilnok phenlabi thun ka rehai ma wiita she pinto, kiimaq Saul nai asetiim kiimin wiita she re na tsaito nguta tai raüta, tsangshiq maiqmii chela thun kra miimbaiq thü raüta wiita pinto. Kra chhi raütiishe, Philistainnok ka kiraüta kra hiqshong thun ka jiiwan raüta siwanto.

1 SAMUEL 4:9

Philistainnok lei, nola ma jarong laq! Maiqwe ikha khat rong laq. Riimak la, tsangshiq ka nashiq di ma jawataq ikha nashiq ka Hibrunok dikong ma ja chang she miraq. Kra ningkhan maiqwe ma jalanta khat rong laq!”