2 SAMUEL 11:6 - ASII LAKDAP Bible (BSI)

⁶ Kiijiishe Dawit raq Joab ma bom ka akha tiichonghoto: “Ngi pha na Hitaiqwe Uria ka tiiwa laq.” Krai mren Joab raq apaiq ka Dawit pha na tiiwato.

Hawa Naga Bible 2001

⁶ Kvkaq Dawid rueq Joab muex bomjungc tvtay tueq: “Hitti miq waz Uria kuex ngvy kox nuex tvwaung loq,” ngoz tueq. Rvkoq tueq Joab rueq piq kuex Dawid kox nuex tvwaung tueq.

2 SAMUEL 11:6 Referencias Cruzadas

RAPHA HIQWA LAK 4:7

Ümniiraq riikhaqli shamlaü jiika, naihü hihe mirhaüwa. Shatmaq ümniiraq abi klo laü kha na, ngarai ka ümkilamda na tiipaü raüta ümnaq ka kaqho ma khetlo. Ngarai raq ümniika jamshaho dantlo. Shatmaq ngarai ka ümniiraq tang chang.”

2 SAMUEL 11:5

Kra jai miishe kriinyung raq apaiq ka wiihan she nguta sapto. Krai mren, apaiq raq kra tsütsa ka Dawit ma tiichong wato.

2 SAMUEL 11:7

Kiimaq Uria ka saüwa kiita, Dawit raq apaiq ma Joab nai phenlabi thun ka ahea khata, kiimaq reriikhat ka jamkhiiwa nguta apaiq ma tsütsa ka waisoto.

TAKSU LAK 28:13

Jurwa maiqmii ngarai, apaü raüta thütlaq, kriiti ka arilung na, achu shiiman ahü miraq. Shatmaq jurwa maiqmii mra ka, atiidii raüta miimthü tlaq, kriiti ka Shiikeawe raq, mangchan mitiichhikuq.

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

Matthew 26:70

Shatmaq, “Ümniiraq jamlai ngo wa ngutlaü ngi raq sap mang,” nguta apaiq ka tsangshiq tarü man niishe tiidam kito.

Matthew 26:72

Kiijiishe, Petar raq thongshi ri hali, “Ngi raq Shiikeawe man na atiitum lata chongtiikang, ngi raq apaiq ka juwa akhiisiimin sap mang dongdii!” nguta hali tiidam kinongto.

Matthew 26:74

Kiijiishe Petar raq, “Shiikeawe raq asap! Ngi raq tengteng chongtiikang! Ngi raq apaiq ka juwa asap man sap mang!” ngutiishe khiilataq tiidamkito. Apaiq raq kra bomtre tlaq liipan niili she, wuwa riigoli riito.

1 SAMUEL 15:30

Kiijiishe, Saul raq nguto, “Ngi ka shutkang dea. Li jiimin, isengi welabi man na, kiimaq Israil mung tlotli man na, ngi ma anato ka tiichikuq laq. Ümniika ngi rai jang wan i. Kra nguraü ka, ngi raq Tatiwe üm Shiikeawe kra shomnoq pha.”