1 SAMUEL 9:5 - ASII LAKDAP Bible (BSI)

⁵ Riita ümtiikiiwa tsangnai ka Juph hong binjü niishe saüwantaq, Saul raq ajaqshi se ma nguto, “Jam niili she jang wan i. Riimakla iwe ka kumtoq kong kra laqbaiq raüta, nanai miitu khoti chapa raihojiiq.”

Hawa Naga Bible 2001

⁵ Tsuingnueyc kuex Zupha hong nuex httuiuc kaz tueq nuex, Sholu rueq vnvrc waz muex ngoc, “Yuimx nuex shex yek waung ix, rvmuq ngoz ruiux iwaz kuex loze hez tvkoc rvwvlc japa tuex htauk nuex naungnueyc muex rvwvlc japa tuex,” ngoz tueq jungx tueq.

1 SAMUEL 9:5 Referencias Cruzadas

Matthew 6:25

“Arkha maq tiina ngi raq namshiq ma chongtiikang. Atra maq si ma tiipao wan miitu nai khum tiikhe miitu khu akhea rong ratlaq kra miitu naq chapa rongkiq. Rilung ka dung jada thaq na ara. Kiimaq khum ka khea sam wan tiikai arthaq na ara.

Matthew 6:28

“Khu akhea miitu ka jaram chapa wa? Rum na lili pepü sitlaq kra tsomhea. Kra liimanta. Pepü ro raq kheataq sam ma nguta chhi arai min sham mak.

Matthew 6:34

Arkha maq anap miitu ka naq chapa rongkiq. Anap miitu ka anaptiq tiima wan chang. Aranaiq holai jamlai wa sitlaq, kriili howan lili ronglaq.”

Luke 12:11

“Ümtiikiiwa namshiq ka sinagok thun niilo, riimak la honyung hokhambi rung na lo, tiichap raüta, kha mipho, kra ranaiq akhing na, namshiq khum tiichhii miitu bom ka jamkhii chong chang wa nguta, tiima lanta naq chapa rongkiq.

Luke 12:22

Kra chongkuq lot raütiishe, Jesuq raq ajaqshisetiim ma akha chongkuqto, “Arkha maq tiina, ngi raq namshiq ma chongkuq tiipha ara. Atra maq siwan miitu, dungjada ra tlaq kra nai khum tiikhe chang khu akhea ra tlaq kra miitu, namshiq ka naq chapa rongkiq.

1 SAMUEL 1:1

Kiijaq maiq weshi asi riito. Apaiq mang ka Elkana. Apaiq ka Ephraim phan wa. Apaiq ka ku akin tonglong Ephraim wang na Rama chela na sitiwe. Apaiq ka Jeroham se kiimaq Elihu ma asaü. Kiimaq ata mang ka Tohu ta, Juph weraü phan wa.

1 SAMUEL 10:2

Ümchaü ranaiq ümniika ngi rai kiim riiphea laüta wawan tlaü na, Benjamin wang na Jelja chela na Rechel malap chang longsha raükhu tho kiijaq, maiq wenai mirhum haü. Tsangnai raq kumtoq kong amo arki ümniiraq ritrat tlaü kriika ahumwishe nguta ümniima michong. Krai mren, ümwe ka kum toq kong miitu ka chapa makshe. Shatmaq ümnaq miitu li she chapakito. Kra ningkhan apaiq raq, ‘Ise miitu ngi ka jamkhiishe wa mijaha?’ nguta chapa kito nguta ümniima bom ka michong.