2 SAMUEL 11:1 - ASII LAKDAP Bible (BSI)

¹ Kriimaq rawii angu niishe, lamse sat choji niishe, hokhambi raq rekhat kaichoji na, Dawit raq Joab ka asengi ajong alabi rai kiimaq Israilnok phenlabi rekhatkai tiikito. Raüta tsangshiq raq Ammonnok khatto raüta tangto. Raüta Rabba chela ka trotam maq komwanto. Shatmaq Dawit apaiq ka Jerusalem niili haikito.

Hawa Naga Bible 2001

¹ Vwawc kvlayc wvnc vtueq hokhvmx bix ralx lungc kay jauz httuiuc wvnc koq tueq, Dawid rueq Joab rulc piq vyungx vlaungx bix nuiyc Israel nolaungx bix kuex tvkaz tueq, tsuinghez rueq Ammon miqsaz kuex khvt taungx gay ruiux Rabba ghaqyungx kuex tuimx tueq. Yuq muinz Dawid kuex Yerusalem nuex dvyx httax yaq.

2 SAMUEL 11:1 Referencias Cruzadas

2 SAMUEL 10:14

Kiimaq Ammonnok raq Sirianok pin wan kra chhi raüta, tsangshiq ka Abishai pha wa, pintrangto. Raüta chela mong kiiniishe tiipaü jutrangto. Kiijiishe Joab ka Ammonnok khat mak she riito. Raüta Jerusalem niishe jang wan nongto.

1 HOKHVMX 20:22

Kiijiishe shammiwe ka Hokhamwe Ahab phana wato. Raüta akha nguto, “Walaq. Jang wan laq. Laüta üm phenla phung ka maiq apashe phoq wakiq. Laüta samheawiq tiiijeshat maq kheli laq. Jamkhano ngukla Siria mung hokhamwe raq rawii lamsesat choji na hali mikhatki nong.”

1 HOKHVMX 20:26

Krai mren, rawü miishe lamsesat choji na apaiq raq asengi phenlabi ka tsuqho raüta, Israilnok ka khatkai Aphek chela na kihoto.

1 KAÜWA WERAÜ 20:1

Kriimaq wiijai rawii lamsesat ji na, hokhambi raq rekhatkai kitlaq choji na, Joab raq phenlabi ka sheaho raüta Ammon mung ka khatto. Shatmaq Hokhamwe Dawit riiwe kla Jerusalem niili sito. Tsangshiq raq Rabba chela ka trotam maq komhoto. Raüta khatto. Raüta tiisiirai tiithen baiqto.

2 KAÜWA WERAÜ 36:10

Lamsesat akhing she saü kiita Nebukadnejar raq Jehoiachin ka lapto. Raüta Bebilon mung na shumwi ma hit wanto. Kiimaq Shomjam wa tsiiq nai nyam tum thun kriimin howanto. Raütiishe Nebukadnejar raq Jehoiachin ma awa Jedekia kriishe Juda mung nai Jerusalem khuthaq na hokham ma shongto.

Tvtsvmc 60:9

Jurwa, Shiikeawe lei, ngi ka trukshat chela mong na mishea wan? Ngi ka Edom mung na juro misheaho?

THARC TVLUINGC 3:8

Apaiq raq arlungwii akhing min tiihongto, arpii akhing min tiihongto; arkhat akhing mi tiihongto, wehea riija akhing min tiihongto.

JEREMIA 49:2

Shatmaq akhing ashi she misaü wan. Kra akhing she saüwan raüla, Ngi raq Ammon mung nyungchong Rabba chelati ma rekhat trang kriishe mitiitaiha. Krai mren redong raüta Rabba chela ka botkhulai rai mishot baiq. Kiimaq tsang mung wa maiqhiq shong thun ka wa maq chaq baiq raüta hiqrai mishot baiq. Kra akhing na Israilnok raq tsangshiqnok hiqshong maiqnok raq ajii wan kra wiita hali tsangshiq raq mijii wan nong.

JEREMIA 49:3

Heshbon chelati lei, hoq trang ronglaq! Ai chela ka tiithen baiqto she! Rabba chelati jechakre lei, maaho manyi hoqsii trang rong laq. Wunthaü riinaü khea thum sam lanta hoq trang rong laq! Lanta tuktuk mukmuk sunghü tsiihü jutrang rong laq. Namshiq phra kaü Molekh ka re raq munglu shumwi miishe milap wan. Kiimaq apaiq rai ramwebi kiimaq aki miikiim sere thun kiimin munglu shumwi ma mitsuq wan.

EJEKIEL 21:20

Lamshiti kitlaq kriika hokhamwe ma Ammonnok mungti chela Rabba nü na kai lam miraq. Kiimaq lam ashiti ka Juda mung nü na kiitelong maq rukje, Jerusalem na kailam miraq.

AMO LUIK DVP (AMOS) 1:14

Arningkhan ngi raq Rabba chela, rekhat wa maq bunlak michaq ha, kiitelong peruk weshaü wiita, wa maq bunlak michaq ha. Reriikhat wan agi asii ramok rachhai, rahai haijong ikha miraq.

JEKERIA 14:3

Kiijiishe Tatiwe kriishe miki. Raüta man na pat na khat wantaq kiikha kra maiqmung ahinti ümchu riiwa Jerusalem kra khattaq, kriiti thun kriishe mikhat wan nong.

TRI CHONGKE 3:11

(Hokhamwe Og ka Rephaim phan wa atiithum hokhamwe riito. Apaiq maa thü chang ka longtek kaü riito. Kriika alu nü na mitar blai kiimaq ajong nü na mitar nai riito. Arka kriipat na langtlaq shinchang maq chongtlo. Kriika ümchaü min Ammoraiqnok hiq Rabba chela na sishat li.)

1 SAMUEL 18:30

Riita, Philistainnok phenlabi ka walili raüta, Israilnok ka khat wa lili riitlo. Shatmaq rekhat akhingtek na, Saul sengibi phong wa siihiipbi ahinti thaq na Dawit ka rekhattek apapa tang wan wan li riito. Kriikha na Dawit mang ka ajong pinthum she jong wanto.