2 SAMUEL 10:8 - ASII LAKDAP Bible (BSI)

⁸ Ammonnok phenlabi ka chap raüta tsangshiqnok chela nyungchong Rabba chela kilamchong kiimaq kheto. Kiimaq Sirianok phenlabi nai Tob chela wa aki phenlabi thun riika rum na wak ram binjü kriimaq khelito.

Hawa Naga Bible 2001

⁸ Ammon miqsaz kuex kaz wuez vtueq tsuingshiq ghaqnyuiuz jungx yaungx yaq Rabba ghaqyungx palx kaluix daungx maq bvmc tueq, vganc Siria miqsaz htenc nuiyc Tob nuiyc Maaka miqsaz htenc rueq kuex yaruix tvnx kox nuex jvp juing tvhungx lvmz wuez tueq.

2 SAMUEL 10:8 Referencias Cruzadas

2 SAMUEL 10:6

Kiijiishe Ammon mungti raq Dawit ka tsangshiqnok ma wesang miishe tiijabaiq kai nguta tsang tsii humto. Kriikha niishe tsangshiq raq Siria mungti phenlabi Bethrehob chela nai Joba chela wa, maiq ka hingroqnai shiipto. Kiimaq Tob chela wa maiq ka hingroqshi ri hingnai shiipto. Kiimahali Maka chela hokhamwe ka asengi maiqwere hingshi nong maq shiipto.

2 SAMUEL 10:7

Dawit raq kra tsütsa lapto. Raüta tsangshiq tiikhatkai apaiq raq Joab ka asengi phenlabi tlotli tiisheaho raüta tiikito.

2 SAMUEL 10:9

Joab raq renok raq apaiq ka khaki nü miimin kiimaq jainü miimin mikhat nguta sapto. Kra ningkhan she apaiq raq Israilnok phenlabi wa pinthum ahong ala, nolajongbi thun kra tsea raüta, Sirianok kra khat miitu she aming kuto.

1 HOKHVMX 11:24

Raüta apaiq ka maiqse tri na ri-tsi mak pantlat na haiseati kong kra triitam raüta, apaiq ka tsangshiq khuthaq na wela miishe jakito. (Arka Dawit raq Hadadejer ka khat raüta tangtaq raüta, Hadadejer rai reraüshi maq pongti Siria mungti rewe thun kriimin khat raüta jiipbaiqtaq kra jai niishe riito.) Rejon nai asengi kong ka Damaskas chela na wawanto. Raüta asenginok raq apaiq ka Siria mung thaq na hokhamwe miishe shongto.

1 KAÜWA WERAÜ 19:7

Krai mren tsangshiq raq kumrang leng hingroqtsam ri hingnai shiiptaq kra kiimaq hokhamwe Maaka phenlabi thun ka kito. Raüta Medeba wang tho na piitiip teito. Kiimaq Ammonnok kiimin tsang mung na chela thun kiiwa kunli kito. Raüta arkhat miitu tiijeje riito.

1 KAÜWA WERAÜ 19:9

Ammonnok rewebi ka kito. Raüta tsangmung nyungchong Rabba chela kilamchong tho maq kheholito. Kiimaq hokhambi mung ahin wa akhrumkaiti akiti riika hiqshong thun wak ram binjü kriimaq kheholito.

JEREMIA 40:8

Krai mren, Nethania se Ishmael, Karea se Johanan, Tanhumeth se Seraia, Netopha hiq wa Ephai setiim, kiimaq Maka hiqti Jejania thun ka tsangshiq kongtibi thun shea raüta Mijpa chela na Gadalia rai riihumwa wawanto.

WEAWEA 13:21

Krai mren, siwebi ka shekhu nü nü wang kiina wa wanto. Raüta mung ka shemai nü na Jin rumnyangkhi wang maq sipha wan raüta, shekhu nü wang na Hamath Pumchit tho na Rehab wang binjü na saüli siwanto.

JOSHUA 19:28

Raüta Ebron, Rehob, Hammon, kiimaq Kana kriithun tiiham wan raüta, shekhu nü pinthum tiisup na Sidon chela kriijaq tiisupto.

PHOWEBI 1:31

Kiimaq Ashar phan riimin Ako chela, Sidon chela, Ahlab chela, Akhjib chela, Helbah chela, Aphek chela, kiimaq Rehob chela na siti Kanannok ka jobaiqlot mak dea riito.

PHOWEBI 11:3

Kriikha na, Jephtha ka aphutiim phawa juhoto. Raüta Tob chela niishe sikito. Kiijaq apaiq raq akongtibi pontiiwa na haiseati kongshi apaiq rai triitamto. Kiimaq tsangshiq kiimin apaiq rai pong wanto.

PHOWEBI 11:5

Kra redong wan kiitiishe, Gilead wangti welabi ka Jephtha ka Tob chela wa tiijang sheakai she kihoto.