2 SAMUEL 16:1 - ASII LAKDAP Bible (BSI)

¹ Dawit ka kra kinkhu maq ashaqpuq she wato angu na, lam na tiidongchhaq miili Jiba rai riihumto. Jiba ka Mephibosheth jaqshise. Apaiq ka kumtoq kaütiim kiima, winsiithop ka thopshinai, kiimaq phupmuptsi shin winsii thop ka thop shishi, kiimaq petsi pannye tu ka shishi, kiimaq ngamkhü tsabum kaü na che ka tsabum shi tup thiiho raüta kito.

Hawa Naga Bible 2001

¹ Dawid rueq kanx laungx kuex raungluingx lek wvnc tueq nuex Mephiboshet nvrc waz Ziba nuiyc loze vnueyc nuex wanx poz 200, svpiq thuey vshanx tuz shashiz, vmuinx tuz shashiz rac svpiq tix vmvrx tsongbumx vshiz vtvdaungc laq kuex rvhumc hungx rvtueq.

2 SAMUEL 16:1 Referencias Cruzadas

2 SAMUEL 15:30

Dawit ka Olip Pero Hiqlam lamha kra düwan lam maq apaiq ka aho anyi wawanto. Ahok na hokpa min ahü maq wawanto. Kiimaq tsanbi tiichhi akhu ka khea maq pang raüta wato. Kiimaq apaiq jai phanti tarü raq tsangshiq ka khu ka khea maq pang raüta siisaq aho anyi lam maq siisaq wawanto.

2 SAMUEL 15:32

Dawit ka kra kinse khuthaq na, shomnoq chang hiqba min asi, kiijiishe saüto. Raüta liikiita, apaiq ma aphunowe tsanwawe Hushai Arkaiq phan ka akhu akhea thun kra chai raüta, kiimaq akhakam na botkhulai maq nyat raüta, apaiq rai riihumto.

2 SAMUEL 19:17

Apaiq ka Benjamin phan wa maiqwere hingshi sheaho raüta saükito. Kiimaq Saul tahii jamti jaqshise Jiba kiimin kiijaq asetiim maiqwesere kong roqshi ri biingi kiimaq ajaqshisetiim roqnai kra sheaho raüta saükito. Kiimaq tsangshiq ka Jordan rai kiijaq hokhamwe ma kongkhu na saüholito.

2 SAMUEL 19:32

Brajillai ka tikii kiikaiq she, wiiroqtiichat she riito. Apaiq ka pinthum chiithejong. Krai mren, apaiq raq hokhamwe ka Mahanaim hiq na sichoji na phaq nai sea chamtraq khrum kuqto.

1 KAÜWA WERAÜ 12:40

Hiqkhu nü mung wa alu pinthum na siti Isakar phan, Jebulun phan, kiimaq Naphtali phan thun wa mungmaiqse riimin, tsangshiq kumtoq kong, Kumtsong kong, kumshot kong, kiimaq minsaü pongwe thun kra aphaqsea chang thun —Bunwong win, phupmuptsi, phupmuptsi shin winsii, spiqtai, kiimaq olip petsi tsai thun kra hoho raüta kito. Kiimaq tsangshiq raq ataa phaq chang nyamse minsaü chhechhi kong, kiimaq skukong hit ho raüta kito. Arthun klo wantaq arka tsangmung tlotli na kai khoqriiq shishiiq tsantsii sitlaq kra tiichhike riito.

TAKSU LAK 18:16

Wela jam na jaqmii kimai, lamtan hü maq tsam jut siq mai.

JEREMIA 40:10

Ngi ka Mijpa chela na misiha. Lata Bebilon mungti ka ajaq ki raüla, ngi ka namshiq khuthaq na kiimwe ma mijaha. Lanta petsi wiq tsam kra mirchomhan kiimaq spiqtai, petsi, olip tai thun kra tsamtiip na mithü han. Kiimaq hiqshong thun kiijaq namshiq raq aroro na shong nga lanta sironglaq.”

JEREMIA 40:12

Krai mren, tsangshiq raq maiqmii sichang pong mung hiq shong thun na arnyin rai kiiwa tiido rang laü wanto. Raüta Juda mung niishe jang wanto. Tsangshiq ka Mijpa chela na Gedalia rai riihumwato. Kiimaq tsangshiq raq che kiimaq petsi wiqtsam pahea rongboq riichom romto.

AMO LUIK DVP (AMOS) 8:1

Ajong Thaq Na Ajong Pinthum Tatiwe raq ngi ma riisham bomchong ashi hali tiichhikuq nongto. Arka akha:

Mikha 7:1

Miqkang she! ahü miqkang she! Ngi ka ram raq ahaü apit wan, Petsiro na petsi ritkikang min ahüshe, Spiqtsiro niimin atsi ahü she. Waitsi asumwiq tsihea thun nai, phupmuptsi hea hea thun, rangran kang ka apansea wishe.

1 SAMUEL 10:3

Ümniika kriimaq wawan laüta, Tabor hiq na asii pechong ba kiiniishe misaü wan haü. Kiijaq ümniiraq maiq wetsam, Bethel chela na Shiikeawe ma honglukekai akairai mirhum haü. Tsangtsam phongwa weshi riika chhechhi chheresetiim kaütsam hit raü miraq, kiimaq weshi riika winsii thoptsam horaü, kiimaq wetsam ngojawe riika ngamkhü tsabum na spiqtai ka ama tuptup horaü mirhum haü.

1 SAMUEL 16:20

Krai mren, Jesi raq Dawit ka Saul phana, chhechhi cherese ashi kiimaq kumtoqkaü ashi kiima winsii thop ka thongshi miikuqto. Kiimaq spiqtai ka ngamkhü tsabum na tup thiikuq raüta Dawit ka Saul phana tiikito.

1 SAMUEL 25:18

Kra tsütsa ka tai raüta, Abigail raq jaqlo thit liipan niili, winsii thop ka shinai, spiqtai ka ngamkhü tsabum anai tuptup, wa na wiipumtam maq atiijashu sku ngam ka kaü biingi, wong ka atiishin ko raüta tokroqshi ri tok miishi, spiqtsi shin maq aklo winsii shin ka thop shishi, kiimaq phupmup tsi shin maq aklo winsii ka thop shinai thun kra riichomto. Raüta kumtoq kaüsetiim raikhü na miikuqto.