2 SAMUEL 2:5 - ASII LAKDAP Bible (BSI)

⁵ Krai mren, apaiq raq maiq tsasoqti wiijam ka kiina akha tsütsa tiichongkito: “Namshiq raq shreng lanta nam hokhamwe maa ka saiqsam lan kra miitu, Tatiwe riitiq namshiq ma achu mishman kuq.

Hawa Naga Bible 2001

⁵ miq wvyvmc muex vruex bomjungc vtauk raz tueq tvkaz tueq: “Nuimshiq rueq piq kuex shuluip wuez vtueq nuimshiq hokhvmx waz muex tvmtuing httax vtuinx lvmz kuex tvkhic wuez vshuinx, kvkhoc rvtueq Yehowa rueq nuimshiq muex ruimrix kejux mkuq kv-phuinx.

2 SAMUEL 2:5 Referencias Cruzadas

RAPHA HIQWA LAK 14:19

Raüta apaiq ma shiiman kuqto. Raüta akha ramkuqto, “Ratsan Ramong Nyang Na Siti Shiikeawe, ra nai hiq klotiwe raq Abram ka mishmanlaq!

RAPHA HIQWA LAK 14:22

Kiijiishe Abram raq treto, “Ngi raq Tatiwe man na tumkham tolata, Ratsan Ramong Nyang Na Siti Shiikeawe man na, Ra nai hiq klotiwe mang na tiitum lata ngutiikang,

2 SAMUEL 15:20

Ümniika arjaq rawii atsapseli silaü. Kra ningkhan, ngi raq ümniika ngi rai bashi na sheahoho ka jamkho mishun sheasiqha? Ngi ka ümriiba niiwa kitiikang, kra ngi raq santla sap mang. Kriikha na ümniika ümsenginok ümhiqshongti thun kra shea wan laüta, jang wan laq. Tatiwe raq ümniika apaiq mangchan wokhong maq kiimaq tsapkapkap maq mirüm laq.”

2 SAMUEL 21:12

Kiimaq apaiq raq Gilead wang na Jabesh chela na siti jaq wa Saul nai Jonathan rok arii thun kra riichom jaü wato. (Tsangshiq raq arthun arka Beth Shan chela na nokwe thungchang hiqthung ba wa huk wanto. Arka Philistainnok raq Saul nai Jonathan ka Gilboa Hiqlam na tsattaq raüta amaa ka atiishak paq araq kiiwa ahukki riito.)

Tvtsvmc 115:15

Tati raq namshiq ma achu mishmankuqlaq, ra nai hiq tiiqtiwe raq!

JOSHUA 2:14

Kiijiishe kriiwe nai raq, “Nainai miisaq ka namshiq miisaq maq song! Ümniiraq nainai arjaq jamlai miitu wa wakai ara nanok ma chongmaü dam laüta thü haüla, ümtiikiiwa Tatiwe raq, naishiq ma armung ara kuqjiiq, kra akhing na, naishiq riimin ümniirai kiimaq ümjamtitiim rai sinkham bomtsi ka riikhaqli mithü hai,” nguta kriinyung ma nguto.

PHOWEBI 21:8

Ümtiikiiwa tsangshiq raq, Mijpa chela na Israilnok mungmaiqse ngongthuntaq kiijaq maiq phan nokshi ra lomki dammak dea asi shea nguta, bom konchon kiita, tsangshiq raq Gilead wangti wa Jabesh chelati ka lomki dammak dea nguta sapto.

RUTHA 1:8

Kiijiishe, Naomi raq anam-nyung nai ma tsii akha chongkuqto. “Namnai ka nam-nyungwe jam niili she jangho ronglaq. Namnai raq ngi ma kiimaq atsai amaati miitu jamkhiiwa lungwii tsantsii tiichhi kuq lan, kiikhiisii, Tatiwe riimin namnai ma shiiman kechu mitiijang kuq.

RUTHA 2:20

“Tatiwe raq Boaj ma achu shiiman jonghea mikuq laq!” nguta Naomi raq Rut bom ka treto. “Tatiwe riika atrati nai amaati miitu apaiq bomkham raütu thü wan tlaq kriika tiihongkuq wan ruq phan,” nguta Naomi raq bom ka chongto. “Riita ija, kriiwe ka nashiq ma tatiseno, nashiq jamti sii. Apaiq ka nashiq liikoke wanti tanyang seno phong wa weshi,” nguta apaiq raq Rut ma bom ka phanchan kuqto.

RUTHA 3:10

“Tatiwe raq ümniima mishman kuq laq,” nguta apaiq raq nguto. “Ümniiraq ümnyaichhi ma ümtinkhan wa mangchan tiichhikuq laü kra thaq niimin, ümchaü ümniiraq ashong anga wan lamlu tiima tlaü arka, takhan holai akhek tri lam phan wan tlaü. Ümnii riika chiithe jiimin thümse jiimin, noriibi phong wa mirit wan lot haü wa. Laüta mishong nga wan lot haü wa. Shatmaq ümniiraq kra rit wan ma riilaü.

1 SAMUEL 11:1

Arjai maq jipi lüshitin sijai na, Ammon mungti Hokhamwe Nahash raq asengi sreabi shea raüta Gilead wang wa Jabesh chela kra akhat ma trotam maq komto. Kriikha niishe Jabesh chelati Nahash ma nguto, “Naishiq ka ümtongshong maq tiihamlaq. Laüta ümniika naitijongwe ma jalaq. Laüta naishiq ka penglaq.”

1 SAMUEL 11:9

Raüta tsangshiq raq Jabesh chela wa awa tsasoqti kiima, “Namshiqnok ma anap ranaiq shethung shekham akhing misaü shaq liipan niili, tsangshiq ka mitiichhiikuq nguta chongho ronglaq,” nguta chongkuqto. Kiimaq Jabesh chelati raq tsütsa ka lap raüta, tsangshiq ka kai chochito.

1 SAMUEL 15:13

Samuel ka Saul phana kito. Riikiita apaiq raq Samuel ka akha taoto, “Samuel lei, Tatiwe raq ümniima mishman kuq laq! Ngi raq Tatiwe aming ka lang kang.”

1 SAMUEL 23:21

Kiijiishe Saul raq treto, “Namshiq raq ngi miitu akha lungwii tsantsii rüm tlan arkha na, Tatiwe raq namshiq ma achu shiiman jongheatiq mikuq laq!

1 SAMUEL 24:19

Maiqse raq ajaqtiwe ka ajaq khon mong na alapwi she wa, jang ümchu wa tsatmak tiidong baiq tla? Ümchaü ranaiq na ümniiraq itsitsü tiihangkuq laü kra miitu ka ümniima Tatiwe riishetiq achu mishman kuq laq!