2 Peter 3:7 - ASII LAKDAP Bible (BSI)

⁷ Kiimaq ümchaü ara ra thun nai mangjong hiqdiim sitlaq armin, Shiikeawe aming ningkun maq sii hali shiikum pan raüta rüm tlo. Armin ranaiq shishi ka, wa maq tiikhiim chaq raütiishe shiithen baiq wan miitu rüm tlo. Riita ara ra nai hiq ümchaü Shiikeawe raq rüm tlaq arka, jai maq Shiikeawe lamphan sapmakti abi maiqse thun ümchuwa sitlaq kriikha phokuq tlaq akhing na tiinamtok thaübaiq wan miitu rüm tlo.

Hawa Naga Bible 2001

⁷ Yuq muinz Tishox rueq majuiuc httax yaq raungx nuiyc ghaq vruex kuex wvr maq tvbac juiuz gay nuex httuiuc laz kvruex vnvrc bomc kuex httax hvt dvyx httax yaq. Tsuingshiq kuex tvrac tvtsanc muq miqsaz htenc rulc vdvmz phox vtueq tvbac gay raungnuiyq nuex httuiuc laz taq hvt dvyx taq yaq.

Muklom

⁷ Etharin Shkewa raaqkhat wang hun mungtan nia mingkang thanga tho atha, bara tashit chak ma shing aa; etho rangwa ahung miq phung ma etho uthun saal náng thula irimal hun shing na.

2 Peter 3:7 Referencias Cruzadas

Tvtsvmc 102:26

Kriithun ka athum mirki, shatmaq ümniika siruqli misihaü; kriithun ka wiita khea riimkitlaq ikha miriimki. Ümniiraq kriithun ka kheachüriim phong ikha mitsuqbaiqhaü, kiimaq kriithun ka wiita amaqshe mirki.

Tvtsvmc 50:3

Nashiq Shiikeawe kitlo, shatmaq kaishakshakse miika riimak; akhaki na walü henghea nyaitlo, atro na rathaiq henghea asi.

ISAIA 51:6

Ramungtan thun kra liilaq; mangjong hiq kra liilaq! Ramungtan thun ka wakhuk mongtlaq ikha rahai raq mipan wan; hiqraikhü ka kheadiim chükii ikha miriimki, kiimaq asengi mangjong maiqse ka shecham kong jiimtlaq ikha mijiim. Shatmaq Ngi raq tiichhiiwan tiikang kriika pattup pat-sa mitsing. Ngi raq rekhat tangtiikang kriika atiisup jaqsham.

ISAIA 66:15

Tatiwe ka watu rai miki. Apaiq ka rathaiq raikhü na ngaraüta misaüho. Raüta apaiq rai tsan arkhiq sitlaqti thun kriima mo mitiiho.

DANIEL 7:9

Ngi raq liishat imakki na, hokham ngacho phong tiihongto. Rathup Raphawe ka, ngacho phong wa ashi na ngato. Apaiq dü na asam khea thun ka, tsak-hiiq ikha lüdiidiihea riito, kiimaq akhubin ka chiisan skurai ikha, lüdiidii hea riito; Apaiq hokham ngacho ka, watu jikom thaq na shongto, watum nyaitlaq ikha nyaitlo,

JEPHANIA 3:8

“Kherong liishaq” nguta Tatiwe raq ngutlo, “Khe ronglaq ngi raq maiqmung thun, shrawan akhing ranaiq kra miitu. Ngi raq maiqmung thun nai mungtan thun kra, adam na riichom wan miitu, itsan na thapthi wan kang she. Kriika tsangshiq ma itsankhiq walü nyaitlaq, kra heng kriimaq tiike wan miitu. Mangjong hiqhraikhü tlotli ka, tsangshiq wa maq chaq lata, wiita mitiikhiim baiqha.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Matthew 10:15

Ngi raq chongtii- kang arka tengteng. Liirong laq, Phangthum Khapho Ranaiq na Shiikeawe raq kra chelati thun thaq na, Sodom chelati nai Gommora chelati miika, phanshi mangchan apa linlin mitiichhi kuq wan!”

Matthew 11:22

Ngi raq chongtiikang arka tengteng. Phangthum Khapho Ranaiq na Shiikeawe raq namshiq nam ma Tajar nai Sidon chelati ma mangchan apa lin mitiichhi kuq!

Matthew 11:24

Namshiq ka khekham maq siwan rong liijo. Phangthum Khapho Ranaiq na Shiikeawe raq namshiq nam ma Sodom chelati ma mangchan ka apa lin mitiichhi kuq!”

Matthew 12:36

“Ngi raq chongtiikang arka tengteng. Phangthum Khapho Ranaiq na maiq khumtek raq maiqmii nübok maq ümchuwa shiiton hü maq bomtaq, kra bomtsi awea, apaiq raq bom tre chang miraq.

Matthew 24:35

Ra nai hiq ka athum mirki. Shatmaq i bomchong arka poimak phan.”

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Mark 6:11

Namshiq kitlan chelati raq, namshiq ka tao mak nai namshiq raq traho bom chongkuq tlan kra taimak she la riihaü jiila, namhok phi wa, botkhulai kra jai nü na nyi lanta naübaiq thü lantiishe wawan ronglaq. Kriika tsangshiq ma Shiikeawe manson ka asi lii nguta chongthü she!”

John 12:48

Riita kriikha na, jurwa ngi ka shipoq tlaq, kiimaq i bomtsi ara lang mak riitlaq, kriiti khaphoke wanti ka phowe asi miraq. Ara ngi raq chongkuq tiikang i bomtsi arli she, phangthum ranaiq na, apaiq kha phoke wanti phowe ma mija!

Romans 2:5

Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.

1 Corinthians 3:13

Kiimaq maiq khumtek raq ahea, abi minshiiq tlaq kriika, Khristo saükai akhing ranaiq niishetiq mitiichhi kuq wan. Ara jamkhano chongtiikang ngukla, maiqse raq ümchuwa jaqsham wantaq kriika, kra Ranaiq na wa maq michaq. Raüta, wa maq chaq raütiq, jaqsham ka ahea sha abi wa sham wantaq kra mitiichhi kuq.

Philippians 1:28

Namshiq jaqtibi miika naqhai rongkiq. Jang wrap she srea nola ma ja lanta si ronglaq. Riita, arka tsangshiq ma hakhi ashi miraq. Tsangshiq riika tangmak miraq, namshiq riidea mitang han nguta misap. Jamkhano ngukla, namshiq rekhat ka Shiikeawe raq mitiitang kuq.

2 Thessalonians 2:3

Namshiq ka maiq ma mo tlao naq tlao rongkiq. Phangthum ranaiq ka mosaü kai ka saüki mak. Phangthum ranaiq saüho miika, mangjong maiqse apako raq, Shiikeawe lam ka phan wan mak she miraq. Kiimaq, Abi Thawe kriishe misaüho. Apaiq ka Shiikeawe ma wesang. Shiikeawe raq apaiq ka wamungtan na chaq baiq miitu dongdii athiiq arwan.

1 Timothy 6:9

Shatmaq, maiqse angu liipan na, juwa chiithe ma jawan hajaq nguta süram tlaq, kiikhiiti ka, sükha ngarai thiikho na dea tlo. Raüta, Thawe raq bi tsan tlaq kiijaq min rai tlo. Tsangshiq ka ajiq shakaq sükha kharü maq tiikha raüta, atiisup na tiimiqchup she tiidea hitbaiq tlo.

Hebrews 12:29

Jamkhano ngukla, nashiq Shiikeawe ka bunlak buncha khiim chaqti watu.

2 Peter 2:9

Arthun manphan arwa nashiq raq sap tiikai, Shiikeawe raq kechu maiqse ka tsangshiq rilung na chamchao maitai ümtinkhan wa riihum tlaq kiiwa, jamkhii tiichhiike wan chang wa kra asap. Kiimahali Shiikeawe riika ngarai maiqsetiim ka kharü maq kha raüta, Phangthum Khapho Ranaiq miitu thü wan tlo.

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

2 Peter 3:12

Riita namshiq raq, ara chongtiikai Shiikeawe raq mangjong maiqse kha phoke ranaiq saükai, namshiq raq khewan tlan kra ranaiq ka jaqloli tiisaüho miitu, phanrap namshiq raq lot tlan lan, athuk atsom jaqsham kra sham lanta singa kli shiikut chaq rong laq. Kra ranaiq na ra thun kra wa riishe wiita mikhiim baiq. Raüta wiita mithenki. Kiimaq ra na diim tlaq raiqsaiq jipi thun ka wa riishe khiim baiq raüta wiita ajam mirki.

1 John 4:17

Shiikeawe raq apaiq lungwiitsii ka nashiq mongjii na, asho awo tiima thap kuqto she. Ara tiima thap kuqtaq arka, Phangthum Khapho Ranaiq na nashiq ka tsailam jilam maq chap wan miitu kuqto. Kra Ranaiq nashiq ka tsailam jilam maq, misi rong i. Jamkhano ngukla, ümchaü nashiq rilung ara mangjong hiq maq, Jesuq rilung jamkho siwantaq kiikha sitiikai.

Jude 1:7

Kiimahali, namshiq raq tsan na tiitsang shat rong laq, Sodom nai Gommora chelati nai kra chela nai tho na siti maiqse ahinti thun riimin la, rasetiim raq tangtaq kiikha sethoq ngarai nai hi-awaq ikha riinyat shat ngarai kra tang raüta siwanto. Kriikha na, tsangshiq ka pattup thum mak phan wa maq, tiikhiim chaq baiqto. Kriika maiqse angu tarü ma, hon chongke miitu shiithen baiqto.

Revelation 17:11

Kiimaq kra ngamthaiq kaü ka, man na atra riito. Shatmaq ümchaü ka ama she. Kra kaü kli hokham wetiichat ngoja we riito. Apaiq ka hokham wemiishi phong wa ashi. Apaiq ka ümchaü chongthum ma tiija baiq chang she.

Revelation 17:8

Kra ngamthaiq kaü ka man na atra riito. Shatmaq, ümchaü ka amaa she. Apaiq ka wulum mung wa saü wan nam nam she. Kra saüwa raüla, ngamkaü ka atsea she mirbaiq. Mangjong hiq na maiqse diim tlaq kiiwa, ümriiti mang wa atra lakdap na, ra nai hiq miphan sang wan shaq niiphü dongdii waiq thü hü, kriiti thun tarü raq, ara ngamthaiq kaü sham na lii raüta, kai awang mirwan. Kriika man na atra riito. Shatmaq, ümchaü ka atra riimak she. Shatmaq, ngamthaiq kaü ka thongshi ri hali atra misam wa nong.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.

Revelation 21:1

Kiijiishe, ngi raq ra nai hiq ka anye she chhikang. Apha wa ra nai hiq ka akoq she riibaiqto. Kiimaq sammoktra jü kiimin ahü she.