2 Peter 2:6 - ASII LAKDAP Bible (BSI)

⁶ Nashiq raq asap i, Shiikeawe raq Sodom nai Gommora chelati kha ka phokuqto. Raüta tsangshiq chela anaiti ka wa maq tiibunlak chaq baiqto. Shiikeawe raq ara chongtiikai manphan armaq nashiq ma tsii chhi wan lam tiichhi chongkuqtlo, rawiichii niimin Shiikeawe lamphan sap mak maq ngarai lam phanti ka akhiisii Shiikeawe raq mishthen baiq.

Hawa Naga Bible 2001

⁶ Tishox rueq Sodom nuiyc Gomorra ghaqyungx kuex wvr maq tvbac gay ruiux, tvrac phvnx muq jix htenc nuex yvmx khoc lac yaungx wvnc yaq nguinx layx tvkhic juing tvhungx shec tueq.

Muklom

⁶ Etho Shkewa Sodom nia Gomorrah ajong samhaq tang tha wal eq takham chak eq botkhi ma hun chak ta etho ukat ang pha rangwa ahung tang ma ashey raaq tathak shing ta.

2 Peter 2:6 Referencias Cruzadas

RAPHA HIQWA LAK 19:28

Raüta apaiq raq Sodom nai Gommora chela nai kra hiq thung tan tlotli ka nü na liito. Kiimaq hiq thung tan hamli na watum jonghea mong wa adong wan ikha wakhuk mongwa kra chhito.

ISAIA 1:9

Riita Tati Ajong Pinthum raq khup wongkuq mak nguraü ka akha aso amose dongdii min tiichong mak, Sodom nai Gommora chela then wantaq kiikha ara Jerusalem chela armin laimiq mitiithen baiq wa.

ISAIA 13:19

Bebilon mung ka maiqmungtan thun wiita thaq tsomhea pinthum; arka tsang mungti tiitsakisea chang khushü. Shatmaq Ngi Tatiwe raq Sodom nai Gommora tiithenbaiqkang kiikha Bebilon mung ka mitiithen baiqha!

JEREMIA 50:40

Ngi raq Sodom nai Gommora kiimaq kra wiinai tho na siti chela thun tiithenbaiq kang kiikha, mitiithen baiqha. Kra chela thun na maiq ka jumin simak she miraq. Arka Ngi, Tatiwe raq toqtan tiikang.

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

AMO LUIK DVP (AMOS) 4:11

“Ngi raq Sodom nai Gommora chela shiithen baiq kang ikha, namshiq phong wa maiq wiijam shiithen baiq kang. Kriiwa aso wathiq chongpot ikha, tiisambaiq wan kang. Shatmaq namtsii chhi wan man dea. Kiimaq ngi phana jang wan man dea,” nguta Tatiwe raq ngutlo.

JEPHANIA 2:9

Ngi ka tengteng atra Tati Israilnok Shiikeawe raq, tumkhamkok tolata ngutiikang, Mob nai Ammon mung ka, Sodom nai Gommora ikha mitiithenbaiq. Raüta shumkho bok thunli she mijawan. Kiimaq hiqmiq changkhü ma mijaki. Sangphii riili she milam wan; Isenginok jaqsong tiichongtlaqti raq, kra hiq thun kra jiiwan raüta, misiq wan.”

WEAWEA 16:38

Kra wawinpin thun ka ümtiikiiwa Tatiwe berong wacha na kuqtaq kriikha maq asii she jakito. Kra ningkhan tsangshiq ngarai tang kha na tsaitaq wetiim wa winpin thun kra adam na riichomlaq. Laüta pisaisai diimsetiim ma tiiqlaq. Laüta kra diimsetiim maq berong-wacha kra joblaq, kriika Israilnok miitu tsii lam chang saqse misilaq.”

WEAWEA 26:10

Hiq ka kha raüta tsangshiq thun ka hiq raq jok wanto, kiimaq tsangshiq ka Kora nai asenginok rai adam na wa raq khiim raüta maiqwere 250 jiimtaq kiijaq tsai damto. Tsangshiq jiimtaq ka mungmaiqse ma honlam bom chong ma jato.

Matthew 10:15

Ngi raq chongtii- kang arka tengteng. Liirong laq, Phangthum Khapho Ranaiq na Shiikeawe raq kra chelati thun thaq na, Sodom chelati nai Gommora chelati miika, phanshi mangchan apa linlin mitiichhi kuq wan!”

Matthew 11:23

Kiimaq Kaparniam chelati le! Namshiq ka ra niishe dü wan rong i ngutiisha dan tlan ngu kai? Namshiq ka wamungtan niishe mitiidea baiq kiiphan! Namshiq hiq na ümchuwa awang chang jaqsham wantaq kra, Sodom chela na shamkuq wantaq ngu raü jiika, Sodom chela ka ümchaü min asi li riichang wa!

Romans 9:29

Ara khapho kewan arka, Isaia raq man na bom chong thütaq kra phan phan miraq. Apaiq raq akha nguta chongthüto, “Tatiwe Ningkun Ajong Pinthumwe raq, nashiq lai ala phan arwa, phanshi ra aso ano tiichong kuq wan mak dea ngu raü jiika, nashiq nok arka, Sodom nai Gommora chelati ikha, chongthum ma mija rong i wa,” nguta chongtlo.

1 Corinthians 10:11

Riita ara richü we manphan waiq thütaq, arka nashiq ma sungkhu tsii lam chongke miitu she waiq thüto. Tsangshiq ümchuwa jiimtaq thun ka nashiq ma tsii tiichhike miitu. Ümchaü nashiq pat sitiikai arka, phangthum wan pat she. Phangthum wan miika rahiq ka ajeli she.

TRI CHONGKE 29:23

Wak ram thun ka shaqmii shin ram shinriiq miraq. Hiq ka kan phong raq nai shum phong riili she amaa miraq. Jamlai chhijang kai min maimak miraq. Kiimaq sangphii dongdii min cham mak miraq. Nam mung wa hiq thun ka Sodom nai Gommora hiq kiikha miraq kiimaq Adma chela kiimaq Jeboiim chela thun Tatiwe raq atsankhiq henghea kha tiithen baiqtaq kiikha miraq.

Hebrews 4:11

Riita, ara chongtiikai arai mren, lo ümchaü min, nashiq wiitarü kunli raq, kra chongtlaq nii atsak rilung kra lap wan miitu tsapsaü kapse maq, kamasham lamphan na shiikut chaq wan ruq miili si rong i na. Kiikha si hai jiika, natitiim pat na tsangshiq kamtsantsii ajom kha maq, lamkampii miili chhan wantaq kiikha, nashiq ka chhan wan mai miraq.

Jude 1:15

Raüta ngarai maiqse kunli kha ka mipho kuq. Raüta, tsangshiq raq phiiptsi jiiptsi ümchuwa ngarai tangtaq thun nai Shiikeawe ma ashut bomtaq thun kra kha phoke kai miki!” nguta tiithai thiito.

Jude 1:7

Kiimahali, namshiq raq tsan na tiitsang shat rong laq, Sodom nai Gommora chelati nai kra chela nai tho na siti maiqse ahinti thun riimin la, rasetiim raq tangtaq kiikha sethoq ngarai nai hi-awaq ikha riinyat shat ngarai kra tang raüta siwanto. Kriikha na, tsangshiq ka pattup thum mak phan wa maq, tiikhiim chaq baiqto. Kriika maiqse angu tarü ma, hon chongke miitu shiithen baiqto.