1 SAMUEL 9:1 - ASII LAKDAP Bible (BSI)

¹ Kiijaq maiq weshi chiithe kiimaq amangchong asi riito. Apaiq mang ka Kish. Apaiq ka Benjamin phan wa. Apaiq ka Abiel se. Kiimaq Jeror ma asaü. Tsangta mang ka Bekorath ta. Kriika Aphia weraü phan wa.

Hawa Naga Bible 2001

¹ Benjamin phvnx wawc vmuingc Kish ngoz yaq luiz waungx muingc jungc vhttax miq washiz httax yaq; Piq kuex Aphia waruiuz wawc taungx khoz taungx htaq rvtueq Bekhorat taungx wawc vrv-phvlc wvnc Zeror suiuz, Abiel saz rvtueq.

1 SAMUEL 9:1 Referencias Cruzadas

2 SAMUEL 19:32

Brajillai ka tikii kiikaiq she, wiiroqtiichat she riito. Apaiq ka pinthum chiithejong. Krai mren, apaiq raq hokhamwe ka Mahanaim hiq na sichoji na phaq nai sea chamtraq khrum kuqto.

ESTHAR 2:5

Kra akhing na Susa chela na Jehudiwe ashi asi riito. Apaiq mang ka Mordekai. Apaiq ka Jair se. Apaiq ka Benjamin phan wa. Atinai mang ka Kish nai Shimei.

YOBA 1:3

Asku kong ka hingmiishi, kumtsong kong ka hingtsam, minsaü kong ka hingshi, kiimaq kumtoq kong ka shibiingi riito. Kiimaq jaqshamti ajaqshi se kong kiimin pahea. Apaiq ka shedong mung na lüwa jong pinthum riito.

Acts 13:21

Kiimaq kra jai miishe, tsangshiq raq mung peng wan miitu hokham shongke raa tlo ngutiishe, Shiikeawe jaq wa jaü wanto. Krai mren, Shiikeawe raq tsangshiq ma Kush se Saul, Benjamin weraü wa kriishe mung peng wan miitu tsangshiq hokham we miishe shongkuqto. Apaiq raq munglang wan hokham jaqsham wan ka wiiroqblai sham wanto.

1 SAMUEL 10:23

Krai mren tsangshiq ka ju raüta Saul ka nokwe makki na sheakito. Krai mren tsangshiq raq apaiq ka nanok thaq niimin sokshi ajong alu lin chhito.

1 SAMUEL 14:51

Saul ma awe Kish nai Abnar ma awe Ner ka Abiel se riito.

1 SAMUEL 25:2

Kiijaq Kaleb weraü phan wa maiq weshi amang min Nabal nguta asi riito. Apaiq ka Maon chelati. Kiimaq apaiq wak ram ka Karmel chela tho na riito. Apaiq ka pinthum chiithe riito. Apaiq skukong ka hingtsam. Kiimaq chhechhi kong ka hingshi riito. Tsangnyung mang ka Abigail. Apaiq ka shamhea shamjü kiimaq atsiiwiq nyung riito. Shatmaq apaiq ka khannyan hea we kiimaq maiqjiq mokhiqriq kai li. Nabal ka Karmel chela na apaiq skukong bin riichomsirea riito.