2 SAMUEL 18:2 - ASII LAKDAP Bible (BSI)

² Raüta tsangshiq kongtsam niishe triipheato. Raüta Joab nai ano Abishai kiimaq Gath chelati Itai, tsangtsam wokhong na, weshi ka kongshi thaq na phentu ma shongto. Raüta apaiq raq tsangshiq ka tiikito. Raüta hokhamwe raq asengi ma nguto, “Ngi min namshiq rai nongshnong miki kang.”

Hawa Naga Bible 2001

² Kvruex yimaq piq rueq kvruex nolaungx daungx htenc kuex phungc thuimx muex phvlx ruiux, phungc shiz kuex Joab, phungc shiz kuex Joab nox Abishai, kvmaq phungc kuex Gad ghaq jix Ettai hez muex tvguimz tvlawc vtueq tvkaz tueq. Kvkaq hokhvmx waz rueq piq miq hez muex ngoc, “Ngvy shauk pumz muinz nuimhez rulc kaz naungx phaungx,” ngoz tueq jungx tueq.

2 SAMUEL 18:2 Referencias Cruzadas

2 SAMUEL 17:11

Ngi raq ümniima tsii chongke ka, ümniiraq Israilnok mungmaiqse ka tlotli, konü siim maq riitaq konü siim na saüli, wiita adam na, sammok tra jüphii na kumtsai riiphong tlaq ikha, adam na triitam healaq. Laütiishe lam ka ümniiraq shea laüta, khatkikiq.

2 SAMUEL 21:17

Shatmaq Jeruia se Abishai ka Dawit phana ju raüta, Dawit ka khrum kuqto. Raüta kra jongheawe kaü ka khatto raüta apaiq ka tsatbaiqto. Kriikha niishe Dawit sengi ajong alabi raq, apaiq ka tsangshiq rai rekhatkai ümtiikiimin kai raamak nguta akiqkham ke raa nguta shiitepto. Tsangshiq raq akha nguto, “Ümniika Israil mungti rantsantsii paqchang raülo. Naishiq raq ümniika sumromai,” nguta tsangshiq raq nguto.

2 SAMUEL 23:18

Joab ma ano ka Abishai. Tsangnai ma anyung mang ka Jeruia. Abishai ka “Nolajong Pinthum Roqtsam” kra pengti riito. Apaiq raq apiq kiishi miili rewebi kong shitsam khatto. Raüta rewe thun ka wiita jiipbaiqto. Raüta apaiq ka “Nolajong Pinthum Roqtsam” phong na ajong ma jawanto.

2 SAMUEL 8:16

Joab ma anyung mang ka Jeruia. Apaiq ka phen thaq na ajong pinthum phentuwe ma shongto. Ahilud se Jehoshaphat ka phanrap raüpot waiqthüti cherewe ma shongto.

1 HOKHVMX 2:28

Kra tsütsa ka Joab raq taito. (Apaiq ka Adonija rai pong damti riito. Shatmaq Absalom rai ka pongmak dea riito.) Kriikha niishe apaiq ka Tatiwe asi Tombutiip mong niishe tiipaü juto. Raüta berong-wacha rongthun kiijaq ajaq maq riiwiiqki tlii raütiishe ngakito.

Tvtsvmc 3:6

Ngi khat wati rewe ahing amun ngi trotam maq khetlaq kriima haimang.

PHOWEBI 7:16

Raüta apaiq raq asengi shitsam ka kongtsam na triipheato. Raüta maiq khumtek ma lerong ka achhuqchhuq kuqto. Kiimaq hamlii tsabum mong na waniitu kra tiinyaije achhuqchhuq kuqto.

PHOWEBI 7:19

Krai mren, Gideon nai asengi maiq shishi ka rawa wathung wakham saü wan namnam she angu na, kintsongti ka klailot ri Midiannok piitiip tiinap kiijaq kito. Raüta tsangshiq jaq na lerong shamtlaq kra tsütrangto. Kiimaq tsangshiq jaq na hamlii tsabum shamtlaq thun kra tiibunbaiqto.

PHOWEBI 9:43

Krai mren apaiq raq asenginok kra shea raüta, kongtsam na triipheato. Raüta rum na bom hai raüta kheto. Krai mren, Apaiq raq nokmaiqse ka chela mong wa kinphai na dongho kra chhi raüta, apaiq ka bom mong kiiwa dongchhaq raüta tsangshiq ka khatto.

1 SAMUEL 11:11

Kra rawa liipan niili, Saul raq asengi sreabi ka kongtsam na triipheato. Raüta ranap rawüho niishe, tsangshiq raq rewe Ammonnok piitiip kra bok wanto, raüta khatto. Kra ranaiq shethung shekham tin khan na sanha, tsangshiq raq rewe piitiip ka tiithumpak she jiipbaiqto. Kiiwa abung akhü tiichongtaq thun ka maiqmii lampu rit she pongpin riipin jutrangto.