2 Peter 2:18 - ASII LAKDAP Bible (BSI)

¹⁸ Tsangshiq riika shiikong miilong, ni na wamak chang, tiishom ra wan tlo. Kiimaq ngarai han-ngam sethoq ja lam kra phan raüta, Phung na shang nyeti, ranyaq mong wa tiichhii wan phati kra shonron ho tlo.

Hawa Naga Bible 2001

¹⁸ Tsuingshiq rueq vyaq lvmx mawc wvnc jix rvtuimx yaq mungx kvwawc dungc wvnc nyalx jix htenc muex khuec guez kvsomc parc kvjaz kuex jungx vtueq sahtok sapawx yaungc lvmx nuex lvmx shvlc tvyaq yaq.

Muklom

¹⁸ Ning aa thung ahung raaq etho tharangka raaq bat aa. Etho ning ngarey rollung wang phang lattey sha ning aa hanngam tinthin o thaman aa.

2 Peter 2:18 Referencias Cruzadas

1 HOKHVMX 13:19

Krai mren she Juda mung wa awa shammiwe ka kra tikiiwe shammiwe krai apaiq jam niishe wa wanto. Raüta apaiq rai dung phaqsiq damto.

EJEKIEL 35:13

Ümniiraq, Ngi ka shummii shaqshaq ngeng wan laüta, ümchuwa bom wan laü kra wiita Ngi raq ataiha siisaq.

DANIEL 11:36

“Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

DANIEL 4:30

Kiitiikaq apaiq raq akha nguto, “Liilaq! Bebilon mung ka ümtinkhan jongwa! Ngi raq ara Bebilon mung nyungchong ma tei wan kang. Lata iningkun jong nai iphen rung jong hongla kra tiichhikuq tiikang. Kiimaq ikhushü jonglu nai imangchong tsa jonglu kra tiichhi tiikang,” nguta tiishom ra siqto.

Acts 2:40

Petar raq akha tri bomtsi atsin maq trap tru raüta, tsangshiq ma chongkuqto. Kiimaq, arthaq niimin chat raüta, apaiq raq tsangshiq ma, bomtsi ahin miimin, tran tiitsii chongkuqto. Apaiq raq tsangshiq ma akha chong kuqto, “Riita, ümchaü min, Shiikeawe raq Jesuq tsea baiq wanti, ara ngarai maiqsetiim, ara mung na siti khu thaq na, chamchao jonghea tiisaü tlaq kriiwa, namshiq ka tiichhii wan tlo ronglaq!”

Acts 8:9

Kra chela na siti maiq weshi mang ka Simon. Apaiq ka along we ashi ajong dong kang nguta tiishomrasiqto. Kiimaq apaiq raq balashise ka mintin loqle jaqsham tiichhi kuq raüta, Samarianok mungmaiqse ka kai tiiwangto.

Romans 13:13

Riita, ümchaü sanha rawü maiqse jamkho sitlaq, kiikha athuk atsom miishe shongnga rong i. Ümchaü sanha, hi-awaq ikha kiijoq kiicham, cherop tsampii riinyatshat ka raa mak she. Kiijoq kiicham maiqtsai ngamhai riinyatshat, tatso wawo maq, kiimaq makshu rashe maq siwan ka raa mak she.

Ephesians 4:17

Riita ara chong tiikang arningkhan, ngi raq Tatiwe mang maq, namshiq ma honlam tsii chong kuq tiipha ara, tiitsang tairong laq: Namshiq ka ümchaü sanha, thatsang maiqse sitlaq ikha naq sirongkiq she. Tsangshiq tiima tsantsii ka thiihü shaqmii rüm tlo.

2 Thessalonians 2:4

Maiqse raq phra nguta ümchuwa shomnoq tlaq thun ka, apaiq raq angeng mirwan. Raüta, apaiq kli she, wiitarü thaq na ajong pinthum nguta, mihongla wan. Raüta, apaiq kiitiina Shiikeawe nguta, Jerusalem Shomjam mong na minga wa.

James 5:5

Namrilung ka ara mangjong hiq maq, wok phetaktak, tiipong tiipii, namwok triim lanta siwan lan. Namkhum ka minsaü pongsetiim apü wiq, ataa phaq ma rüm tlaq ikha, Phangthum Khapho Ranaiq na, Shiikeawe rung na chap wan miitu she tiije thü wan lan.

2 Peter 1:4

Shiikeawe raq nashiq ma achong lot mai achu shiiman mikuq ha nguta kongphiq akhakuq, kriika ümchaü nashiq ma kuqto she. Arka nashiq khum na Asii Wenyi kuqtaq kra nangnga chongtlo. Ara ningkun lümaq, nashiq rilung ka ara mangjong hiq na, maiqse ngarai sükha tsii raq, ümchuwa mangjong hiq na siti maiqse khum, shiithen baiq tlaq, kiiwa nashiq khum ka mitiichhii kuq. Kiimaq nashiq ka, Shiikeawe setiim awongsii ma mitiija.

2 Peter 2:14

Tsangshiq riika sethoq sepii jati jechakre rai hai nga dam kli rittlo. Tsangshiq tsan mong niika ngarai rilung peosea kli walü wa ikha nyai tlo. Tsangshiq raq kamasham na jehin nore ikhiiti wiita tsangshiq thiikho na tiithap wan tlo. Tsangshiq tsan atsii ka ngarai sükha tum raq aliim wan wishe. Tsangshiq ka Shiikeawe manson walü mong niishe sitlo!

2 Peter 2:2

Arot shrabi raq ashe, sethoq ngarai tang tlaq kra chhi raüta, Phungmaiqse pahea raq tsangshiq jai ka miphan. Tsangshiq rong arai abi kra thatsang maiqse raq chhi raüta, Khristan rilung lamphan kra abi nguta thatsang maiqse raq michongsiq.

2 Peter 2:20

Ara ngarai khamchum mangjong hiq na riitsam nyiim tlaq ara mong wa maiq tiichhii wan tlaq kriika, tsangshiq raq nashiq Tati kiimaq nashiq Chhii wanti we Jesuq Khristo ma kamwan raüta tiichhiitlo. Shatmaq, tsangshiq ka man na jamkho siwan taq kiikha rilung lamphan achü na hali jangho nong raüta, tsangshiq hanho phara ngarai rong arai kharü mong na thongshi ri hali jangki nong raü ka, tsangshiq rilung ka Phung na mishang shaq na sitaq kra nam ma tiimiqchup naolaq she miraq.

2 Peter 2:7

Nashiq raq asap i, Shiikeawe raq Lot ka tiichhii kuqto. Lot ka kechu maiqse ashi riito. Lot ka apaiq pat wa mungmaiqse ngarai na riinyat raüta siwan kra chhi raüta, kai ngila ngu raü mit simak pinthum maq siwanto.

2 Peter 3:17

Shatmaq, kongtitiim lei, namshiq raq arka asap han she. Kiimaq namshiq ka namshiq kamasham rangchong phataqtaq maq sitlan kiiwa, ara ahea abi sapmak tri jinti kong raq ajiq lam phantlaq kiina namshiq kiimin dea wan man chang miitu honkamshat maq sironglaq.

Jude 1:13

Tsangshiq raq ngarai jaqsham tlaq arka, sammoktra kham raq takii na ashe khamphom tsuqbaiq tlaq ikha. Tsangshiq ka pongmü riimü khumti, ra na raiqsaiq khumtlaq ikha. Tsangshiq miitu, makse riimin khonlot mak chang, ranyaq jonghea ka Shiikeawe raq tiijeje she thü tlo.

Revelation 13:11

Kiijiishe, ngi raq mangjong hiq mong maq adong wan ngamthaiq kaü ashi hali chhi nong kang. Kra kaü rong ka anai. Arong ka Skuse rong ikha. Abom ka prenkaü bom ikha bomtlo.