2 SAMUEL 2:1 - ASII LAKDAP Bible (BSI)

¹ Arjai miishe Dawit raq Tatiwe ma akha waito, “Ngi raq Juda mung na chela thun sitlaq kriiwa, chela ashi kra mipeng wan ha shea?” “Ahea kilaq,” nguta Tatiwe raq treto. “Riita ümra chelati wa?” nguta Dawit raq wai nongto. “Hebron chela kra,” nguta Tatiwe raq treto.

Hawa Naga Bible 2001

¹ Kvruex yimaq, Dawid rueq Yehowa muex ngoc, “Ngaz kuex Yuda ghaq htenc wawc ghaqshiz shiz nuex kaz vtueq guimz lawc kay juing haz?” ngoz tueq wiz tueq. Yehowa rueq, “Quex,” ngoz tueq tvralc tueq. Dawid rueq, “Mruex ghaq nuex lac?” ngoz tueq wiz tueq. Yehowa rueq, “Hebron,” ngoz tueq jungx tueq.

2 SAMUEL 2:1 Referencias Cruzadas

RAPHA HIQWA LAK 13:18

Kiimaq Abram raq apiitiip ka tiisot wanto. Raüta Hebron chela wa maiqwe amang Mamre ngutlaq kriiraq achhi asii pero tho na apiitiip ka tei raüta shongto. Kiimaq apaiq raq kiijaq Tatiwe ma berong-wacha ashi haito.

RAPHA HIQWA LAK 32:2

Apaiq raq tsangshiq ka chhi raüta akha nguto, “Arka Shiikeawe piitiip.” Kra ningkhan kra hiq ba ka Mahanaim nguta mangto.

2 SAMUEL 15:7

Wiiblai jai miishe Absalom raq Hokhamwe ma akha nguto, “Tuwe lei, ngi ka Hebron chela na kipha. Lata ngi raq Tatiwe ma kongphiq akhakuqha kra diibaiq ki pha.

2 SAMUEL 2:11

Krai mren, apaiq raq Hebron chela maq siraüta Juda mung ka wiimiishi ri wiithiq na saüli pengto.

2 SAMUEL 5:19

Kiijiishe Dawit raq Tatiwe ma akha waito, “Ngi raq Philistainnok ka mikhatkiha shea? Ümniiraq tsangshiq ka ngi ma mitiitangkuq haü shea?” “Kilaq ahea! Laüta khatkikiq,” nguta Tatiwe raq treto. “Ngi raq ümniima tsangshiq ka mitiitang kuq kang!”

2 SAMUEL 5:23

Kiimaq Dawit raq thongshi ri hali Tatiwe ma wai nongto, Kiimaq apaiq raq akha treto, “Tsangshiq ka anünü miika naqkhatkiq. Shatmaq lam tiikon nü maq kilaüta, konü siim kriimaq balsam pero binjü tho kriimaq kheho li laüta khat-ho laq.

1 HOKHVMX 2:11

Apaiq ka Israil mung na rawii roqblai hokham jato, Apaiq raq Hebron chela maq ngaraüta Israil mung ka wiimiishi pengto. Kiimaq Jerusalem chela maq nga raüta rawii roqtsam ri wiitsam pengto.

1 KAÜWA WERAÜ 29:7

Tsangshiq raq Shomjam hai ma arthun hupsam ara honglu na kuqto: chaq ka 170,000 kilogram thaq na apa, kampho ka 340,000 kilogram thaq na apa, kiimaq miiki ka 620,000 kilogram saünam, kiimaq jin ka 3,400,000 kilogram thaq na apa kuqto.

2 KAÜWA WERAÜ 11:10

Jora, Aijalon, kiimaq Hebron chela thun rukto.

Tvtsvmc 143:8

Wranaptek ngi ma ümlungwii tiipitmaü phan kra bliiq chongkuq lili riilaq, jamkhano ngukla ngi raq ümniima kamtiikang. Ngi achujaü ka ra na ümpha na saütlo; ngi khumchang lam kra tiichhikuqlaq.

Tvtsvmc 27:4

Ngi raq Tatiwe jaq wa phanshi jaükang; phanshi se lamlam kli ngi ma ratlo: Tatiwe jam na irilung pattup siwan kli rotiikang; lata kiijaq apaiq thuktsom kra maosea ma kiimaq apaiq tsii chong kra jaü ma.

EJEKIEL 36:37

Tati Rakaü Hiqwe raq ngutlo, “Ngi raq Israilnok ma jangshiri hali, i jaq wa khrum mitiijaü nongha. Kiimaq Ngi raq tsangshiq ka skusekong puchi wan tlaq ikha pahea mitiipu kuqha.

WEAWEA 13:22

Tsangshiq raq apha na shemai nü mung kiimaq kongkhu siwapha wanto. Raüta Hebron chela niishe siwanto. Kiijaq maiq phan ajong wiq phan Anakim ngutlaq jonghea luhea phan wa Ahiman weraü, Sheshai weraü, kiimaq Talmai weraü phan maiq thun kra shongtlo. (Hebron chela ka Ejip mung wa Joan chela tei wantaq kriima wiimiishi kongkhu na tei wanto.)

WEAWEA 27:21

Apaiq ka ramwe Eleajar dü na tiinin raüta misi. Eleajar riika Ngi raq jamlai wa rotiikang kra Urim nai Thummin maq lang lii raüta misap. Akha Eleaja raq Joshua ka tsii michongkuq. Kiimaq Israilnok mungmaiqse tlotli ka phanrap lam phan na mishun shea wan.”

JOSHUA 15:13

Tatiwe raq Joshua ma aming kuqtaq kra phanphan, Juda phan rii hiqshong achumkuq kiiwa, Jephunne se Kelib miimin hiq ka hongshi chumkuqto. Apaiq kiimin Juda phan wa. Apaiq rii hiqshong ka Hebron chela chumkuqto. Hebron chela ka man na Anak ma awe Arba hiqshong riito.

PHOWEBI 1:1

Joshua tsaikai jai maq Israilnok raq Tatiwe ma waito, “Naishiq maiqphan phong arwa, ümriiti phan riiwa Kanannok mung ka kongkhu mikhat pha wan?”

1 SAMUEL 10:22

Kiijiishe tsangshiq raq Tatiwe ma waito, “Riita maiq ahin min asi shea?” Kiijiishe Tatiwe raq treto, “Saul ka iniikiijaq, hupsam phong mong na tiipaütlo.”

1 SAMUEL 23:2

Kra ningkhan apaiq raq Tatiwe ma, “Ngi raq Philistainnok ka mikhat kiha sha?” nguta waito. Kiijiishe, “Kilaq, khatkitkiq. Laüta Kaila chelati kra tiichhiikuq laq,” nguta Tatiwe raq treto.

1 SAMUEL 23:4

Kriikha Dawit raq thongshi ri hali Tatiwe ma wainongto. Kiimaq Tatiwe riimin apaiq ma, “Kilaq. Laüta Kaila ka khatki kiq. Jamkhano ngukla ngi raq ümniima Philistainnok ka miitiitang kuqkang.”

1 SAMUEL 30:31

kiimaq Hebron chelati ma tiiho wanto. Dawit raq apaiq nai asengibi thun ümra hiqshong thun no khumshiim wantaq, kra hiqshongti ma tiiho wanto.