1 SAMUEL 9:7 - ASII LAKDAP Bible (BSI)

⁷ “Riita, nanai apaiq phana kihai jaq, phumramkham miitu jamlai wa mikuqho i?” nguta Saul raq waito. “Nanai thongkhiiq na aphaq sea chang jammin ahü she, kiimaq apaiq ma keho chang nanai jaq na jammin ahü she, shea asi wa?”

Hawa Naga Bible 2001

⁷ Sholu rueq, “Naungnueyc piq kox nuex kaz ruiux yuq, yvmx lac kuq laq shix? Naungnueyc gurc nuex phuiuz vsvy yvmx muinz vguez shex, piq muex kuy juing hup vsvmx naungnueyc rueq yvmx muinz lvp miq, yvmx lac httax yaq nguinx?” ngoz tueq wiz tueq.

1 SAMUEL 9:7 Referencias Cruzadas

1 HOKHVMX 13:7

Kiijiishe hokhamwe raq shammiwe ma nguto, “Ümniika ngi rai ijam na wa i. Laüta phanshi ra tü adung phaqsiq thülaq. Ümniiraq ngi miitu jamlai wa shamkuq laü kra miitu ngi raq ümniima poksi mikuq kang.”

1 HOKHVMX 14:3

Apaiq ma keho ma winsii thoproqshi, kek wiijam, kiimaq ngiq ngu tsabum chüshi hoho laüta kilaq. Laüta nase ka jamkha jatiwa kra waikikiq. Raüla apaiq raq ümniima michongkuq.”

2 HOKHVMX 4:42

Kriimaq akhing jangshi na hali, maiq weshi ka Baal Shalishah hiq maq aki saükito. Apaiq raq Elisha ma kra rawii wa apha shaq shaq jaili tsam jut raüta, kiiwa winsii alum roq nai hoho raüta lam hoto. Kiimaq püwong daq nye wa lam hoto. Kiijiishe Elisha raq ajaqshi se ka kriimaq shammibi ka tü phaqsiq laq nguta thaüto.

2 HOKHVMX 5:15

Kiimaq apaiq asengikong rai Elisha phana jang wanto. Raüta akha nguto, “Riita ümchaü kla ngi riimin, ara mangjong hiq niika laihin shiikea ka ahü, Israilnok Shiikeawe sitlaq kli dea nguta saptiikang. Arningkhan, shiilangwe lei, ngi raq kongphiq kuq tiikang arka tao laq.”

2 HOKHVMX 5:5

Kiijiishe hokhamwe raq nguto, “Kilaq Israil mung hokhamwe phana. Kiimaq ara lak ariiri lamho laüta kilaq.” Naaman ka kihoto. Kiimaq ajaq na kampho ngam sii hingroqtsam, chaq ngam sii hingtrok, kiimaq kheanin miirii roqshi kra hoho raüta kihoto.

2 HOKHVMX 8:8

Kiijiishe apaiq raq awokhong na siti ajong alabi phong kiiwa weshi Hajael ma akha chongto, “Shammiwe ma kongphiq kehochang kra lamho laq. Laüta apaiq ma Tatiwe rai riibomlaq, ithatsi ara ahea sha miraq, shea heamak wa” nguta waiwakiq nguta thaüto.

2 HOKHVMX 8:9

Krai mren Hajael raq hup asam ka Damaskas chela na tiidong tlaq ahea awa phan thun kra, Kumtsong kaü roqblai ma tiiho raüta, Elisha rai riihumkai kihoto. Raüta, Hajael raq Elisha ka hum raüta, “Ümjaqshise Hokhamwe Benhadad raq ngi ka ümniiphana apaiq thatsi ka mihea shea healot mak wa miraq nguta bom tiiwaikai tiikito” nguta chongto.

EJEKIEL 13:19

“Namshiq raq haptashishe jaili nai phutsam phublaise winsii phu kra laphaq miitu Ngi ka isenginok mungmaiqse makki na shummiitlan. Namshiq raq maiqse ka khii akha min ahü atsai chang shutphit jammin ahü kriiti kiimin wiita tsatbaiq wantlan. Kiimaq mungmaiqse juwa ashut kloti, tsangshiq ka atra si thek makti thun kra atra tiisitlan. Namshiq raq arot akiq bom kra chong lanta mungmaiqse ka laotlan. Tsangshiq raq namshiq bom kiima kamtlo.”

PHOWEBI 6:18

Ngi raq ümniima phanshi ra aphaq asea chang honglu lamkuq wan pha. Ümniika arjaq heashi kheli laq.” Kiijiishe apaiq raq treto, “Ümnaq mijangki haü shaq wiiwii ngi ka kheshat mirkang.”