2 SAMUEL 1:2 - ASII LAKDAP Bible (BSI)

² Kriimaq napjai ranaiq na, Saul piitiip wa jerowe ashi saükito. Kriiwe raq atsanbitsi dea nguta tiichhike miitu adü na asam khea kra achai riito. Kiimaq akhupo na hiq maq nyatto. Raüta apaiq ka Dawit phana wato. Raüta hiq na ku saq raüta, Dawit ka shreng noqto.

Hawa Naga Bible 2001

² Nvp kvyix raungnuiyq yalxrox washiz kuex Sholu jerak maq httuiuc kaz vtueq piq khoz vkhvy htenc juir gay ruiux vkhux nuex bokkhuyx maq kvwuinc vtueq vyonz vyec lvmz kuex tvkhic tueq. Piq kuex Dawid kox nuex kaz vtueq ghaq nuex bumx ruiux tvtsanc nganc kuq tueq.

2 SAMUEL 1:2 Referencias Cruzadas

RAPHA HIQWA LAK 22:4

Ranaiq tsam wajai she Abraham raq kra hiq ba ka aluwiq na chhito.

RAPHA HIQWA LAK 37:29

Kiimaq ümtiikiiwa Reuben ka khappong na jangwa raüta liikiita, Joseph ka kiijaq ahü riito. Kra ningkhan apaiq raq adü na asam khea kra atsan bitsi ma chaiham chaihea she chai baiqto.

RAPHA HIQWA LAK 37:34

Kiimaq Jakob raq atsanbi tsi ma adü wa khea kra chaiham chaihea chai baiqto. Raüta wunthaü riinaü miirii ka samto. Raüta ase maaho rahiq luhea hoqsiqto.

RAPHA HIQWA LAK 43:28

Tsangshiq raq treto, “Ümjaqshise, naiwe ka ümchaü min asi kiimaq ahea hansang.” Raüta tsangshiq ka apaiq khaki na hiq na bum rang raüta noqto.

2 SAMUEL 1:3

Kiijiishe Dawit raq apaiq ma waito, “Ümniika ümriiba maq aki haü wa?” “Ngi ka Israilnok piitiip wa lun lata ajuha,” nguta apaiq raq treto.

2 SAMUEL 13:19

Apaiq raq tapkhu ka ajaq na hin raüta, akhakam kiijaq nyatshatshat she nyatto. Kiimaq adü na asam junrii wahüse miirii kra chaiham chaihea hea raüta, atok ka hiq nü na kushat miishe ajaq maq amak phang shat miishe aho gushgu lam miishe kihoto.

2 SAMUEL 14:4

Krai mren kriinyung ka hokhamwe phana wato. Raüta hiq na bumsaq raüta shrengto. Kiimaq akha nguto, “Chaü lei, ngi khrum kuqlaq!”

2 SAMUEL 15:32

Dawit ka kra kinse khuthaq na, shomnoq chang hiqba min asi, kiijiishe saüto. Raüta liikiita, apaiq ma aphunowe tsanwawe Hushai Arkaiq phan ka akhu akhea thun kra chai raüta, kiimaq akhakam na botkhulai maq nyat raüta, apaiq rai riihumto.

2 SAMUEL 24:20

Arauna raq ra maq liikiita, Dawit nai asengi ajong alabi thun ka apaiq phana awarai chhito. Apaiq ka Dawit khaki na hiq na bumki tlii she riito.

2 SAMUEL 4:10

Ngi ma Jiklak chela na tsasoq wantiwe raq, Saul ka tsaikito she nguta tsütsa chongke wantiwe raq tiima ka, ngi ma tsütsa ahea khla sokuq wan tiikang nguta tiimato. Shatmaq ngi raq apaiq ka lap lata atiitsea riibaiq kang. Apaiq raq ngi ma tsütsa ahea soke wan poksi ka, kriili kuqkang!

ESTHAR 4:16

“Kilaq, laüta Susa chela na Jehudinok mungmaiqse ümchuwa sitlaq kra tarü adam na triitam laq. Lanta, ngi miitu amang maq achu jaü ronglaq. Anaiq naitsam, awa watsam, jamlai min naq phaqsiq rongkiq. Kham min naq nyang rongkiq. Ngi riimin, ijaqshisetiim jechaksere rai, namshiq rai adam na achu mijaükang. Kra lot jai shetiq, tri na hongmak li jiimin, ngi ka hokhamwe rai riihum wa she miwa kang. Riita kra miitu, ngi ka atsai chang she dea jiika, bam laq. Ngi ka mung miitu mitsai kang.”

ESTHAR 5:1

Ranaiqtsam she angu na, Esthar ka hokhamnyung miirii maq tiimiito. Raüta hokhamwe ngachang khok mong kilam chong na chap wato. Hokhamwe ka khokmong na hokham ngacho jong na ngaraüta kilam chong nü na nyiraü riito.

Tvtsvmc 66:3

Shiikeawe ma ngu ronglaq, “Ümjaqsham thun ka amao chang siisaq! Ümningkun heng ka jonghea kra ningkhan ümjaqti thun ka tsanghaisitsi ma ümjichong na bumtlo.

EJEKIEL 27:30

Tsangshiq tarü raq ümniimiitu kai hoqsiqtlo, Tsang khu na botkhulai phongtlo, raüta tapkhu thaq na küram liira hoqtlo.

Hosea 6:2

Ranaiqnai riimakla ranaiqtsam liipan niili, apaiq raq nashiq tsitsü mitiichümkuq, kiimaq nashiq ka apaiq wokhong na misi rong i.

Yoel 2:13

Namkhu namkhea chailanta riimak, namtsantsii ka chai lanta, Warong ra, jang wan ronglaq nam Tati Shiikeawe phana. Apaiq pinthum ka mangchan rümtiwe. Apaiq ka pinthum anin wantiwe. Apaiq kiqkham ka tiipoi mak phan. Apaiq ka shokkhot nokhot tsiiti, mra kechang lam wa tsii klaitlo.

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

JOSHUA 7:6

Kriikha niishe, tsanbi hosi tsi nin wan lot mak she raüta, Joshua nai Israilnok maiqlare nyungwere thun kra, tsangdü na asam khu akhea kriimin chaiham chaihea raüta, Tatiwe Tongshong Tek khaki na hiq na bumrang achu jaü hoqsii trang wanto. Raüta kiijaq ranap chu maq riita raji na saüli, tsangkha kam na botkhulai maq nyat raüta tsanbi hosi tsi ma akap atsea hoqsiqto.

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.

1 SAMUEL 20:41

Kra nonose ka wawan jaishe, Dawit ka longrong jai kiiwiishe dongkito. Raüta alakü maq kaütsrong na hiq na bumtlii tiithongtsam bumhihi Jonathan man na bumto. Tsangnai wiita, apaiq nai Jonathan ka ahotrang liishe riito. Raüta weshi raq weshi theaphi na silu lungwii riishupto. Dawit tsanbi ka Jonathan tsanbi nam miimin achan riito.

1 SAMUEL 25:23

Riita Abigail raq Dawit ka chhi raüta, apaiq ka tlothit kumtoq raikhü wa hiq na satkisaq riito. Raüta apaiq ka hiq na lakü maq ngasaq,

1 SAMUEL 4:12

Benjamin phan wa maiq weshi ka rekhat rü maq ju raüta, Shilo na kra ranaiq niili saüto. Apaiq tsanbi hosi tsihea kra tiichhi miitu, adü na asam akhu akhea ka chaiphaiphai chaibaiqto. Raüta akhupo na hiq maq nyatto.

1 SAMUEL 4:16

Kriiwe raq nguto, “Ngi ka rekhat rü wa lunkang. Lata ümchaü ranaiq minru ana saüli jukang.” Eli raq apaiq ma waito, “Ise lei, riita jamkhiiwa?”