1 SAMUEL 7:12 - ASII LAKDAP Bible (BSI)

¹² Raütiishe Samuel raq longkaü ashi do raüta, Mijpa chela nai Shen chela liipan na shongto. Raüta akha nguto, “Tatiwe raq namshiq ka lam wiilülü khrum kuqto.” Raüta kra apaiq raq, “Kra longkaü ka Khrum Longkaü,” nguta mangto.

Hawa Naga Bible 2001

¹² Kvruex yimaq Samuel rueq lung vshiz tsenz vtueq Mizpa nuiyc Shen hvlwvl nuex shungc ruiux, “Yehowa rueq nuiyshiq muex lvmx wvlex romc kuq phuex,” ngoz tueq jungx tueq, kvkhoc rvtueq lung kv-ngoc, “Romc kuy jix Lung,” (Ebeneza) ngoz tueq muingc tueq.

1 SAMUEL 7:12 Referencias Cruzadas

RAPHA HIQWA LAK 22:14

Abraham raq kriiba ka “Tatiwe raq kuqtlo” nguta mangto. Kiimaq ümchaü niitaq maiq raq, “Tatiwe pum niika apaiq raq kuqtlo,” nguta ngutlo.

RAPHA HIQWA LAK 35:14

Kiijaq, Shiikeawe raq apaiq rai riibomtaq hiq ba na Jakob raq tsan na tiitsang chang man phan longkaü ashi shongto. Raüta kra longkaü ka spiqtai nai olip tai maq nyuk raüta ramto. Raüta Shiikeawe ma kiinong kuqto.

Tvtsvmc 71:17

Ngi noseji niiphü ümniiraq ngi ma shrinkuq laü, krai mren ngi raq ümchaü niitaq ümniiraq amao chang jaqsham tlaü thun kra chongtiikang,

Tvtsvmc 71:6

Ngi ka rilung pattup ümdü na tiininlatli siwantiikang; inyungpuk maq rawüchhi wanli maq phii, ümniiraq ngi khupwongkuqlaü. Ngi raq wranaiqshe ümniili mitiitsamha.

DUNGWVNC 17:15

Kiimaq Mosheq raq kiijaq berong-wacha ashi haito. Raüta kriika, “Tatiwe ka ngi Tanglap,” nguta mangto.

ISAIA 19:19

Kra akhing she saüwa raüla, Tatiwe shomnoq chang berong-wacha Ejip mung na ashi miraq. Kiimaq Ejip mung hiqrai na longkaü khamchong ashi apaiq mang na ashong asi miraq.

Acts 26:22

Shatmaq, ümchaü ranaiq niitaq, Shiikeawe raq ngi ka khrum kuwan tlo. Krai mren, ngi raq ümchaü ranaiq min, arjaq namshiq ajong alabi, kiimaq wepuq wese mungmaiqse tarü man na, hakhi kuq tiikang ara. Riita, ümchaü ranaiq arjaq mungphong na jamlai bom wa chongkuq tiikang arsii li, ümsiimaq pat achat na, teiwe shammibi nai Mosheq riimin ranaiqshi akhing na ara bomtsi ara mihongtha wan dongdii nguta chong kuqthüto.

2 Corinthians 1:10

Riita apaiq raq naishiq ka atinkhan atsai chang chamchao walü mong wa tiichhii kuqto. Kiimaq apaiq raq, jai miili jiimin tiikhup wongkuq wan ruq miraq. Kiimaq naishiq raq apaiq ma naishiq kamtsantsii ka thü wan kai she. Apaiq raq naishiq ka tiikhup wongkuq wanruq miraq nguta kamtiikai.

JOSHUA 4:9

Kiimaq, Joshua raq Tongshong Tek piwanti ramwebi chap wan chang ba Jordan rai kok mong ba kiijaq, longkaü kaüroqshiri kaünai hali, Israilnok maiqphan phanroqshi ri phannai kra maiqphan aweatek kaüshishi tiiphong wanto. (Riita ara longkaü thun arka, ümchaü min kriijaq sishat asili.)

1 SAMUEL 14:35

Saul raq aphashaqshaq Tatiwe ma berong-wacha ka kiijaq haito.

1 SAMUEL 4:1

Kra akhing na Philistainnok ka Israilnok khat ma adam na thungto. Krai mren Israilnok kiimin tsangshiq khatkai kihoto. Israilnok raq tsangshiq piitiip ka Ebenejar chela na teito. Kiimaq Philistainnok riika Aphek chela na teito.

1 SAMUEL 5:1

Philistainnok raq Tongshong Tek ka lap raüta, Ebenejar chela wa tsangshiqnok hiq Ashdod chela niishe pihoto.

1 SAMUEL 7:11

Israilnok ka Mijpa chela maq chap wanto. Raüta Philistainnok ka Bethkar chela kiina saüli jowanto. Raüta tsangshiq ka lam wiilülü jiipbaiq wanto.