2 SAMUEL 15:2 - ASII LAKDAP Bible (BSI)

² Raüta apaiq ka ranapchu maq tiidokilili riitlo. Raüta chela kilamchong kriijaq chapki lili raüta khekitlo. Raüta maiq weshi ra phanshi ra mra asi ningkhan hokhamwe phana riihumkai kitlaq kriiti ka, Absalom raq heatlo. Raüta apaiq ka juta weraü wa, ümriibati wa nguta waitlo. Raüta kriiwe raq apaiq ka kaüwa weraü mang kra tiichong raüla,

Hawa Naga Bible 2001

² Piq kuex raungnvp saz maq kvtenc ruiux vtueq ghaqyungx palx kaluix lvmx nuex jvp kaz ruiux tuex. Khuec vkhac vhttax miq washiz shiz kuex hokhvmx waz rueq htvp htaz kuy tvkoc httuiuc kaz ruiux yuq, Absalom rueq gvl vtueq, mnoz kuex m-wawc lac? ngoz tueq wiz ruiux shuex. Kvkaq kvruex waz rueq piq kuex utaungx phvnx, mmaq vkaz rvtauk ngoz tueq kvjungc ruiux yuq,

2 SAMUEL 15:2 Referencias Cruzadas

RAPHA HIQWA LAK 34:20

Kiimaq Hamor nai ase Shekhem ka chela kilamchong na ngongthun chang ba kiina wato. Raüta tsangshiq chelati nokwe kiima akhiishe chongto:

2 SAMUEL 19:8

Kiijiishe hokhamwe ka tiidopot she riito. Raüta chela kilamchong tho kiina ngakito. Asengi kong riimin, apaiq ka kiijaq nguta taito. Krai mren tsangshiq tarü kunli apaiq tro niishe riitamto. Kiimaq anü na Israilnok mungmaiqse ka kunkun maiqmiimii hiqshong niishe pintrangto.

2 KAÜWA WERAÜ 10:7

Tsangshiq raq treto, “Ümniiraq tsangshiq ma lungwii tsantsii maq kiimaq tsangshiq tiichochi chang bom ahea maq tsangshiq raq tai ma ahea bomkuq haü jiika, tsangshiq ka ümsengi ümwokhong na tsapkapkap maq siruq miraq.”

YOBA 24:14

Ranap rawü wan raüla matsaü tsasebi ka akon maq tiido tlo raüta miitsan maiqsetiim ka tseabaiq kai kihotlo, kiimaq rawa niika ahuk jakai kihotlo.

DUNGWVNC 18:14

Jethro raq Mosheq ka phanrap phanrii apaiq raq siisaq shamrea kra chhito. Raüta apaiq raq waito, “Riita arthun ara ümniiraq mungmaiqse ma jamlai wa riiholaü? Atinkhan jaqsham arka ümnaq laqlaqse li ka jamkho sham tlaü? Mungmaiqse ka arjaq ranap chu maq riita raji ra tiinyaqli ümniirai bom riiwaiso thungtii tlaq?”

DUNGWVNC 18:16

Maiq wenai liipan na tatso raüla, tsangnai ka ngi phana watlo. Kiimaq ngi raq juwa ajiq juwa alam kha kra phokuq tiikang. Kiimaq ngi raq tsangshiq ma Shiikeawe aming thun nai thung tri thun kra chongkuq tiikang.”

DUNGWVNC 18:26

Tsangshiq ka mungmaiqse khuthaq na rilung pattup phowebi jaq shamto. Raüta kha atsin tsin kriili Mosheq ma shokto. Shatmaq kha aran thun ka tsangshiq riili phokuqtlo.

TAKSU LAK 4:16

Abi ati maiqsetiim ka, ashut klokaihü wiiwii, rawa niimin konmak sitlo. Tsangshiq raq mat atsa niqkaihü miika, rawa konhü miili sitlo.

DANIEL 11:21

Kiimahali rase raq akha chongkuqto: “Kra jaiwa Siria mung hokhamwe shongtlaq kriika abi pinthum she miraq. Apaiq ka hokham ja thek mak. Shatmaq apaiq raq lule klo raüta jurmin tiima chhimak miili, hokham ngachang ka minyea. Raüta kra mung ka mipeng.

Matthew 27:1

Ranap chu miili she ramwe jongbi nai welabi raq Jesuq ka atsea baiq chang nguta kha ka tanto.

TRI CHONGKE 17:8

“Kiimaq khü akha wiijam ka hiqshongti phowebi riili phokuqlot mak, atsinwiq min moja miraq. Arka tachong hupsam kha thun, riimakla maiq dü na jaqmiiq raüta ami atsi kha thun, riimakla, mat kha thun nai shaiqshuq shi maq maiq atsat kha kriika, kra nokti phowebi raq phokuq lot mak moraq miraq. Ümtiikiiwa akhnok kha pintlaq, raüla Tatiwe namshiq Shiikeawe raq atsea noqku chang hiq ba bashi kiijaq kironglaq.

RUTHA 4:1

Bowaj ka ngongthun chang ba chela kilam chong tho kiijaq ngaho lito. Kiijiishe Elimelekh ma ajamti, amak shaqwe ashi asi nguta Bowaj raq Rut ma chongkuqtiiwe kriishe saühoto. Kriiwe saüho kiitiishe, “Phunowe, arjaq nga laq,” nguta Bowaj raq aphunowe kra heato. Krai mren, kriiwe kiimin wa raüta kiijaq ngawa damto.