2 Peter 2:21 - ASII LAKDAP Bible (BSI)

²¹ Tsangshiq arka, Shiikeawe raq atiichhikuq Tsütsa Ahea rilung lamphan kra apha miiphü phan wan mak dongdii ngu raü khoti phanshi sainaisam riichang wa. Shatmaq, ümchaü sanha, tsangshiq raq Tsütsa Ahea kiima kamwan raüta, man niiwa rilung lam chü kiina jangho nong tlaq krai mren, tsangshiq rilung ka man na apha na jamkho lea wantaq kra nam miimin tiinanpot, aliikai chang ahü she.

Hawa Naga Bible 2001

²¹ Tsuingrux lvmx kuex tuiuz wvnc yix maq, miqmac rueq lvp wvnc tix vsawc nvrc bomc kuex yaq gay tiq htauk nuex kvruex lvmx kuex tuiuz miq maq httaz waz kuex pinhtumc vhvlx rvtueq.

Muklom

²¹ Khakla lam sha sam eq, ning ma asang raaqkhat kot ta esha tat moq phey náng eq, esha sam moq o aqhal ang wang ta.

2 Peter 2:21 Referencias Cruzadas

Tvtsvmc 125:5

Shatmaq ümtiikiiwa ümniiraq abi maiqse ma mo tiihotlaü, ümlam phan miimbaiqtibi kra miimin mo tiiholaq. Israilnok ma hansang mirlaq!

Tvtsvmc 85:8

Ngi raq Tati Shiikeawe bom ka tiitsangtaitiikang; apaiq raq nashiq asenginok ka khusang maq mirümha nguta kiqkham kuqto, nashiq ka nashiq angi lamphan na jangho nong mai chong.

TAKSU LAK 12:28

Kechu jaqsham ka rilung lam, Shatmaq abi kiimung ka atsai kai lam.

TAKSU LAK 16:31

Kechu maiqse poksi ka, rilung luhea; khupü butjaja ka achhai anyii khuphok.

EJEKIEL 18:24

“Shatmaq, kechu maiqse ashi raq riikhaqli jaqsham kra thaq baiq raüta, ümchuwa abi jaqsham thun kriishe kloho raüla, abi maiqsetiim raq shamtlaq maiqphai asi thun kra shamho raüla, apaiq ka atra misi sha? Simak! Apaiq raq ümchuwa kechu jaqsham wantaq thun kriika tsan na thümak she miraq. Apaiq ka mitsai, jamkhano ngukla apaiq ka Tatiwe wokhong wa donghoto raüta, apaiq raq ngarai thun tangto.

EJEKIEL 23:13

Ngi raq apaiq ka pinthum sethoq sang nyung chhikang. Ara ano nyungti armin anyi nyung jamkho sethoq jawantaq kra niqriri sethoq jawanto.

EJEKIEL 3:20

“Kiimahali maiqshaqti ashi raq abi kloho khana, Ngi raq apaiq ka tsailam maakho tho na miraq, kiimaq ümniiraq apaiq ma hon chongkuq maü kha maq apaiq ka maiqmii ngarai khana mitsai. Raüla apaiq raq ümchuwa kechu jaqshamtaq kriika Ngi raq tsan na thümangshe. Kiimaq apaiq tsaitaq mat kha ka ümkhu thaq na mitiideaha.

EJEKIEL 33:13

Ngi raq maiqshaqwe ma rilung mikuqha nguta kiqkham mikuqha min ajasham. Shatmaq apaiq raq manna athuk atsom siwantaq kriili hongli miraq nguta tiima raüta, ngarai she la tangho nong raüla, apaiq raq kongkhuji na ümchuwa ahea jaqsham wantaq thun kriika, Ngi raq itsan na thümang she milaq baiqha. Apaiq ngarai thun tangtlaq kriikha na apaiq ka mitsai.

JEPHANIA 1:6

Iwokhong wa juho raüta, ümtiikiimin ngi ritwa makti thun, mitiithum baiqha. Ngi rai riibom wan mak she, hon atsii waiso mak sheti kiimin, wiita mitsat baiqha.”

Matthew 21:32

Ara jamkhano chong tiikang ngukla, Khamlamketi we Johan ka saüho raüta, namshiq ma kechu lam phan kra tiichhikuq wanto. Shatmaq namshiq raq apaiq bomchong ma kam man riilan. Shatmaq phunta hitibi nai mephe nyungtiim riika, apaiq bomchong ma kamto. Namshiq riika ara chhi shat shat taü miimin, namtsii ka klai man dea. Kiimaq Johan bom chong ma kam man dea riilan.

Luke 12:47

“Atijong we raq apaiq ma jamlai jaqsham achong wa, kra sapshat shat taü miimin, kra jaqsham tiije mak maq haisea wanti jaqshise kriika, atijong we raq amo tsihea mitiiho.

John 15:22

Ngi ka ara mangjong hiq na saüki mang dea ngu raü jiika, kiimaq trahokuq kimang dea ngu raü jiika, tsangshiq tiishut chang lam ka ahü mirwa. Shatmaq, ümchaü sanha, ngi ka saüki lata, tsangshiq ma trahokuq wan kang she. Kriikha maq, tsangshiq ngarai bu howan tlaq kra miitu, tsangshiq raq maiqmii khum tiikhe kiqkhii chang lamlu ka ahü she.

John 9:41

Jesuq raq tsangshiq ma chongto, “Namshiq ka makchuk ngu raü jiika, namshiq dü na ngarai kha ka ahü mirwa. Shatmaq, namshiq raq makpiiq sitiikai nguta tiima tlan krai mren, namshiq khabu ka namshiq khuthaq na bumshat li she misi.”

Romans 7:12

Riita, ija, ara chong tiikai arai mren, Shiikeawe raq akuq Thungtri raütu riiwe kla asii dea na. Kiimaq thungtri raq akuq aming thun kiimin asii. Kiimaq tingting. Kiimaq ahea athuk atsom nguta sitlo.

Galatians 6:2

Phanrap sham akai ka, dorangrang pirangrang lanta, sham wan lili rong laq. Ahata namshiq ma Khristo thungtri lang lanta shongnga rilung.

1 Thessalonians 4:2

Ara jamkhano chongtiikai ngukla, Tati Jesuq raq akuq arang maq, naishiq raq namshiq ma asii rilung siwan lamphan ka chongkuqkai she.

1 Timothy 6:14

kuq tiipha arka, ümniima jamlai aming wa kuq wantaq, kra aming thun ka, Tati Jesuq Khristo saükai akhing Ranaiq na saüli, shiiting shrai tsapkapkap maq lang laq nguta chongkuq tiikang.

Hebrews 10:26

Nashiq raq, tengman tlaq bomtsi kra, saptsin wan jai niishe min, ngarai ka jaqla maq tang wan ruqruq miili la si hai jiila, nashiq ngarai tiisii miitu honglu na ataake chang ka ahü she.

James 4:17

Arkha maq, Phungmaiqse ashi raq jaqsham ahea sham chang asi nguta, sapshatshat taü maq sham mak raü ka, kriika apaiq ma ngarai miraq.

2 Peter 3:2

Richü pat na, asii ra shammibi raq chü rüm raüta, Shiikeawe bomtsi riisham bom maq chongkuq wantaq tsütsa kra nai nashiq Tatiwe kiimaq nashiq Chhii wanti we raq ashrinkuq Tsütsa Ahea kiimwebi lümaq namshiq ma chongkuqtaq kra, ümchaü namshiq ma bliiq chongke nong rotiikang.

Jude 1:3

Lungwii phunainotiim lei, nashiq raq tiichhii wan rilung lap wan kai kra thaq na seng lata, ngi raq namshiq ma lak ashi, tlothit li waiq tlo ha jiilei nguta tiima wan kang. Arka, Shiikeawe raq nashiq asengi ma, pattup pat-sa kamasham kuqtaq, ara awongsii maq rüm laita siwan miitu, rekhat wanruq maq sichang nguta tsaido jido bom chongke lak waiq wan tiima kang.