2 Peter 2:10 - ASII LAKDAP Bible (BSI)

¹⁰ Akhek, Shiikeawe riika hi awaq ikha ashe ashi riinyat shat raüta, Shiikeawe raq akuq aming tri raü thun jin raüta siwanti thun ka, Shiikeawe raq mitiichamchao wan. Ara arot shrabi arka angi nolabi, raweahü maiqsetiim kong. Tsangshiq ka ramungtan na siti ningkun ajong rümti rasetiim miimin anato ahü shummii shaqshaq sitlo.

Hawa Naga Bible 2001

¹⁰ Gvnngvmx vshuy vshac lvmx nuex phvnx vtueq Tishox vrangx vpangx kuex wvlc guez jix htenc rueq kvkhoc phvnx htenc rvhumc wvnc tuex. Vruex vrot vkaq tvluingc waz bix kuex pinhtumc khvmc vtueq ngamc yungx ngax yungx maq raz tueq raunghtauk wawc ngauz vngax vhttax jix htenc muex tvtsanc nganc lvmx tvkhic muq maq tsuingshiq kuex yomnamc wuez yaq.

Muklom

¹⁰ Eshi jashit miqtang shey sathuk tinthin o tong aa etho ning aa Shkewa jakkhung o tong moq. Eshi jashit tataltey tang sha tharangkatey nia cho moqtey tang etho mungtan atharang phan tang sha ning aa rangka moq etho eshi tang sha junnam eq aa.

2 Peter 2:10 Referencias Cruzadas

RAPHA HIQWA LAK 49:6

Ngi ka tsangshiq bomhuk riichong lom dam mang, Kiimaq tsangshiq ngongthun niimin ngadam mang, Jamkhano ngukla tsangshiq tsankhiq tsi ma maiq tsat baiqto, Kiimaq minsaü pongwe thun hok ka tsangkhiri tsi ma tiingoqto.

2 SAMUEL 20:1

Kra akhing na Gilgal chela na, Benjamin Phan wa, Bikri se Sheba nguta maiq weshi mungshuktiwe asi riito. Apaiq raq boli tsü raüta mungmaiqse ma akha chiiriim raüta chongto. “Dawit jaiphan jamlai liip wa! Jessi se ka tijongwe shea? pintlo rong maiqmii jam na! Israilnok lei!”

1 HOKHVMX 12:16

Riita mungmaiqse raq hokhamwe raq tsangshiq bom ka taimak she riikiita, tsangshiq raq akhiishe gitrangto, “Dawit nai ajamtitiim ka wiitatam she midea wan laq! Tsangshiq raq nashiq ma jamlai jaq wa shamkuqta? Israil mungti singmung maiqse lei, nashiq ka maiqmii jam na pin rongpha! Rehoboam ka apaiq honhon lishe misisiq laq!” Krai mren Israilnok ka apaiq wokhong wiishe donghoto.

Tvtsvmc 12:4

“Naishiq raq bomtiikai kriika milap hai dongdii. Naishiq raq jamlai wa rotiikai kra michong hai, kiimaq naishiq ka jurmin tangtalot mak.”

DUNGWVNC 22:28

“Shiikeawe ma abi naq bomkiq. Kiimaq ümnok ümta rümti welawe ma man naq sonkiq.

THARC TVLUINGC 10:20

Hokhamwe ka naqsai rankiq, maiq raq taimak atsise maq jiimin, Kiimaq chiithe maiqse ka naqsai rankiq, ümtap mong maq jiimin, jursap wushi raq abi lam maq motai miraq, raüta tsangshiq ma mochong rea miraq.

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

WEAWEA 15:30

Shatmaq maiq ashi ra raq sam sam maq ngarai la klo raüla, apaiq ka Israilnok phan noktiwe lo, riimakla pong mungti wanshawe lo, kriika Tatiwe ka ji maq nishishi ngarai tangtiwe miraq. Krai mren, apaiq ka tiitsai laq tsea baiq chang.

Luke 11:25

Krai mren, apaiq ka sichang chü jam kiina mijang wan nong. Raüta, kra jam ka siirairai hea, rong awii min chhii rea je she michhi wa.

Luke 19:14

Shatmaq, tsangmungti raq apaiq ka kai ngengto. Kriikha maq, tsangshiq raq apaiq jai na, tsütsa ka, ‘Naishiq raq arwe arka, naishiq khuthaq na hokham ma tiija wan romai!’ nguta kiimwebi tat raüta bom ka tiichongkito.

Acts 23:5

Kiijiishe, Paul raq treto, “I phan i maq Israilnok. Ngi raq apaiq ka Ramwe Ajong Pinthum we nguta sapmang. Asii Bomtsi na, ‘Namshiq raq namwela ma bom abi naq bom rongkiq,’ ” nguta chongtlo.

Romans 8:1

Riita, ija ümchaü sanha, ara chongkai thun bom raü shat wan ka akhiishe shat wan i na. Juwa Khristo Jesuq rai pumshi hanshi miishe sitlaq, kriiti miika, Shiikeawe raq kha ka nyan mak she.

1 Corinthians 6:9

Namshiq wiitarü raq ashut aphit maiqse ka Shiikeawe sengi ma jawan lot mak nguta chongtlaq kra asap han ahiq na. Namshiq raq maiqmii kli naq tlaophaq rongkiq. Maiq ümriiti riiwa sethoq jatlaq lo, sumla shomnoq tlaq lo, maiqchak maiqse rai kiicham tlaq lo, maiqwe nai maiqwe liipan na lo, jechak nai jechak liipan na lo, hi awaq ikha hai nga tlaq lo,

2 Corinthians 10:3

O, riita naishiq arka, ara mangjong hiq na dea sitiikai ahata. Shatmaq, naishiq ka mangjong han-ngam tiijong miitu ka riikhat mai.

Ephesians 4:19

Tsangshiq ka ajeasi min sapmak she. Tsangshiq raq tsangshiq khum ka, ashe ashi lamphan niili she shaphaq tlo. Kiimaq ümchuwa maiqsai asi kiimung na riinyatshat raüta sitlo. Tsangshiq ka maiq bom taiphan ka riimak she.

Ephesians 5:5

Namshiq raq ara bomtsi arka asap han ahiq, jurwa sethoq sepii ja tlaq, ashe ashi klo raüta sitlaq, lo, asii aram wali sitlaqti (sükha tsii ka sumla noq ngarai) riika, Khristo nai Shiikeawe Mungtan wa achu shiiman ka lap wan lot mak.

Colossians 3:5

Namshiq raq namkhum na ara mangjong han-ngam ramho raq jamlai jaq wa shamtlaq thun kriika atsea baiq raa dongdii she. Kriika arthun ara: sethoq sepiija, ashe ashi riinyatshat, sükha, abi ati kiimung, kiimaq shakaq tsii, (arka sumlanoq ngarai tang) thun ara riito.

1 Thessalonians 4:7

Shiikeawe raq, nashiq ka sethoq sepii ngarai mong na si miitu ka hea wan mak. Shatmaq, nashiq ka, asii arai maq singa wan miitu hea wanto.

2 Timothy 3:2

Maiqse angu ka maiqmii miitu tiimali she, asükha trangli she, ashkong wa trangli she, kiimaq atiibainge wa trangli she miraq. Tsangshiq ka maiqshu wa trangli she, anyung we bom tlea wa trangli she miraq. Maiq ma kechutum ke ka sap mak miraq. Kiimaq apii ashi jam min sapmak she miraq.

Titus 1:7

Phungtu sheati maiqla weshi she nguta sitlaq kriika, Shiikeawe jaqsham tawun howanti nguta sitlo. Kriikha maq, apaiq khum na jamlai phan mrong mra si min maimak. Apaiq tsan na ashkong tsii si raa mak. Apaiq ka mokhiq kai min khiq raa mak. Apaiq ka cherop ja raa mak. Atsan khiq raüla, jasam piqsii pheraiti ka raa mak. Atsan na kampho ma sükha tsii min rüm raa mak.

Hebrews 13:4

Maiqta khan na, maiqlam poi ka wiitarü raq pinthum shreng chang. Ata awii ngutiishe sitlaq kriika, awesetiim nai atanyungtiim liipan na, pinthum riilung riiwii maq siwan raa tlo. Jurwa ashong angawi she maq, maiq ahinti rai sethoq jaki tlaq, kiimaq maiqchak maiqse rai sraki tlaq, kriiti ka, Shiikeawe raq thaq mak, kha mitiiho.

2 Peter 3:3

Namshiq raq ara bomtsi ara tsan na tiitsangdada shaq rong laq. Phangthum akhing saü wan raüla, maiq wiijamti namshiq phana misaü. Raüta tsangshiq ka maiqmii abi ngarai han-ngam ramho kra pao wantibi li miraq. Tsangshiq raq namshiq kamtsantsii, Jesuq ma thü tlan kra minaikü.

Jude 1:10

Shatmiitiq, ara chong tiikai arot shammibi thun riika, tsangshiq raq jamlai wa tak lot mak bomtsi sitlaq, kriika shummii laqpii, chuphit nüphit li saisi tlo. Tsangshiq raq jamlai wa saptlaq kriika, ngarai han-ngam pinjali sap tlo. Tsangshiq ka ngarai han-ngam tsii phara maq jamlai wa sap tlaq kra miitu, rum ngamse kong ikhli, maiq ka kaqho tlo. Kra riili she, tsangshiq ka shiithen baiqtlo.

Jude 1:16

Tsangshiq riika wranaiqshe, abot atsaü wa trangli, kiimaq maiqse maiqtsiiq wa trang tiimin li sitlo. Tsangshiq ka tsangshiq hon atsii abi rüm tlaq kra lamphanti. Tsangshiq ka maiqmii tiishomra sea wa tiimin li. Kiimaq maiq ka shomrasiq raüta, tsangshiq wok tiipaü wan, nanok ka hirii raüta mopsiq tlo.

Jude 1:18

Tsangshiq raq namshiq ma, “Jai maq phangthum wan akhing saü wan raüla, namshiq shummiiti maiq midong wan. Tsangshiq ka maiqmii ngarai han-ngam ramho lamphantibi kong miraq,” nguta chongkuq thüto.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.

1 SAMUEL 10:27

Shatmaq maiq wiijamti pantlat na siti raq akha nguto, “Riita arwe raq nashiq miitu shamhea kaiwa ka misham lot shea?” Krai mren tsangshiq raq Saul ka shipoqto. Kiimaq tsangshiq raq apaiq ma jamlai kongphiq min kuq wan mak riito.